بحبك بحبك يابلدى

امل بكرة

New Member
بحبك بحبك يابلدي

عيون كتير وقلوب كتير هناك وهنا متجمعين
عيون بتبكى وعيون بتحكى بدمع شوق وحنين
بيقولوا كان لنا هنا من زماااااااان ناس كانوا
من قلوبنا قريبين راحت سنين وجت سنين
واتغيروا وراحوا وياالهوا وأحنا لسه هنا مستنيين
يمكن يرجعوا.... ولا الحياة فى يوم تداوى المجروحين
تحن على قلب صبح يتيم بعد ماأتولد يادوب بيومين
*******
أسمع ياصاحبى الحكاية وأفهم المعنى
مش كل من مسك قلم وكتب عالورق
كتب كلام وله معنى
اللي بيكتب عن حبيبه واللي بينادى عليه
واللي يادوب بيوصف اللي بيه
********
بنقرا كتير ونضحك وكتير قبل مانقرا
بنتعب بنحس بدمع اللي كاتب
ونقرا حروف مكتوبة بدم
********
ياحبيبتى أنا عمرى ماكرهتك وإزاى أكره
سبب روحى ونفسى ؟
الكل بيقول وبيبكى وأنا مش عارفة أكتب
مهو كله قال أكتر من إللى في نفسي
بس تعرفى يا حبيبتي ...والله مهما قالوا
جوايا حب وكيان بيجرى بدمي
ومين عرف يوقف جريان دمه عشان يوصفه ؟
***********
معادش فى عمرى عمر ياحبيبتى
الله يخليكى خليني بحضنك وضميني
بترابك خليه يحميني يمكن أحسه
لآخر وأول مرة بيحميني
سامحينى لو كنت غلطت بحقك يوم ومعرفتش
أصرخ وأغير مهو أنتى عارفة مكنش بإيدي
آمنت لماكر ولم حواليه تعالب يعرفوا إزاى
ينهشوكي ويموتوني وأنا بعز شبابي
**************
وأهى عدت سنة بالذمة ياناس إيه فرق ؟؟
قولولي ؟
يمكن عشان صبرنا 30 سنة ؟ يبقا نستنى
كمان زيهم ؟؟؟؟؟؟؟
***********
صدقيني ماقدرش أوعدك ولا أرسم ليا وليكي
مستقبل وكله نور .. وإزاى وأنا عينيا
ماتعرف أصلا شكل ولا رسم للنور ؟؟
**************
بس خلاص سلمت ولسه ماتنازلت عن ثورتي
حتى لو قالوا إتسرقت
**************
ليه ياحبيبتى سيباني أخبط فى حلمي وشويه
شويه تلاقيني يأست ؟
قومي وصحصحي قلبك مش زى ماقالوا مات
قلبك لسه شايل جواه أزمان وأزمان
*************************
صحيح تعبت وجوا حضنك أنا كتير تهت
لكن والله يا مصر بحبك
وأنتي حبيبتي حتى لو مافى يوم فرحت
******************
حبي ليكي مش مواسم .. ولا ألغاز وشوية طلاسم
حبي ليكي حب فاق كل حدود اللغات
حب مغموس بدمي وبيربطني بيكي حبل سُري
حب يمكن يشوفوه عادي لأنه حب بسُكات
بيسحلوني ولوخيروني يهون ليكي عٌمري
مش بقولك حبي والله فاق كل اللغات
*******************
 

روحي معك

:: كبار الشخصيات ::
أسمع ياصاحبى الحكاية وأفهم المعنى
مش كل من مسك قلم وكتب عالورق
كتب كلام وله معنى
اللي بيكتب عن حبيبه واللي بينادى عليه
واللي يادوب بيوصف اللي بيه


مشكوري على الكلمات الرائعة

وتسلم الايادى
 

امل بكرة

New Member
اشرف منصور

اشكرك على مرورك وتقييمك وكمان تثبيتك للموضوع


لاتحرمنى تواجدك العطر بين طيات صفحاتى المتواضعة
 

Maloka Ali

Kan Asmoo Habeby‎‏‏‎
سامحينى لو كنت غلطت بحقك يوم ومعرفتش
أصرخ وأغير مهو أنتى عارفة مكنش بإيدي
آمنت لماكر ولم حواليه تعالب يعرفوا إزاى
ينهشوكي ويموتوني وأنا بعز شبابي
**************


تسلم ايدك يا امل بجد كلام من القلب ووصل للقلب احلى تقييم يا قلبى تقبلى مرورى :11:
 

امل بكرة

New Member
ملوكا

اجمل تقييم للموضوع هو وضع اسمك فيه

نورتى صفحتى بمرورك الجميل

لاتحرمينى تواجدك
 

الفنان محمد

مشرف عام

بجد رووعه تسلم الايادى
والله رووعه
يا نجوم اللى يدخل تالموضوع ده يقيم
ميدخلش وبس

تسلم الايادى

واحلى واحلى واحلى تقييم
 

امل بكرة

New Member
مودى

تسلم على حضورك الجميل انا مش عارفة انت تقصد ياملك يعنى ياكينج

ولا ناسى الاسم ولا ايه بالظبط

هههههههههههههههههههههههههه

عموما ماعلينا يكفينى شرف تواجدك فى الصفحة
 
أعلى