معا ضد اعلام الفلول

ZIKO

:: العضوية الذهبيهـ ::
معا ضد اعلام الفلول






قنوات cbc - النهار - مودرن - بانوراما
ملك رجل الاعمال : محمــــــــد الأمين . عضو الحزب الواطى المنحل . واحد رجال الاعمال المنتفعين من عهد النظام المنحل . هو شريك كمال الشاذلى . وكذلك من الشركاء البارزين مع منصور عامر فى انشاء بورتو مارينا







قنوات دريم 1 ودريم 2
ملك احمد بهجت الشهير بابن ( مبارك ) لقربه الشديد من الرئيس المخلوع







قنوات - الحياة
ملك السيد البدوى رئيس حزب الوفد الداعم الاول لعمرو موسى . أحد الفلول والمعروف بانتمائه للنظام السابق







قناة - المحور
ملك حسن راتب . عضو لجنة السياسات بالحزب الواطى المنحل ورجل الاعمال الشهير فى عهد مبارك . صاحب مصانع الاسمنت المسؤولة عن تصدير الاسمنت للكيان الصهيونى من اجل بنا الجدار العازل . والمتهم فى عدد كبير من القضايا بعد الثورة أبرزها التحريض على موقعة الجمل . وكذلك قضايا الاستيلاء على ارضى الدولة .







قناة - التحرير
ملك سليمان عامر . من اكبر فلول الواطنى . المتحفظ على امواله لاتهامه باهدار اموال ثروة مصر .







قناة - صدى البلد
ملك محمد ابو العنين عضو لجنة السياسات بالحزب الواطى المنحل . وأحد المتهمين بموقعة الجمل






جريدة - اليوم السابع
رئيس مجلس ادارتها : وليد مصطفى . مدير مكتب وزير الاعلام الاسبق منذ عهد المنحل صفوت الشريف







جرائد - الشروق - التحرير - الموجز
ملك : ابراهيم المعلم . صاحب المقولة الشهيرة ( انا خدامك قبل ما أكون خدام مصر ) والتى قالها لسوزان مبارك امام مكتبة الاسكندرية . وبالطبع عقب تلك الجملة فتحت له . سوزان . ابواب جنتها . فعرف الملايين الناتجة عن ملايين طباعة كتب القراء للجميع واحتكار لمعرض الكتب وغيرها .







جريدة - المصرى اليوم
مصادر تمويلها : صلاح دياب . صاحب شركة بيكو التى تعمل فى الاستمار الزراعى والتقاوى بالشركة مع شركات صهيونية معروفة . ونجيب سوريس المعروف بكرهه للاسلاميين






قالت د/ ليلى عبد المجيد -عميدة كلية اعلام القاهرة
هناك بعض السياسيين يستغلون امكانيتهم المادية فى انشاء قنوات تروج لهم . وهو الأمر الذى يؤثر على وعى الجماهير .


ويتهم محمــــــود المنير - مدير تحرير جريدة الحركة الكويتية
الاعلام المصرى بأنه يقتل الثورة ويقول : الاعلام المصرى يساهم بشكل كبير فى قتل روح الثورة ويحاول اجهاضها ويدعو بشكل صريح ومتلون احيانا ويدفع الى الاحتراب الداخلى بين الشعب المصرى . هذا الشعب الذى احتشد ثمانية عشر يوما متصلة فى الميادين مجلجلا بصوته فى ربوع المحروسة مطالبا باسقاط النظام . بينما كان ومازال الاعلام المصرى صفحه وقنواته العامة والخاصة ينفث سمومه محاولا انفراط العقد الذى عقدته الثورة فى وجدان الشعب المصرى فى ثورة 25 يناير العظيمة .


ويؤكد صفوت العالم - استاذ بكلية الاعلام
القنوات الخاصة لها اجندات خاصة تحكمها المصلحة . وتغطى قضايا وفقا لاهتمامات واتجاهات خاصة بها .


ويعلق فهمى هويدى - على ما وصفه بفوضى الاعلام
حالة الفوضى الاعلامية سمحت لكل من حصل مالا لا نعرف مصدره ان يؤسس قناة فضائية واحيانا عدة قنوات . لكى يسهم فى تشكيل او تشويه الرأى العام . وبحيث يكون الشرط الوحيد لاستمرار هو مجاملة المجلس العسكرى والحكومة . الأمر الذى اعدنا الى اجواء الخطوط الحمراء والأبقار المقدسة . التى لا يجوز الاقتراب منها او الاشتباك معها . ولأن الباب ينفتح على مصراعيه اذا ما تم تجنب ذلك المحظور . فاننا شهدنا زحفا مقلقا من جانب بعض الاثرياء لتأسيس الفضائيات ولأن هؤلاء اصحاب مصالح بالدرجة الاولى . فانهم اعتبروا الفضائيات مصدرا جديدا للقوة يخدم مصالحهم او يؤمنها


وكتب معتز بالله عبد الفتاح - استاذ العلوم السياسية
مقالة عن الاعلام بعنوان ( كيف يخدعنا الاعلام ؟ ) تحدث فيها عن ابرز اساليب الاعلاميين من اجل توجيه الرأى العام ومنها تلطيف القبيح وتهييج المشاعر والحذف المقصود من الاخبار بهدف اخفاء جزء من الحقائق وغيرها من اساليب رجال الاعلام فى تغيير الحقائق وتزيف الوعى .


انقل على قد ما تقدر . علشان الشعب يعرف
الرجاء عند النقل اثبات المصدر .. منتديات نجــــــــوم

______________________
 

الفنان محمد

مشرف عام
حبيبى يا زيكو يا غالى بجد واحشنى ووحشنا مواضيعك االممتازه
لما يعملو انهم عايزين طفل ينشى على تفكير علمانى كره للى حواليه يخلوه يخاف وهو ساكت يعنى ميخفشى وهو بيتكلم لالالالالالالالالالا
دا هيخاف وهو ساكت بينظر حواليه ميعرفشى ليه
اعلام ينقلك حقائق وعجائب وانت تقول يااااااااااااا دى مصر فيها رجاله
اعلام بيبعد الكلمه اللى هى منطق الصدق والصراحه اعلام بيضلل التفكير اعلام
ساخر لشعبه اعلام تفكيره على كده
اعلام ناسه العمال خايفين وناسه الكبار مدسوسين
اعلام مش خايف على بلده ازى ده يكون فى بلده
يارب اصلح مصر
تسلم ايدك حبيبى زيكو

 

ZIKO

:: العضوية الذهبيهـ ::
حبيبى يا زيكو يا غالى بجد واحشنى ووحشنا مواضيعك االممتازه
لما يعملو انهم عايزين طفل ينشى على تفكير علمانى كره للى حواليه يخلوه يخاف وهو ساكت يعنى ميخفشى وهو بيتكلم لالالالالالالالالالا
دا هيخاف وهو ساكت بينظر حواليه ميعرفشى ليه
اعلام ينقلك حقائق وعجائب وانت تقول يااااااااااااا دى مصر فيها رجاله
اعلام بيبعد الكلمه اللى هى منطق الصدق والصراحه اعلام بيضلل التفكير اعلام
ساخر لشعبه اعلام تفكيره على كده
اعلام ناسه العمال خايفين وناسه الكبار مدسوسين
اعلام مش خايف على بلده ازى ده يكون فى بلده
يارب اصلح مصر
تسلم ايدك حبيبى زيكو
والله نورت يا فنان . وسعيد جدا بكلامك الرائع
وعلى فكرة
شباب ائتلاف الثورة . هما اللى نشرين الكلام ده
فى الشوارع والميادين بمنشورات
وانا اخدت الكلام منهم وطرحته هنا . لعلى وعسى يكون انتشاره اسرع
نورت بجد يا فنااااااااااان نجووووم
 

