هي كلمة حق ولا اخشي في الله لومة لائم ، رسالة لكل مسلم

هي كلمة حق ولا اخشي في الله لومة لائم ، رسالة لكل مسلم














السلام عليكم ورحمة الله وبركاته

الموضوع باين من عنوانه كنت بعمل سيرش عن حاجات انا عايزها

المهم بصيت لاقيت منتدي مسيحي ، وكأي مسلم ، انا معرفش اصلا بتبقي عاملة ازاي ولا فكرت ادخلها قبل كدة ، ليه ؟؟


السبب بسيط اوي ، لأني مش فاضي !!

طيب واية اللي مخليني مش فاضي ؟؟ أصل إنتو متعرفوش أنا عندي ميل بتكلم فيه نهار وليل ، وعندي منتديات بكتب فيها عن الحب والغزل والجمال والصور المضحكة بس خلو بالكو انا برضو راجل مسلم ، يعني اية مسلم ؟؟

يعني بجيب موضوع كوبي وباست من اي حتة واحطه حتي من غير ما اقراه !!

ليه ماهو اصل انا عارف اللي فيه ، طيب واللي معرفوش ياعم انا عارف كل حاجة الحمد لله

المهم اني دخلت آخد بصة كدة

لاقيت قسم إسمه الحوار الاسلامي الاسم رائع ، قولت حلو يبقو زينا أهو عايزين حوار اديان واللي يقدر ع التاني ويقنع التاني قولت برضو مفيش مشكلة لما أدخل اشوف الحوار دة والحمد لله اني دخلت praying

مشاركة من شاب يدعي الاسلام ، للأسف مسجل بإسم عبد الرحمن 2 يعني فيه عبد الرحمن 1 biggrin

شوفو عنوان الموضوع بس

لماذا اريد ترك الاسلام biggrin

طبعا العنوان باين إنه ولا يعرف يعني اية اسلام اصلا بس أهي طريقة بنت ........ للتشكيك في الدين وطبعا الكلام كله عبارة عن واحد تايه بيتسائل ، وبصراحة اول مرة اشوف واحد مسلم داخل منتدي مسيحي علشان يفهم دينه !!

قولت يمكن عيل مش فاهم حاجة وانضحك عليه بواحدة مسيحية اصل بقي فيه من الاشكال دي كتير

بس شد انتباهي الردود اللي عليه اوي طبعا سيبك من الكلام اللي قاله علشان في كتير اوي قبليه قالوه

شوف بعض الردود


ربنا ينور قلبك بنور المسيح

ودة رده !!

امين يا رب
صليلى يا اخى الكريم

طبعا اخيه الكريم هايصليله مش عارف ازاي بس هو هايفضي نفسه بتاع نصاية كدة يشد شدة لحد الكنسية يصليله ويرجع ، ولو مش فاضي ممكن في اي حتة عادي يعني



دة كلام واحد المفروض انه مسلم ،، بيرد عليه في موضوع الايات المنسوخة


بعد اذنك تصحيح من مسلم ...(ننسها) وردت فى كتاب (البرهان فى علوم القرآن) للزركشى الجزء الثانى ص 43 يقول : ننسأها بالهمز _ فالمنسأ هو الأمر بالقتال الى أن يقوى المسلمون وفى حال الضعف يكون الحكم وجوب الصبر على الأذى _ انتهى
يعنى حضرتك الناسخ حاجة كده ( بوشين ) منافق يعنى ..
والناسخ على أختلافات علماء كثيرين (كالعادة يعنى ) فى تعريفه يعنى تقدر تقرأ الآية على وجهين
ما ننسخ من آية أو ننسها ( بدون همزة )
ما ننسخ من آية أو ننسأها (بالهمزة) وفيها أختلافات فى المعانى ..
المصيبة السودة أن فقهاء كثيرين ( أغلبهم من السعودية) يقولون أن آية السيف نسخت بحكمها أكثر من 114 آية ...فى 65 سورة ..هل تعرف معنى ذلك ؟؟؟ هل آتيك بالآيات الممحية والمنسوخة بحكم آية السيف ؟..كمل معايا المشاركة الجاية دى وانت تفهم ...

