طريقة عمل كيكة سهله وخفيفه جدا - اجمل واحلى عمل كيكة - طريقه عمل كيكة روووعه

مصراويه

New Member


الى كل اخواتى واعزائى اعضاء وزوار منتدى نجوم مصريه والى كل عشاق اكلات الكيك وتعتبر الكيك من انواع الحلويات الجميله والمفضله لدى الكبار والصغار فعشان كده انا جيبالكم كيكة سهلة و هشة جدا و بسيطة قوى وممكن تعملى منها تورتات بجد حلوة واليكم اجمل واسهل واحلى عمل كيكه يارب تعجبكم






مكونات الكيكة
1 كوب دقيق +3/4 كوب سكر بودر + 1/2 كوب زيت + 1/2 كوب لبن + 3 بيضات+ 1معلقة فانيلا +
1 معلقة كبيرة بيكنج بودر


مقادير الصوص
200 جم شيكولاتة + 1/3 كوب ويبنج كريم جهينة او كريمة لبانى سايلة


للتزيين
اكياس ام اند امز + شيكولاتة فلوتس او اى شيكولاتة بالبسكوت اصابع


طريقه التحضير:-
نضرب البيض و السكر و الفانييا لحد ما ينفش وبعد ذلك نضيف الزيت و نكمل ضرب و نضيف اللبن و نكمل الضرب و بخلط البيكنج بودر مع الدقيق و بعدين نضيفهم للبيض و نقلب بخفة بمضرب سلك وبعدين نصب الخليط فى صينية فيها ورقة زبدة مدهونة زيت بسيط و تدخل فرن وسط لحد ما تحمر شوية و نختبرها بسيخ خشب بتاع الشيش طاووق او سكينه او ملعقه زى ما تحبى لو طلع نضيف يبقى استوت و هى بتاخد حوالى 1/3 ساعة او حسب الفرن .


نيجى بقى الصوص

اول حاجة بسيح الشيكولاتة اما فى الميكروويف و ال 200 جم بيسيحوا على1 1/2 دقيقة , او على حمام ميه , و ندفىء الكريمة مش نسخنها و نبتدى نحط الكريمة حبه حبه و نقلب كل مرة , فى الاول الكريمة حا تكلكع و لونها يجرب اوعى تيأسى لا طبعا استمرى فى التقليب و حطى شوية كريمة تانى و هكذا لحد ما الكريمة تخلص و تقلبى قوى حا تلاقى الشيكولاتة بقت ناعمة و بقت بتلمع , و لو حبيتى تخففيها اكتر ممكن تزودى كريمة تانى , بس علشان مش تسيح من على التورتة لازم تبقى سميكة شوية و بعد ما الكيكة تبرد نصب عليها الشيكولاتة و نرش الام اند امز على الوش و نقطع صوابع الفلوتس حسب ارتفاع الكيكة و نرصهم حوالين

 
أعلى