S_e_M_o

ربي كُن مَعي فَالكُل راحل
معا ضد اعلام الفلول






قنوات cbc - النهار - مودرن - بانوراما
ملك رجل الاعمال : محمــــــــد الأمين . عضو الحزب الواطى المنحل . واحد رجال الاعمال المنتفعين من عهد النظام المنحل . هو شريك كمال الشاذلى . وكذلك من الشركاء البارزين مع منصور عامر فى انشاء بورتو مارينا







قنوات دريم 1 ودريم 2
ملك احمد بهجت الشهير بابن ( مبارك ) لقربه الشديد من الرئيس المخلوع







قنوات - الحياة
ملك السيد البدوى رئيس حزب الوفد الداعم الاول لعمرو موسى . أحد الفلول والمعروف بانتمائه للنظام السابق







قناة - المحور
ملك حسن راتب . عضو لجنة السياسات بالحزب الواطى المنحل ورجل الاعمال الشهير فى عهد مبارك . صاحب مصانع الاسمنت المسؤولة عن تصدير الاسمنت للكيان الصهيونى من اجل بنا الجدار العازل . والمتهم فى عدد كبير من القضايا بعد الثورة أبرزها التحريض على موقعة الجمل . وكذلك قضايا الاستيلاء على ارضى الدولة .







قناة - التحرير
ملك سليمان عامر . من اكبر فلول الواطنى . المتحفظ على امواله لاتهامه باهدار اموال ثروة مصر .







قناة - صدى البلد
ملك محمد ابو العنين عضو لجنة السياسات بالحزب الواطى المنحل . وأحد المتهمين بموقعة الجمل






جريدة - اليوم السابع
رئيس مجلس ادارتها : وليد مصطفى . مدير مكتب وزير الاعلام الاسبق منذ عهد المنحل صفوت الشريف







جرائد - الشروق - التحرير - الموجز
ملك : ابراهيم المعلم . صاحب المقولة الشهيرة ( انا خدامك قبل ما أكون خدام مصر ) والتى قالها لسوزان مبارك امام مكتبة الاسكندرية . وبالطبع عقب تلك الجملة فتحت له . سوزان . ابواب جنتها . فعرف الملايين الناتجة عن ملايين طباعة كتب القراء للجميع واحتكار لمعرض الكتب وغيرها .







جريدة - المصرى اليوم
مصادر تمويلها : صلاح دياب . صاحب شركة بيكو التى تعمل فى الاستمار الزراعى والتقاوى بالشركة مع شركات صهيونية معروفة . ونجيب سوريس المعروف بكرهه للاسلاميين







______________________

دول كلهم تبع الفلول امال تفرج على ايه على ايديدااااااس
هههههههههههههههههههههه





قالت د/ ليلى عبد المجيد -عميدة كلية اعلام القاهرة
هناك بعض السياسيين يستغلون امكانيتهم المادية فى انشاء قنوات تروج لهم . وهو الأمر الذى يؤثر على وعى الجماهير .


ويتهم محمــــــود المنير - مدير تحرير جريدة الحركة الكويتية
الاعلام المصرى بأنه يقتل الثورة ويقول : الاعلام المصرى يساهم بشكل كبير فى قتل روح الثورة ويحاول اجهاضها ويدعو بشكل صريح ومتلون احيانا ويدفع الى الاحتراب الداخلى بين الشعب المصرى . هذا الشعب الذى احتشد ثمانية عشر يوما متصلة فى الميادين مجلجلا بصوته فى ربوع المحروسة مطالبا باسقاط النظام . بينما كان ومازال الاعلام المصرى صفحه وقنواته العامة والخاصة ينفث سمومه محاولا انفراط العقد الذى عقدته الثورة فى وجدان الشعب المصرى فى ثورة 25 يناير العظيمة .


ويؤكد صفوت العالم - استاذ بكلية الاعلام
القنوات الخاصة لها اجندات خاصة تحكمها المصلحة . وتغطى قضايا وفقا لاهتمامات واتجاهات خاصة بها .


ويعلق فهمى هويدى - على ما وصفه بفوضى الاعلام
حالة الفوضى الاعلامية سمحت لكل من حصل مالا لا نعرف مصدره ان يؤسس قناة فضائية واحيانا عدة قنوات . لكى يسهم فى تشكيل او تشويه الرأى العام . وبحيث يكون الشرط الوحيد لاستمرار هو مجاملة المجلس العسكرى والحكومة . الأمر الذى اعدنا الى اجواء الخطوط الحمراء والأبقار المقدسة . التى لا يجوز الاقتراب منها او الاشتباك معها . ولأن الباب ينفتح على مصراعيه اذا ما تم تجنب ذلك المحظور . فاننا شهدنا زحفا مقلقا من جانب بعض الاثرياء لتأسيس الفضائيات ولأن هؤلاء اصحاب مصالح بالدرجة الاولى . فانهم اعتبروا الفضائيات مصدرا جديدا للقوة يخدم مصالحهم او يؤمنها


وكتب معتز بالله عبد الفتاح - استاذ العلوم السياسية
مقالة عن الاعلام بعنوان ( كيف يخدعنا الاعلام ؟ ) تحدث فيها عن ابرز اساليب الاعلاميين من اجل توجيه الرأى العام ومنها تلطيف القبيح وتهييج المشاعر والحذف المقصود من الاخبار بهدف اخفاء جزء من الحقائق وغيرها من اساليب رجال الاعلام فى تغيير الحقائق وتزيف الوعى .


انقل على قد ما تقدر . علشان الشعب يعرف
الرجاء عند النقل اثبات المصدر .. منتديات نجــــــــوم

بس يا زيكو على كدا بقى
مفيش مصداقيه خلاص
انا كنت عارف ان الحياه و سى بى سى والنهارده والزفته دى مودورن
بس مكنتش اعرف ان دريم ووالمحور
والله بجد انا بقيت بين نارين مبقتش عارف مين مع مين
اصل المصيبه ان كله بيقول كلام مختلف
وكله بيقول الحقيقه فى وجه نظره
وكله معاه اثباتات
بقينا فى زمن
للحقيقه وجوه كتيره
 
فعلا هو اعلام فاشل و مستبد و واطى و فلول و شلة منتفعين و لازم كلنا نقاطعهم عندك حق و متفق معاك و ممكن نشغل الراديو و ندعى ربنا انه ميكنش عليه حد فلول او من اتباع الفلول لدرجة انى نفسى تعرفلى معنى كلمة فلول يا زيكو ؟

بس فيه سؤال بيطرح نفسه هنا

الناس الوحشة دى و والواطية دى و اللى مش تمام دى و المنافقة دى و اللى معندهاش مبادىء و قيم دى و اه نسيت اهم كلمة فلول

ليه مرشحكم الاخوانى محمد مرسى بيروح عندهم و بيقبل دعوتهم و بيقعد معاهم و بيتحاور فى قنواتهم اساسا و هو اول واحد بينادى بالبعد عن كل انظمة و ازرع الفلول فى البلد ؟؟؟

المفروض انه صاحب مبدا و ميغيرش مبادئه و اى استضافة من اى فلول او اعلام فلول يرفض و بشدة انه يطلع فيه !

هل الغاية تبرر الوسيلة ؟ و هل المبادىء ممكن ان تتجزأ تبع المصلحة الشخصية الا و هى الاعلان و الدعاية !!!


