ناس وناس ......تعالوا نشوف الناس.......!!!!

ReMa

New Member
بسم الله الرحمن الرحيم​
ناس وناس ......تعالوا نشوف الناس.......!!!!

شفت كتير أشكال أجناس
شفت وشوش
شفت رتوش
شفت الناس من بين الناس

*******
ناس شقيانة
وناس تعبانة
وناس تتعب لو مضغوا لبانة
وناس ظهرها محني من الفاس

*******

ناس من كتر الغلا مكبوتة
مش قادرين يشترو كيلو قوطة
وناس مبسوطة
عايشه حياتها في شرب الكاس

*******

ناس فقرا ومش قادرة تعيش
أكتر كلمة تقولها مفيش
وفي ناس تاخد ما بتديش
وعشان تدي إيديها تتباس

*******

ناس كرامتها فوق الكل
رغم الفقر ما ترضاش ذل
وفي ناس واطية زي الفل
تِوْصَل لو حتى هتنداس

*******

ناس دايماً واقفين طوابير
لقمة عيشها ده هم كبير
وفي ناس رغم إنها طنابير
عمر ما تتعب ولا تحتاس

*******

ناس تديها ظهرك تإذيك
وناس تتمنى إنها ترضيك
عايشة حياتها كلها ليك
بتكمل معنى الإخلاص

*******

ناس عايشة في زحمة ودخان
شمس وحر وخنقة كمان
وفي ناس تانية قليل ما تبان
وبتتشال كده فوق الراس

*******

ناس تلاقيها ساعة الجد
عمر ما تتعب ولا تتهد
وفي ناس عمر ما ساعدت حد
نفسي وبس – أنا وخلاص

*******

ناس بالرغم إنها محتاسة
ما بتطلبش عشان حساسة
وناس تندب في عينها رصاصة
ناس منزوع منها الإحساس

*******

لكن بين الناس والناس
شفت وشوش
شفت رتوش
شفت الناس كده غير الناس

منقووووووول​
 

Zày éL MàLàyKà

::.. مــ/ـلاك نــ,ـجـ,ـوم ..::
ناس تديها ظهرك تإذيك
وناس تتمنى إنها ترضيك
عايشة حياتها كلها ليك
بتكمل معنى الإخلاص


سلمت يداك يا احلى ريما

تسلمي على التوبيك الرائع و الكلام الجميل

ميرسي يا قمر ع المجهود
 

ReMa

New Member
ناس تديها ظهرك تإذيك
وناس تتمنى إنها ترضيك
عايشة حياتها كلها ليك
بتكمل معنى الإخلاص


سلمت يداك يا احلى ريما

تسلمي على التوبيك الرائع و الكلام الجميل

ميرسي يا قمر ع المجهود
نورتينى يا مورى يا قمر وسلمت يداك ياقمر على ردك الجميل ده وكل سنة وانتى طيبه يا قلبى
 

renad

.:. مبـــدعـــهــ المنتـــدى .:.
السلام عليكم ورحمه الله وبركاته

سلمت يمناك ياقلبى توبيك حلو كتير بالاصل اى توبيك منك انتى حلو

تقبلى مرورى
 

ReMa

New Member
السلام عليكم ورحمه الله وبركاته

سلمت يمناك ياقلبى توبيك حلو كتير بالاصل اى توبيك منك انتى حلو

تقبلى مرورى
تسلميلى قلبى بيبقى حلو بمرورك انتى عليه
 
أعلى