خد بالك ان التصحيح في الاول مكتوب تصحيح من مسلم !!

ردود

مش عارف بس اللى انت بتقوله ميدلش خالص انك مسلم !!!!!!!!!!!

يمكن علشان أول مرة تقابل مسلم يقرا ويفكر ؟؟؟

،،،،،

آدي اللي بيحصل من ورانا أو مش من ورانا اوي آدي اللي بيحصل وإحنا مش عايزين نبص عليه ، إحنا بنتهزأ هناك ودينا بيتشتم ورسولنا بيتقال عليه كل حاجة تيجي علي دماغنا او مش علي دماغنا ، والادهي من كدة إن في ناس تسجل باسماء إسلامية والله اعلم بحقيقتهم ، ويردو ردود تشكك اكتر في الاسلام والمسلمين !!

ياريت نفوق شوية انا دخلت سجلت هناك ، وإن شاء الله هاحاول أبقي موجود بكل الردود واتعلم ازاي ارد ع الناس دي ،


هي مش دعوة إننا نسيب المنتديات الاسلامية ونروح المنتديات المسيحية ، دي دعوة علشان تعرف اية اللي بيتقال علينا ، وتحاول دايما تبقي قآرئ وجاهز في اي إتجاه تعرف ترد ، وتثير الشكوك دي في منتداك وترد عليها ، علي الاقل لو حد عمل سيرش عليها يلاقي رد مسلمين ، مش منشغلين بكل حاجة في الدين الا الرد علي الاشكال دي

في آخر كلامي اقول اني كنت عايز اكتب الموضوع بالعربية الفصحي بس الحقيقة الامفردات في العامية كانت هاتوصلني بسرعة اكثر

وهي دعوة لكل مسلم غيور عليه إلهه ودينه ورسوله وقرآنه ،، متخافش من اي حاجة وإكتب محدش هايموتك ولو مٌت يبقي دة قدرك ،

وكلمة اخيرة للأجهزة المختصة ومش عايز اخبط اكتر من كدة علشان ادارة المنتدي ، كلمة للناس اللي فوق اللي بتراقب وبتوع امن المنطقة ، المساواة في الظلم عدل ، عايزين تسيبوهم ياخدو حريتهم ادونا إحنا كمان حريتنا ، مش عايزين يبقي بلاش من الاتنين



وحسبي الله ونعم الوكيل

بسم الله الرحمن الرحيم

بل نقذف بالحق على الباطل فيدمغه فإذا هو زاهق ولكم الويل مما تصفون

،،،،،،،،،،،،،،

بسم الله الرحمن الرحيم


فويل للذين يكتبون الكتاب بأيديهم ثم يقولون هذا من عند الله ليشتروا به ثمناً قليلاً فويل لهم مما كتبت أيديهم وويل لهم مما يكسبون



مسلم محروق دمه ،،،


 

اسامه دنانه

.:: الاب الروحى لمنتديات نجوم ::.
انا هقول وامرى لله
فية حرية للمسيحى يعمل الى عايزة
لكن المسلم لو عمل زية يروح ورى الشمس
ويتهموة اتهامات لاحصر لها
وقول علية بعد كده
ربنا يرحمة كان كويس بس لسانة فلت
وفى الاخر اقول
حسبنا الله ونعم الوكيل
 
طيب ما ربنا سبحانه بلغ سيدنا النبي انه هيتقال عليه وعلي امته اكتر من كده
سيبهم يقولوا اللي عاوزينه
ان نصر ربك لقريب
 
نورتو التوبيك جميعا والله

بس ليا رد علي نور ، صحيح إن ربنا ومن بعده الرسول قالو ان دة هايحصل بس مش معني كدة إني اقول الحمد لله إنهم بيقولو بعيد عني ، لا المفروض اني ارد عليهم وادافع عن ديني مش اسيبهم وافرح إن ربنا قال كدة واقول كويس اديني عارف واللي يقولو
 
أعلى