 

ZIKO

:: العضوية الذهبيهـ ::
دول كلهم تبع الفلول امال تفرج على ايه على ايديدااااااس
هههههههههههههههههههههه
:24::24::24::24:
ههههههههههههههههههههههههههههههه لا حلوة بجد دى
ولو دورنا كمان على الاديداس . مش بعيد نلاقى اللى محتكره فلول
وبجد تحيه لشاب ائتلاف الثورة . بجد اليومين دول عاملين شغل جامد جدا فى كل حتة
ربنا يحميهم . عملين حملة رهيبة لتوعيه الناس من فضائيات الفلول .
بجد الواحد كل اما بيقرب من الشباب دى . بيحبهم اكتر . هما رافعين شعار
شباب ائتلاف الثورة . شباب بتحب مصـــــــــر
وعندهم مليوووون حق
الشباب دى فعلا .. بتحب مصـــــــــر


بس يا زيكو على كدا بقى
مفيش مصداقيه خلاص
انا كنت عارف ان الحياه و سى بى سى والنهارده والزفته دى مودورن
بس مكنتش اعرف ان دريم ووالمحور
والله بجد انا بقيت بين نارين مبقتش عارف مين مع مين
اصل المصيبه ان كله بيقول كلام مختلف
وكله بيقول الحقيقه فى وجه نظره
وكله معاه اثباتات
بقينا فى زمن
للحقيقه وجوه كتيره
للاسف دى الحقيقه وكل دول فلوووول
والله عندك حق يا سيموز
وربنـــا يكون فى عون الشعب ده . فعلا مش عارفين نلاقيها منين ولا منيين
بس ان شاء الله طول ما فيه شباب واعى . وبيحاول يشتغل بجد . وبيحاول يوصل لكل فرد فى المجتمع
علشان يفهم الناس الحقيقة . يبقى فيه امل . ولازم نقف مع الشباب دى . ونساندهم بكل قوتنا
ونضرب ليهم تعظيم سلام كمان على مجهودهم . بجد الف تحيه ليهم . وان شاء الله مكملين معاهم
للتخلص من بقايا الفلول
 

ZIKO

:: العضوية الذهبيهـ ::
فعلا هو اعلام فاشل و مستبد و واطى و فلول و شلة منتفعين و لازم كلنا نقاطعهم عندك حق و متفق معاك و ممكن نشغل الراديو و ندعى ربنا انه ميكنش عليه حد فلول او من اتباع الفلول لدرجة انى نفسى تعرفلى معنى كلمة فلول يا زيكو ؟

السؤال ده ممكن تطرحه على واحد من الفلول هتلاقى اجابه شافيه ووافيه عنده
اينعم هما بيقلوا يوم بعد يوم والحمد لله . بس اعتقد انى انت عندك القدرة انك تلاقيهم بسهولة

وعلشان مبقاش حرمتك من الاجابه . فل اى مهزوم


بس فيه سؤال بيطرح نفسه هنا

الناس الوحشة دى و والواطية دى و اللى مش تمام دى و المنافقة دى و اللى معندهاش مبادىء و قيم دى و اه نسيت اهم كلمة فلول

ليه مرشحكم الاخوانى محمد مرسى بيروح عندهم و بيقبل دعوتهم و بيقعد معاهم و بيتحاور فى قنواتهم اساسا و هو اول واحد بينادى بالبعد عن كل انظمة و ازرع الفلول فى البلد ؟؟؟

المفروض انه صاحب مبدا و ميغيرش مبادئه و اى استضافة من اى فلول او اعلام فلول يرفض و بشدة انه يطلع فيه !

هل الغاية تبرر الوسيلة ؟ و هل المبادىء ممكن ان تتجزأ تبع المصلحة الشخصية الا و هى الاعلان و الدعاية !!!

اولا بدون استهزاء . الاعلام فعلا وبدون شك وحش وكخه وواطى . وكويس اوى انك دايما تفتكر انهم مهزومين . قصدى فلول
ثانيا اللى بيطرح الكلام ده مش بس الاخوان . لا ده كل فئات المجتمع
تعرف اد ايه القنوات دى بتضلل اكتر ما بتوعى . وده عليه اتفاق كامل من جميع فئات الشعب معاده الفلول منهم بالطبع
واللى طرح الفكرة وبينشرها فى الوقت الحالى . وشغال عليها لتوعية الناس . هم
شباب ائتلاف الثورة .. ربنا يحميهم
واخير : من اخلاق المسلمين يا محمــــــــــــد . انى اما حد يقدم لك دعوة . لزيارته فى بيته
حتى ولو انت مختلف معاه فى الفكر والسياسه . حتى ولو كان الاختلاف فى العقيدة نفسها . وجب عليك تلبية دعوته .

هى دى اخلاقنـــــــــا يا محمـــــــــــــــد باشا
 

AnA Sara

آنـآ ألآسطـورهـ :D
هااااااااااااااااااار اسووووووووود

اعمل انا ايه بقاااااااااااا اتفررررررج على ايييييييييييه

ما عليناااااااااااا مشكلتناااااااااااا اننا عارفين الحقيقه

فين وبنضلل عنيناااااااا بعيد عنهاااا لاننااااا

بنحب اللى يضحك عليناااااااا لكن للاسف

موش بايدينا غير نتفررج واحنا ساكتييييييييين
 

ZIKO

:: العضوية الذهبيهـ ::
هااااااااااااااااااار اسووووووووود

اعمل انا ايه بقاااااااااااا اتفررررررج على ايييييييييييه

ما عليناااااااااااا مشكلتناااااااااااا اننا عارفين الحقيقه

فين وبنضلل عنيناااااااا بعيد عنهاااا لاننااااا

بنحب اللى يضحك عليناااااااا لكن للاسف

موش بايدينا غير نتفررج واحنا ساكتييييييييين
عندك حق مفيش فى ايدنا حاجه غير اننا نتفرج
لكن واحنا ساكتين .. ده اللى مش مطلوب
لازم نتكلم ونفهم ايه اللى بيدور
ولازم نفهم اللى حولينا من جيران واصحاب وخلافه . خطورة القنوات دى علينا
وعلشان نرتاح من المعادله دى
اى حاجه تتقال فى القنوات دى . لابد اننا نمشى عكسها
يعنى يقولوا فلان ده حلو .. زى احمد شفيق مثلا
يبقى لازم نتأكد انه احمد شفيق ده مصيبه . ونبعد عنها
ولو قالوا على فلان وحش . زى محمد مرسى او ابو الفتوح او حمدين حتى يبقى بكل تأكيد هما دوول الكويسين

نورتى يا ست البنات وسعيد جدا بوجودك معانا
ولازم تعرفى انى انت عليكى دور ولو بسيط اتجاه كل الناس اللى حوليكى
حولى تكونى انت مصدر للتوعيه ليهم
 
السؤال ده ممكن تطرحه على واحد من الفلول هتلاقى اجابه شافيه ووافيه عنده
اينعم هما بيقلوا يوم بعد يوم والحمد لله . بس اعتقد انى انت عندك القدرة انك تلاقيهم بسهولة

وعلشان مبقاش حرمتك من الاجابه . فل اى مهزوم

انا بطرح سؤالى ليك علشان عايزك انت اللى تجاوب علشان على حسب اجابتك اعرف ارد عليك و بما انك قلت ان معنى فلول يعنى مهزوم يبقى زى الفل بعد الاخوان ان شاء الله ما ياخدو صابونة فى الانتخابات الرئاسية اى انهم ميوصلوش للكرسى اصل ممكن متفهمش معنى كلمة صابونة

يبقى كدة قدرنا نوصل لحاجة رائعة ان الاخوان فلول :21::21::21::21: علشان اتهزمو



اولا بدون استهزاء . الاعلام فعلا وبدون شك وحش وكخه وواطى . وكويس اوى انك دايما تفتكر انهم مهزومين . قصدى فلول
ثانيا اللى بيطرح الكلام ده مش بس الاخوان . لا ده كل فئات المجتمع
تعرف اد ايه القنوات دى بتضلل اكتر ما بتوعى . وده عليه اتفاق كامل من جميع فئات الشعب معاده الفلول منهم بالطبع
واللى طرح الفكرة وبينشرها فى الوقت الحالى . وشغال عليها لتوعية الناس . هم
شباب ائتلاف الثورة .. ربنا يحميهم
واخير : من اخلاق المسلمين يا محمــــــــــــد . انى اما حد يقدم لك دعوة . لزيارته فى بيته
حتى ولو انت مختلف معاه فى الفكر والسياسه . حتى ولو كان الاختلاف فى العقيدة نفسها . وجب عليك تلبية دعوته .

