الشيخوخة المبكرة وقصة سام بيرنز

sub

*****
طاقم الإدارة



ده اسمه Sam Berns
شكله من اول وهلة يدل على ان عمره يتراوح ما بين ال 70 الى ال 80 سنة .. و لكن الحقيقة انه عمره الحقيقى هو (( 17 سنة فقط )) !! ..
و ده لان عنده مرض نادر جدا ... المصاب بيه حول العالم كله حوالى 250 شخص فقط و فى الغالب اللى بيبقى عنده المرض ده بيموت لما بيوصل سنه ال 13 سنة تقريبا !!

المرض ده اسمه Progeria و اللى بيحصل فى المرض ده هو ان الخلايا بتكبر فى السن بمعدل اسرع بكتير من المعدلات الطبيعية و بالتالى الخلايا بتاع المريض ده بتشيخ بسرعه و بالتالى المرضى المصابين بيه بيبقى شكلهم كبير و عجوز على الرغم من سنهم صغير فى الحقيقة !!

لما عائلة Sam اكتشفوا انه مصاب بالمرض ده .. زُهلوا و بقوا مش مصدقين لان مشكلة المرض ده انه مرض وراثى نادر جداا و مش معمول عليه اى ابحاث او ليه اى علاج نهائيا !!

و لكن ده موقفش ابوه و امه من انهم يدوروا على اسباب المرض ده و ايه ممكن يكون علاجه .. فانشأوا مؤسسة علمية بحثية اسمها Progeria Research Foundation بتهتم فقط بالمرض ده و يبحثوا عن اسبابه و ازاى ممكن يعالجوه .. فاكتشفوا ان سبب المرض ده هو حاجة بسيطة جدا .. هو انه حرف واحد من حروف ال DNA ( اللى بتشكل المعلومات و الشفرات الوراثية للانسان اللى هما ال T – A – G – C ) االلى هو ال C اتغير الى T ... !!!

يعنى مجرد تغيير واحد فى حرف واحد من حروف ال DNA ادى الى انتاج البروتين الخطا اللى فى النهاية ادى الى المرض الخطير ده !!
مجرد تغيير بسيط ادى الى تغيرات جذرية فى تكوين كل شئ فى جسم الانسان !!!

و لما اكتشفوا السبب ... عملوا بقى مؤتمر كبير و حضر فيه علماء وراثة و جينات كبار جدا زى Francis Collins عن انه تم اكتشاف سبب المرض .. و انه خلل فى حرف واحد فى جين واحد ادى الى المرض ده و اللى اكتشف الموضوع ده هى المؤسسة العلميى اللى انشأها الابوان بتوع Sam .. كمان دول ماوقفوش عند كده و فضلوا يسعوا لحد ما توصلوا للعلاج بتاع المرض ده و نشروا بيه ورق بحثية و اتقبلت فى 2011 .

SAM بقه كانسان فى منتهى الروعة و الحكمة و ذكى جدا و شاطر جدا فى مدرسته و من احلامه انه يكون مخترع كبير و يلتحق بجامعة MIT و يحصل على جائزة نوبل... و لكن من كام يوم تم اعلان وفاته و الدنيا كلها اتأثرت بالخبر ده و معظم المجلات و القنوات العالمية اهتمت بالخبر ده... و ده بسبب فلسفته البسيطة فى الحياة و ممكن تشوفه و هو بيتكلم عن فلسفته فى TALK ليه في تيدكس


http://www.youtube.com/watch?v=36m1o-tM05g

و ممكن تشوف الفيلم الوثائقى ده و انت هتعرف اد ايه كان كفاحه و كفاح عائلته فى حياتهم

http://www.youtube.com/watch?v=GAky8ASCtvo
 

Maloka Ali

Kan Asmoo Habeby‎‏‏‎
رد: الشيخوخة المبكرة وقصة سام بيرنز

الحمد لله الذى عفانا بما ابتلى به غيرنا
يسلمو هشام على الموضوع
 
أعلى