حجابى نجاتى " كلنا بنحلم "

SemSemaaaa

.:. مشرفة سابقة .:.
مين فينا معندهوش احلام:)

كلنا بنحلم:)
...
واحنا صاحيين اقصد:)

ما هى الاحلام ببلاش بقى:)

واحد بيحلم بنجاح

والتانى بيحلم بعربيه

وتالت بيحلم بزوجه

ورابع بيحلم بمنصب

جميــــــــــــــل

والاجمل اننا بنعمل حاجات كتير عشان نحقق احلامنا دى

سواء بنغير من نفسنا او نغير فى كل حاجه حولينا

بس عمرك كده اعدت بينك وبين نفسك

وحلمت بالجنه:)

وحطيتها بردو فى اولوياتك؟

وعملت ليها حاجات عشان توصلها

توصل للحلم الكبير ده؟

اللى يمكن محدش حواليك سبقك فى الوصول ليه؟

عمرك حطيته فى اولوياتك

والا فــ ورقه كتبت فيها احلامك؟

وقولت اكتب اول حلم من احلامى

الوصول للجنه؟

عمرك حطيت خطوات حتى توصلك ليها؟:)

على فكره

احلام دنيتك ممكن ببساطه متتحقهاش لسبب واحد:)

انك متعش لحد ما تحققها

حد عارف الدقيقه اللى جايه عليك هتكون بيها فين؟

مش بقولك متخططش لحياتك

بس خطط لآخرتك آولى وبعدين خطط لحياتك

خطوات وصلك للجنه سهله:)

ومليون طريق ادامك يوصلك ليها

دينا يسر ومفيش اسهل من ارضاء الله عز وجل:)

ولو بنيه صادقه جواك

تبتغى وراءها مرضاته سبحانه وتعالى

جرب تكتب دلوقتى ورقه احلامك:)

واكتب اول شىء فيها

الجنـــــــــــــــــــــــــــه:)

ادى رمضان داخل

وحياتنا هتبقى كلها جداول:)

جدول لتراويح وجدول لتهجد وجدول لصيام واذكار

ممكن بقى تعمل جدول تكتب فيه بس

عملت ايه كل يوم يقربك من حلمك ده؟
ـــــــــــــــــــــــــــــــــــــــــــــــــــــــ

ايوه اللى هو الجنه:)


على اتفاق يا احلى صحبه نزود جدول

ونسميه جدول احلامنا:)

وكل رمضان وانتوا بصحه وسلامه
اخوانى واخواتى فى الله:)
 
أعلى