هى دى اخلاقنـــــــــا يا محمـــــــــــــــد باشا
اولا يا باشا الاستهزاء و التهييج و الاسلوب الغلط انت ابتديت بيه من اول ردك علىا فى موضوعك اللى فى القسم بتاعى بتاع شريعة الله و انا مردتش عليك و عدتها بمزاجى

ثانيا دخلت طلبت منك بكل احترام و ادب و قلتلك انت بتعرض فكر و منهج لمشرعكو بتاع النهضة ملوش لازمة انك كل شوية تغلط فى الرئيس جمال عبد الناصر عملت برده عكس الكلام و دخلتنى فى حورات بلا داعى و قلت تكبيل افواه و احنا بقينا احرار و كلام الهتافات اللى مياكلش عيش ده و انا حر و بتاع و انت من حقك تعترض و تجادلنى و اجادلك و الكلام اللى قلته و انا برده عديتلك الكلام اللى بين السطور اللى كله استهزاء و هجوم و برده مردتش عليك زى برده لو تفتكر انك عاملتنى بنفس الاسلوب قبل اما تبعد عن المنتدى و خدت اجازة 5 شهور و انا اللى دخلتلك الخاص و كلمتك و قلتلك ليه اسلوبك معايا هجومى قلت معلش و بتاع و كنت مضايق و انا قلتلك عادى يا صاحبى فى بيتها و كبرت دماغى و اتعاملنا كويس بس لما الاقى نفس الاسلوب الهجومى و الاقى نفس المعاملة اللى تبان ادام الكل انها مناقشة عادية و لكن هى فى طبيعتها نوع تانى و اسلوب تانى منك ليا فده مينفعش انى اتغاضى عنه و اسكت عنه لان مش معنى انى خايف على صداقتنا او انى اخاف اننا نتطاول على بعض بالكلام الباين او المستتر و نشيل من بعض و انى اتغاضى عن اسلوبك المستفز ان كدة انا بحافظ على صداقتنا و انت فين من كل ده

بص يا زيكو سهل اوى انى ارد عليك بنفس اسلوبك و نفس كلماتك الجامدة بس تفتكر هنوصل لايه فى النهاية ؟ انا و انت هنفقد احترامنا لبعض و هنفقد شعبيتنا اللى انا و انت بنناها فى نجوم غير اننا هنخسر بعض و هنخسر سمعتنا الحلوة وشكلنا اللى عملناه فى نجوم

انا المرادى مدخلتلكش الخاص علشان افهمك غلطك حبيت اكلمك ادام الناس زى ما انت بتكلمنى وحش ادام الناس علشان اعرف انت عايزنا نتعامل باى اسلوب و اللى انت هتقوله انا هعمله بس بجد و دى اول مرة بقولهالك من اول ما عرفتك انا فعلا فعلا زعلان و لو انت مش عزيز عليا انا كنت عرفت اتعامل معاك من غير ما اعتب عليك
 

ZIKO

:: العضوية الذهبيهـ ::
انا بطرح سؤالى ليك علشان عايزك انت اللى تجاوب علشان على حسب اجابتك اعرف ارد عليك و بما انك قلت ان معنى فلول يعنى مهزوم يبقى زى الفل بعد الاخوان ان شاء الله ما ياخدو صابونة فى الانتخابات الرئاسية اى انهم ميوصلوش للكرسى اصل ممكن متفهمش معنى كلمة صابونة

يبقى كدة قدرنا نوصل لحاجة رائعة ان الاخوان فلول :21::21::21::21: علشان اتهزمو

وهناك فرق كبير يا سيدى . بين مهزوم الفلول ومهزوم كرة القدم مثلا او من لا يحالفه توفيق المولى عز وجل فى الدراسه او الترشيح على منصب ما او العمل فى جهة ما .. هناك فرق بينهم كبير . وان شاء الله هحاول اشرح ده بالتفصيل فيما بعد .. حتى لا اطيل عليك . لانى هناك اشياء غير واضحه ليك
لابد من توضحها اكثر من توضيح هذا


اولا يا باشا الاستهزاء و التهييج و الاسلوب الغلط انت ابتديت بيه من اول ردك علىا فى موضوعك اللى فى القسم بتاعى بتاع شريعة الله و انا مردتش عليك و عدتها بمزاجى

ثانيا دخلت طلبت منك بكل احترام و ادب و قلتلك انت بتعرض فكر و منهج لمشرعكو بتاع النهضة ملوش لازمة انك كل شوية تغلط فى الرئيس جمال عبد الناصر عملت برده عكس الكلام و دخلتنى فى حورات بلا داعى و قلت تكبيل افواه و احنا بقينا احرار و كلام الهتافات اللى مياكلش عيش ده و انا حر و بتاع و انت من حقك تعترض و تجادلنى و اجادلك و الكلام اللى قلته و انا برده عديتلك الكلام اللى بين السطور اللى كله استهزاء و هجوم و برده مردتش عليك زى برده لو تفتكر انك عاملتنى بنفس الاسلوب قبل اما تبعد عن المنتدى و خدت اجازة 5 شهور و انا اللى دخلتلك الخاص و كلمتك و قلتلك ليه اسلوبك معايا هجومى قلت معلش و بتاع و كنت مضايق و انا قلتلك عادى يا صاحبى فى بيتها و كبرت دماغى و اتعاملنا كويس بس لما الاقى نفس الاسلوب الهجومى و الاقى نفس المعاملة اللى تبان ادام الكل انها مناقشة عادية و لكن هى فى طبيعتها نوع تانى و اسلوب تانى منك ليا فده مينفعش انى اتغاضى عنه و اسكت عنه لان مش معنى انى خايف على صداقتنا او انى اخاف اننا نتطاول على بعض بالكلام الباين او المستتر و نشيل من بعض و انى اتغاضى عن اسلوبك المستفز ان كدة انا بحافظ على صداقتنا و انت فين من كل ده

بص يا زيكو سهل اوى انى ارد عليك بنفس اسلوبك و نفس كلماتك الجامدة بس تفتكر هنوصل لايه فى النهاية ؟ انا و انت هنفقد احترامنا لبعض و هنفقد شعبيتنا اللى انا و انت بنناها فى نجوم غير اننا هنخسر بعض و هنخسر سمعتنا الحلوة وشكلنا اللى عملناه فى نجوم

انا المرادى مدخلتلكش الخاص علشان افهمك غلطك حبيت اكلمك ادام الناس زى ما انت بتكلمنى وحش ادام الناس علشان اعرف انت عايزنا نتعامل باى اسلوب و اللى انت هتقوله انا هعمله بس بجد و دى اول مرة بقولهالك من اول ما عرفتك انا فعلا فعلا زعلان و لو انت مش عزيز عليا انا كنت عرفت اتعامل معاك من غير ما اعتب عليك
الظاهر انى انت مش واخد بالك من شىء مهم
مش واخد بالك انى جميع التوبيكات بتاعتى سيدك بتدخل على انك واصى عليها
واسلوب الوصايه اللى سيدتك بتتبعه . مرفوض شكلا وموضوعا
ثانيا . انا لم استهزء بك او من غيرك
سيدك فى توبيك ( ماذا رأيتم من الله حتى تكره شرعيته )
دخلت وكأنك واصى علينـــــــــا . وحبيت تفهمنى انى انا كده بشيل ذنب الناس اللى ممكن تقتنع بكلامى
والمفروض عليه متكلمش واسكت احسن لى
رديت عليك بمنتهى الذوق . بالمنطق والعقل . وقولتك لا متخافش . مفيش اى ذنب ممكن يقع عليه او على غيرى
سيدتك بدل ما تدخل تقولى كلام صح او ترفضه .. انتظرت رد احد المعارضين . حتى تثنى عليه ومن ثم هاجمت الاخوان
ريت عليك ايضا بمنتهى الذوق . ولانك مرتش على الرد السابق . ودخلت مباشرة تهاجم الاخوان
وبناء على ردك تطرحت عليك سؤال بما تقتنع به انت ولم تفعله . وقولت لك . الا تخاف من ذنب من يتبعك ؟؟
سيدتك رديت . بقصه طويلة اعتقد انها لا تقنع اى احد . مش انا بس ..
ريت ايضا بمنتهى الذوق وقولتك يا صاحبى شكلك بتتفرج على افلام كتير . على العموم انا مصدقك
بس الاخوان سلاحهم هو الحب ... واى حد فى مكانى مش هيكون له رد مناسب وبمنتهى الذوق على ردك اكتر ملى قولته
الا بقى مفيش غير النفاق . واقولك الله قصتك جميلة وواقعيه . وفعلا بيحصل الكلام ده كل يوم يجى خمس ست مرات كده

اما توبيك مشروع النهضة .. سيدتك ايضا دخلت وكأنك حامى الحمى وواصى علينــــــا
وقولت فيما اتذكر . انك لن تقف متفرج . وحذرتنى من الاقتراب من السياسه والكلام عن عبد الناصر
قولت لك حينها . ان عصر الاستبداد والانفراد بالرأى قد انتهى . وعليك ان تبادلنى الحجه بالحجه . لا ان تخرس الالسنه
وارجع الى التوبيك هذا وذاك . وانظر الى ردودك . التى لا يوجد بها اى شىء يخص التوبيك لا بالاتفاق او المعرضه
غير اسلوب الوصايا المتبع منك دائما

واخيرا . انا اما اى حد يدخل بيتى واكون زعلان منه . وداخل مبتسم فى وجهى .
او بمعنى اصح على الخاص . بستقبله احسن استقبال .. وبنسى تماما الاساءه .
وبعمله بمنتهى اللطف . مش بس كده وبشيل عنه الحرج . وبقوله يا عم حقك عليه


ولو تريد ان تستمر الصداقه . فعليك تماما ان تتخلى ان اسلوب الوصايا

عليك ان تدخل وتتناقش معانا كما تحب وترغب . وتدافع عن ما تحب وتهاجم من تحب
كما يفعل باقى الاعضاء . الكل يتحدث والكل يوضح وجهة نظره . والكل يحاور ونستفيد من بعضنا بعض
وانظر الى زوكا ومادوا ومصطفى ابراهيم وغيرهم . الكل يدخل ويناقش ويحاور ويختلف بمنتهى الحب
لا احد منهم يفرض رأيه على الغير او وصيته على باقى الاعضاء . طالما ملتزمين بقوانين وقواعد المنتدى . فلهم كامل الحريه فى التعبير عن أرئهم
اما اسلوب فرض الرأى والقوى والعضلات . لانك مشرف القسم .. فده مرفوض تماما
مشرف القسم . وعلى وجهه الخصوص قسم النقاش . هو من يحافظ على تعدد الارأء وحرية التعبير
دون ان يفرض رأيه على باقى الاعضاء . عليه ان يحافظ على الاعضاء مع جميع اختلافتهم وميولهم
مع الحرص على عدم الخلاف بنهم . ويدخل فى الوقت المناسب ليكون حمامه السلام بينهم
مش هو من يثير الخلاف . ويريد من هذا الصمت لانه مختلف معه . ويهلل لهذا لانه اتفق معه


اتمنى تكون وجهة نظرى واضحه مع كامل احترامى

 

بقى كدهـ

كبار الشخصيات
انا محتاجه بس رد على كام حاجه مش هكترفالكلام يعنى بس محتاجه اعرف رد من الاخوان
هل الشريعه وهل الدين بيقول اننا نرشى الناس عشان يدونا اصواتهم ودا كان ادام عينى مش سمعته عن الاعلام المضلل
هل الدين بيقول اننا نلف ونقول اللى مش هينتخب مرسى هنولع البلد وبرده دا سمعته مش عن طريق الاعلام المضلل
هل عشان منصب اساوى بين مسلم ومسيحى ف عقيدتهم ودا مش عن لسانى دا من لسان مرشحكم محمد مرسى
http://www.youtube.com/watch?v=jTDXzeMCIas
والفيديو دا بيبن اللى اقصده وياريت بجد تفهمنى بدون عصبيه ولا اندفاع زى منا شايفه بس ياريت تفهمو وتقنعو الناس بالراحه يمكن نصدقكم
 

بقى كدهـ

كبار الشخصيات
وفى على فكره فيدوهات كتيره وتناقضات اكتر برده بو حبيت انى اجيب لك تانى عشان تفهمنى اكتر
 

بقى كدهـ

كبار الشخصيات
معلش بس سؤال صغنن بعيدعن الحوار
هوا ف الشريعه فى حكم صريح بيطبق الحد على السارق ؟؟
ولا مفيش حكم ف الشريعه بيقول كده
 

ZIKO

:: العضوية الذهبيهـ ::
انا محتاجه بس رد على كام حاجه مش هكترفالكلام يعنى بس محتاجه اعرف رد من الاخوان
هل الشريعه وهل الدين بيقول اننا نرشى الناس عشان يدونا اصواتهم ودا كان ادام عينى مش سمعته عن الاعلام المضلل
هل الدين بيقول اننا نلف ونقول اللى مش هينتخب مرسى هنولع البلد وبرده دا سمعته مش عن طريق الاعلام المضلل
هل عشان منصب اساوى بين مسلم ومسيحى ف عقيدتهم ودا مش عن لسانى دا من لسان مرشحكم محمد مرسى

اولا يا ست الكل نورتى الدنيا كلها
ثانيا شكلك اتلغبطتى ودخلتى توبيك غلط . التوبيك ده عن اعلام الفلول . ايه اللى دخل الاخوان فيه
ومع ذلك هرد عليك . لانى سعيد بوجودك
اولا نبدء بالفيديو .. انا شوفته معاكى هنا .
واللى لحظته الاتى وباختصار . ويارب اقدر اوضحلك اللى شوفته . وده من وجهة نظرى والله اعلم بكل تأكيد
المذيع فى حواره بيتكلم عن حزب النور . وطرح سؤال على الدكتور مرسى بيقول .
هل ممكن يحصل تحالف بين حزب النور والعداله ؟؟؟
واثناء الحوار . تحدث المذيع عن العقيدة بين الاخوان والسلفين , وقال هل يوجد خلاف عقائدى ؟؟ . وهنا كان يقصد خلاف بين الحزبين
نور وعداله او سلفين واخوان .. وليس خلاف بين اقباط ومسلمين
وبالقطع نفى تماما الدكنور محمـــــد مرسى انه لا يوجد اى اختلاف فى العقيدة بين الحزبين . ثم جمع مصر ككل انه لا يوجد خلاف بينهم
واستشهد بعدها باخونا الاقباط . انه لا يوجد اختلاف فى العقيدة . وهنا اعتقد البعض انه وقع فى خطء كبير
وهو بالفعل اخطىء . ولكن من وجهة نظرى والله اعلم ان الخطء لفظى وليس عقائدى . وانا اكاد اجزم والله اعلم
انه يقصد هنا التناحر ( بين الاقباط والمسلمين على العقيدة ) وليس الاختلاف بحد ذاته
( التناحر ) اى بينهم مشدات واختلافات تؤدى الى الفرقه والتضارب بينهم البعض . وعدم التحالف . الذى كان يقصده المذيع بسؤاله عن حزب النور فى البداية
والدليل . جاء بعدها على لسان الدكتور مرسى . ان الكل يعتقد بما شاء .. اذن هنا أكد الدكتور . انه يوجد فروق ومعتقدات مختلفه . والكل يعتقد بما يشاء
ولا يوجد بيننا اى فرقه او خلاف .. ممكن تؤدى بنا الى التناحر .. الذى كان يريد الاستشهاد به الدكتور محمد مرسى
وانا اعتقد انه خانه اللفظ فقط . كما اعتقد انه كان محق فى رؤيته . ولكن مقدرش يعبر بها باسلوب ابسط لتتفهمه الناس بسهولة
وده كمان اعتقد انه عيب اضافى . انه مقدرش يوصل فكرته بطريقه مبسطه واسهل من كده للناس . رغم انى هو انسان سلسل وبسيط جدا ومفهوم للعوام
ولكن غلطة الشاطر بعشرة زى ما بيقولوا
بصراحه اكثر ما احزننى . بعض الناس تصورها انه تنازل عن عقيدته . ويساوى العقدتين ببعض .
وبكل تأكيد مفيش طفل صغير ممكن انى هو يساوى بين العقداتين
والشيخ هنا مشكورا انه وضح . لكن كان واجب عليه . ان يرى الفيديو بنفسه . قبل ان يتحدث بناء على ما نسب اليهم
بدون ان يستمع اليه بنفسه


بالنسبه للى سمعتيه على حد قولك . انا مقدرش اجدلك فيه . انت بتقولى انك شوفتيه بعينك
وانا مصدقك . وبدعى بالهدايه لكل من يفعل هذا . وعايز اقولهم . يا خونا الاخوان مبيعملوش كده
لو انتم اخوان بجد . لازم تتحلوا باخلاق الاخوان . ومتعملوش حاجه تسىء للاخوان اكتر ما تنفعهم
وربنا يهدينا ويهديكم ويهدى كل الناس الى الطريق الصحيح
وفى على فكره فيدوهات كتيره وتناقضات اكتر برده بو حبيت انى اجيب لك تانى عشان تفهمنى اكتر

اى فيديو تحبى تطرحيه انا تحت امرك لو عندى رد هقولك واوضح . على قد علمى البسيط جدا


معلش بس سؤال صغنن بعيدعن الحوار
هوا ف الشريعه فى حكم صريح بيطبق الحد على السارق ؟؟
ولا مفيش حكم ف الشريعه بيقول كده
يا بنتى انا لا مفتى ولا داعيه .. انا حيلة زيكو
راجل غلبان جدا وعلمى محدود جدا جدا
انا مشعارف ليه بتعملونى على انى راجل فقيه ولا حاجه
ممكن تسألى اى شيخ هو هيفيدك عنى بكتيييييييير جدااااا
ومع ذلك . كل اللى اعرفه انى فيه ايه صريحه وواضحه فى القران بتطبيق الحد على السارق
قال تعالى
( وَالسَّارِقُ وَالسَّارِقَةُ فَاقْطَعُوا أَيْدِيَهُمَا جَزَاءً بِمَا كَسَبَا نَكَالًا مِنَ اللَّهِ وَاللَّهُ عَزِيزٌ حَكِيمٌ ). [المائدة:38]


بجد نورتى وسعيد جدا بوجودك
 

S_e_M_o

ربي كُن مَعي فَالكُل راحل
ثوانى يا زيكو بقا اسمح لى
انا مشفتش الفيديو بس انتا بتقول انه نفى ان فيه خلافات بين الاخوان والسلفين
احب اقولك لا لا لا لا
دا فيه خلااف شديد بينهم لدرجه انهم مش بيردو السلام على بعض
والله شفتها بعينى
بين سلفى واخوانى
بقول للسلفى الى كان معايا مش بترد السلام ليه
قالى دا اخوانى
قلت له وانتا عرفت منين قالى احنا لين لبس غير لبسهم وطريقه غير طريقتهم
دى حاجه
حاجه تانيه
انا بجد زعلاااااااااااان جدا من سلفى واخوانى وشيعى ولا حتى اى حاجه من دى
السؤال الى مجننى ليه دا كله ليه ميبقاش مسلم وخلااص
ربنا سمانا المسلمين وااحنا بنغير وبتقول سلفى واخوانى
وحاجات من دى
ليه كدا
بجد انا لقيت اجابه
قال الرسول الكريم تنقسم امتى الى بضع وسبعين فرقه كلهم فى النار الا واحده قالو ما هيا يا رسول الله صلى الله عليه وسلم قال من كانت مثل ما كنت عليه انا واصاحبى
صدق الرسول الكريم
الشااااااااهد بقى
ان الى بتكلم فيه ان فى عصر الرسول مكانش فيه غير مسلمين دا على حد علمى
والشاهد من القران واختم بيه
(( فَأَقِمْ وَجْهَكَ لِلدِّينِ حَنِيفًا فِطْرَةَ اللَّهِ الَّتِي فَطَرَ النَّاسَ عَلَيْهَا لَا تَبْدِيلَ لِخَلْقِ اللَّهِ ذَلِكَ الدِّينُ الْقَيِّمُ وَلَكِنَّ أَكْثَرَ النَّاسِ لَا يَعْلَمُونَ (30) مُنِيبِينَ إِلَيْهِ وَاتَّقُوهُ وَأَقِيمُوا الصَّلَاةَ وَلَا تَكُونُوا مِنَ الْمُشْرِكِينَ (31) مِنَ الَّذِينَ فَرَّقُوا دِينَهُمْ وَكَانُوا شِيَعًا كُلُّ حِزْبٍ بِمَا لَدَيْهِمْ فَرِحُونَ (32)الروم


وقال الله تعالى في مُحكم كتابه((شَرَعَ لَكُمْ مِنَ الدِّينِ مَا وَصَّى بِهِ نُوحًا وَالَّذِي أَوْحَيْنَا إِلَيْكَ وَمَا وَصَّيْنَا بِهِ إِبْرَاهِيمَ وَمُوسَى وَعِيسَى أَنْ أَقِيمُوا الدِّينَ وَلَا تَتَفَرَّقُوا فِيهِ كَبُرَ عَلَى الْمُشْرِكِينَ مَا تَدْعُوهُمْ إِلَيْهِ اللَّهُ يَجْتَبِي إِلَيْهِ مَنْ يَشَاءُ وَيَهْدِي إِلَيْهِ مَنْ يُنِيبُ (13) الشورى


وقال الله تعالى في مُحكم كتابه(((انَّ الَّذِينَ فَرَّقُوا دِينَهُمْ وَكَانُوا شِيَعًا لَسْتَ مِنْهُمْ فِي شَيْءٍ إِنَّمَا أَمْرُهُمْ إِلَى اللَّهِ ثُمَّ يُنَبِّئُهُمْ بِمَا كَانُوا يَفْعَلُونَ (159)الانعام

واخيرا

وقال الله في مُحكم كتابه((("ولا تنازعوا فتفشلوا فتذهب ريحكم"))صدق الله العظيم


دا راى بصراحه يا زيكو
وعارف انه كلام مش فى التوبيك الصحيح وعارف انك هتتكلم على الشيعه بس ليا عوده باذن الله بعد ما ترد على دا
ودا مش كلام فى السياسه دا كلام فى الدين هااااااا
علشان تعرف بس انا بلتزم بكلامى يالى اصغر منى انتا
:21::21:
 

بقى كدهـ

كبار الشخصيات
اولا يا ست الكل نورتى الدنيا كلها
ثانيا شكلك اتلغبطتى ودخلتى توبيك غلط . التوبيك ده عن اعلام الفلول . ايه اللى دخل الاخوان فيه
ومع ذلك هرد عليك . لانى سعيد بوجودك

لا على فكره انا دخلت صح من وجهه نظرى يعنى مش فرقه هنا عن هناك طالما احمد ف اى توبيك نعتبر التوبيك بيتكلم عن الاخوان والانجازات والمصداقيه المهم


اولا نبدء بالفيديو .. انا شوفته معاكى هنا .
واللى لحظته الاتى وباختصار . ويارب اقدر اوضحلك اللى شوفته . وده من وجهة نظرى والله اعلم بكل تأكيد
المذيع فى حواره بيتكلم عن حزب النور . وطرح سؤال على الدكتور مرسى بيقول .
هل ممكن يحصل تحالف بين حزب النور والعداله ؟؟؟
واثناء الحوار . تحدث المذيع عن العقيدة بين الاخوان والسلفين , وقال هل يوجد خلاف عقائدى ؟؟ . وهنا كان يقصد خلاف بين الحزبين
نور وعداله او سلفين واخوان .. وليس خلاف بين اقباط ومسلمين
وبالقطع نفى تماما الدكنور محمـــــد مرسى انه لا يوجد اى اختلاف فى العقيدة بين الحزبين . ثم جمع مصر ككل انه لا يوجد خلاف بينهم
واستشهد بعدها باخونا الاقباط . انه لا يوجد اختلاف فى العقيدة . وهنا اعتقد البعض انه وقع فى خطء كبير
وهو بالفعل اخطىء . ولكن من وجهة نظرى والله اعلم ان الخطء لفظى وليس عقائدى . وانا اكاد اجزم والله اعلم
انه يقصد هنا التناحر ( بين الاقباط والمسلمين على العقيدة ) وليس الاختلاف بحد ذاته
( التناحر ) اى بينهم مشدات واختلافات تؤدى الى الفرقه والتضارب بينهم البعض . وعدم التحالف . الذى كان يقصده المذيع بسؤاله عن حزب النور فى البداية
والدليل . جاء بعدها على لسان الدكتور مرسى . ان الكل يعتقد بما شاء .. اذن هنا أكد الدكتور . انه يوجد فروق ومعتقدات مختلفه . والكل يعتقد بما يشاء
ولا يوجد بيننا اى فرقه او خلاف .. ممكن تؤدى بنا الى التناحر .. الذى كان يريد الاستشهاد به الدكتور محمد مرسى
وانا اعتقد انه خانه اللفظ فقط . كما اعتقد انه كان محق فى رؤيته . ولكن مقدرش يعبر بها باسلوب ابسط لتتفهمه الناس بسهولة
وده كمان اعتقد انه عيب اضافى . انه مقدرش يوصل فكرته بطريقه مبسطه واسهل من كده للناس . رغم انى هو انسان سلسل وبسيط جدا ومفهوم للعوام
ولكن غلطة الشاطر بعشرة زى ما بيقولوا
بصراحه اكثر ما احزننى . بعض الناس تصورها انه تنازل عن عقيدته . ويساوى العقدتين ببعض .
وبكل تأكيد مفيش طفل صغير ممكن انى هو يساوى بين العقداتين
والشيخ هنا مشكورا انه وضح . لكن كان واجب عليه . ان يرى الفيديو بنفسه . قبل ان يتحدث بناء على ما نسب اليهم
بدون ان يستمع اليه بنفسه




كلامك زى الفل بس مصدقتوش عارف ليه لان انت محبتش تركز ف الكلام اللى الكل شافه وخد باله من الكلمه وانت قولت يمكن اخطأ لافظيا المهم برده اكيد الشيخ اللى رد عليه دا بيفهم عنى وعنك
وأكيد كمان دكتور وجدى غنيم يعرف اكتر منى ومنك طبعا

ودا رده
http://www.youtube.com/watch?v=nCI83lhGa9Q&feature=related


وشوف ازاى جاله زهول من رده

بالنسبه للى سمعتيه على حد قولك . انا مقدرش اجدلك فيه . انت بتقولى انك شوفتيه بعينك
وانا مصدقك . وبدعى بالهدايه لكل من يفعل هذا . وعايز اقولهم . يا خونا الاخوان مبيعملوش كده
لو انتم اخوان بجد . لازم تتحلوا باخلاق الاخوان . ومتعملوش حاجه تسىء للاخوان اكتر ما تنفعهم
وربنا يهدينا ويهديكم ويهدى كل الناس الى الطريق الصحيح

اقتباس:

انا فعلا سمعته وشوفته بس يؤسفنى اقولك ان هى دى فعلا اخلاق الاخوان اللى عشنا عرفناها من سنين السنين والاهم انى عرفت حاليا ليه كانو محبوسين فالقمقم ليه ؟؟

يا بنتى انا لا مفتى ولا داعيه .. انا حيلة زيكو
راجل غلبان جدا وعلمى محدود جدا جدا
انا مشعارف ليه بتعملونى على انى راجل فقيه ولا حاجه
ممكن تسألى اى شيخ هو هيفيدك عنى بكتيييييييير جدااااا
ومع ذلك . كل اللى اعرفه انى فيه ايه صريحه وواضحه فى القران بتطبيق الحد على السارق
قال تعالى
( وَالسَّارِقُ وَالسَّارِقَةُ فَاقْطَعُوا أَيْدِيَهُمَا جَزَاءً بِمَا كَسَبَا نَكَالًا مِنَ اللَّهِ وَاللَّهُ عَزِيزٌ حَكِيمٌ ). [المائدة:38]


بجد نورتى وسعيد جدا بوجودك
اكيد مش مفتى بس انت اكتر درايه منى ف اكيد هتفهمنى والحمد لله انت جبت بالقرأن الرد
المهم يااحمد انا كنت هرد عليك بالفيديو ان الدكتور مرسى بيقول ان مفيش حكم بيقول كده بس اعتقد ان محسن حطلك الفيديو دا فالتوبيك التانى بتاع الاخوان
واللى بيبن اد ايه انه ينفع فعلا يكون رئيس دوله

انا كمان كنت سعيده جدا بالحوار معاك

 

ZIKO

:: العضوية الذهبيهـ ::
يا سيموز . سؤال المذيع كان الخلاف على العقيدة نفسها
وليس الخلاف فى تطبيق سنه او تركها
والخلاف فى العقيدة بكل تاكيد مش موجود


بقى كده
لا استطيع اجبارك على تصديقى . ولكن هذا ما اقتنع به انا وهذه رؤيتى
انت سألتينى وانا وضحت وجهة نظرى . بصرف النظر عن انك تقتنعى بها او لا
وبكل تأكيد كلام الشيخ على عينى ورأسى . وبكل تأكيد هو على علم اكثر منى بكثير
فانا لا علم لدى مطلقا امام . اصغر داعيه او شيخ . ما بالك بالشيخ العدوى
كل ما اخذه عليه فقط . انه استمع لما نسب عليهم من قول . والكلام على لسان الشيخ نفسه
وكان واجب عليه ان يستمع اليه بنفسه . لا يستمع الى من نقل الكلام


بالنسبه للفيديو الذى وضعه محسن . هتلاقى ردى ان شاء الله تحت الفيديو
 

وهناك فرق كبير يا سيدى . بين مهزوم الفلول ومهزوم كرة القدم مثلا او من لا يحالفه توفيق المولى عز وجل فى الدراسه او الترشيح على منصب ما او العمل فى جهة ما .. هناك فرق بينهم كبير . وان شاء الله هحاول اشرح ده بالتفصيل فيما بعد .. حتى لا اطيل عليك . لانى هناك اشياء غير واضحه ليك
لابد من توضحها اكثر من توضيح هذا



الظاهر انى انت مش واخد بالك من شىء مهم
مش واخد بالك انى جميع التوبيكات بتاعتى سيدك بتدخل على انك واصى عليها
واسلوب الوصايه اللى سيدتك بتتبعه . مرفوض شكلا وموضوعا
ثانيا . انا لم استهزء بك او من غيرك
سيدك فى توبيك ( ماذا رأيتم من الله حتى تكره شرعيته )
دخلت وكأنك واصى علينـــــــــا . وحبيت تفهمنى انى انا كده بشيل ذنب الناس اللى ممكن تقتنع بكلامى
والمفروض عليه متكلمش واسكت احسن لى
رديت عليك بمنتهى الذوق . بالمنطق والعقل . وقولتك لا متخافش . مفيش اى ذنب ممكن يقع عليه او على غيرى
سيدتك بدل ما تدخل تقولى كلام صح او ترفضه .. انتظرت رد احد المعارضين . حتى تثنى عليه ومن ثم هاجمت الاخوان
ريت عليك ايضا بمنتهى الذوق . ولانك مرتش على الرد السابق . ودخلت مباشرة تهاجم الاخوان
وبناء على ردك تطرحت عليك سؤال بما تقتنع به انت ولم تفعله . وقولت لك . الا تخاف من ذنب من يتبعك ؟؟
سيدتك رديت . بقصه طويلة اعتقد انها لا تقنع اى احد . مش انا بس ..
ريت ايضا بمنتهى الذوق وقولتك يا صاحبى شكلك بتتفرج على افلام كتير . على العموم انا مصدقك
بس الاخوان سلاحهم هو الحب ... واى حد فى مكانى مش هيكون له رد مناسب وبمنتهى الذوق على ردك اكتر ملى قولته
الا بقى مفيش غير النفاق . واقولك الله قصتك جميلة وواقعيه . وفعلا بيحصل الكلام ده كل يوم يجى خمس ست مرات كده

اما توبيك مشروع النهضة .. سيدتك ايضا دخلت وكأنك حامى الحمى وواصى علينــــــا
وقولت فيما اتذكر . انك لن تقف متفرج . وحذرتنى من الاقتراب من السياسه والكلام عن عبد الناصر
قولت لك حينها . ان عصر الاستبداد والانفراد بالرأى قد انتهى . وعليك ان تبادلنى الحجه بالحجه . لا ان تخرس الالسنه
وارجع الى التوبيك هذا وذاك . وانظر الى ردودك . التى لا يوجد بها اى شىء يخص التوبيك لا بالاتفاق او المعرضه
غير اسلوب الوصايا المتبع منك دائما

واخيرا . انا اما اى حد يدخل بيتى واكون زعلان منه . وداخل مبتسم فى وجهى .
او بمعنى اصح على الخاص . بستقبله احسن استقبال .. وبنسى تماما الاساءه .
وبعمله بمنتهى اللطف . مش بس كده وبشيل عنه الحرج . وبقوله يا عم حقك عليه


ولو تريد ان تستمر الصداقه . فعليك تماما ان تتخلى ان اسلوب الوصايا

عليك ان تدخل وتتناقش معانا كما تحب وترغب . وتدافع عن ما تحب وتهاجم من تحب
كما يفعل باقى الاعضاء . الكل يتحدث والكل يوضح وجهة نظره . والكل يحاور ونستفيد من بعضنا بعض
وانظر الى زوكا ومادوا ومصطفى ابراهيم وغيرهم . الكل يدخل ويناقش ويحاور ويختلف بمنتهى الحب
لا احد منهم يفرض رأيه على الغير او وصيته على باقى الاعضاء . طالما ملتزمين بقوانين وقواعد المنتدى . فلهم كامل الحريه فى التعبير عن أرئهم
اما اسلوب فرض الرأى والقوى والعضلات . لانك مشرف القسم .. فده مرفوض تماما
مشرف القسم . وعلى وجهه الخصوص قسم النقاش . هو من يحافظ على تعدد الارأء وحرية التعبير
دون ان يفرض رأيه على باقى الاعضاء . عليه ان يحافظ على الاعضاء مع جميع اختلافتهم وميولهم
مع الحرص على عدم الخلاف بنهم . ويدخل فى الوقت المناسب ليكون حمامه السلام بينهم
مش هو من يثير الخلاف . ويريد من هذا الصمت لانه مختلف معه . ويهلل لهذا لانه اتفق معه


اتمنى تكون وجهة نظرى واضحه مع كامل احترامى


انا مش هرد عليك يا زيكو علشان هتزعل منى و المرادى هتزعل بجد و مش هعلق على كلامك اللى كله غلط و حورات و شو مسرحى فكاهى الحمد لله محمد سلام معروف من قبل ما يكون مشرف و من بعد ما كان مشرف و معنديش لا حتة استغلال سلطة و لا نفوذ و لا عمرى عرضتها على حد و لا كنت واصى على حد زى ناس مشكلتك الوحيدة انك متقمص دور الاخوان تفكيرا و مضمونا دى حاجة ترجعلك و معنديش اعتراض عليها بس الاعتراض فى انك تستخدمها معايا ده مش هسمح بيه على فكرة انا لو عايز اعمل باشرافى يا باشمهندس كنت قفلتلك موضوعات كتير اوى مش اكتر من دعاية و اعلان لاخوانا البعدة و كنت كتبتلك فى الملاحظات ممنوع تغير مسار الموضوع بس عيبى كمشرف انى بمشيها مع الكل ودى و بقول احنا اخوات و ملهاش لازمة اعرضها زى ما حضرتك بتقول يلا ما علينا هقولك كلمة اخيرة و هو مثل رائع قالوه اجدادنا و نفسى الناس كلها تعمل بيه بعد ما تعرف هى بتتعامل مع مين بيقول ايه المثل ده

متروحش تبيع المية فى حارة السقايين :3:
 

ZIKO

:: العضوية الذهبيهـ ::
للمرة التانيه يا محمد . هقولك اسلوب التهديد وفرض الوصايا على الغير . مرفوووووض تماما
واتمنى انك تلتزم . بموضوع التوبيك ومتخرجهوش عن مساره
ولازم تاخذ بالك انى انت الوحيد اللى بتغير مسار التوبيك !!!
لو عندك مشكله ممكن تعرضها على الادارة .
مش على الملاء هنـــــــا

ونتمنى للمرة الاخيرة . انك تسيب الناس تتكلم زى ما هى عايزة
وكل واحد يعبر عن رأيه زى ما هو عايز
طالما ملتزمين بالقوانين .
 
أعلى