يا توافق على كلامى ... يا اقتلك

valant!no

New Member
حاجة كدة بلاحظها اليومين دول

وهى النقاش الحاد

بمعنى

انك تيجى تكلم حد ومثلا يختلف معاك فى وجهة النظر
فممكن تقلب مشكلة
بمعنى ان محدش بيتقبل وجهة نظر التانى بسعة صدر
حتى انو ممكن يجارية فى الكلام بس من جواة حكم علية انو تفكيرو غلط


ومثال بسيط ايام الانتخابات والاستفتائات
وحصل معايا شخصيا ان فى ناس معترضة على المرشح الى انا هنتخبو
يقعدوا بقى يشتمو فى المرشح ودة كان وكان وكان
ولا لما تقول انت مفهمتش كلامى يبقى انت ابن وابن وابن
متهيئلى اننا بقينا فى عصر حرية دلوقتى
يعنى تعبنا اوى عشان نوصل للوضع دة
لية ناس كتير بقت عقولها كدة
انو مش يتناقش معاك باحترافية .. وفى الاخر كل واحد لية وجة نظر


تفتكرو لية كدة .. ؟

وهل لو حد مش عجبو وجهة نظرك انت ممكن تحكم علية باية .. ؟

وتفتكر لو هو قالك انك غلط هيكون ردك اية .. ؟


مستنيكوا
 

أميرة الاحزان

::المراقبة العامة ::
رد: يا توافق على كلامى ... يا اقتلك

بأختصار شديد ده بيبقى طبع فينا ومش هيتغير
اللى فى دماغ الواحد هو اللى فى دماغه صح غلط هو كده مفيهاش تفاهم
شكرا ع الموضوع
 

valant!no

New Member
رد: يا توافق على كلامى ... يا اقتلك

بأختصار شديد ده بيبقى طبع فينا ومش هيتغير
اللى فى دماغ الواحد هو اللى فى دماغه صح غلط هو كده مفيهاش تفاهم
شكرا ع الموضوع
فعلا معظم الناس بقت متشبسه برأيها بطريقه غريبه ومستفزه
وزى ما يكون هو وبس اللى صح وهو وبس اللى جامد
والقله بقت هى اللى بتناقش وتحاول تفهم

نورتينى بمرورك الجميل
 

sub

*****
طاقم الإدارة
رد: يا توافق على كلامى ... يا اقتلك

شوف كل شخص بيشوف نفسه الصح

محدش عنده روح ولا شجاعه يعترف بيها لنفسه ان الرآي التاني الافضل والمشكلة ان تصلب الرآي ده بيخلي الشخص يتعصب لـ رآيهـ

حتي لو هو شايف و مقتنع ان رآيهـ غلط هيحاول يظهر ان رآيهـ صح ودي مشكلتنا كلنا
 

valant!no

New Member
رد: يا توافق على كلامى ... يا اقتلك

شوف كل شخص بيشوف نفسه الصح

محدش عنده روح ولا شجاعه يعترف بيها لنفسه ان الرآي التاني الافضل والمشكلة ان تصلب الرآي ده بيخلي الشخص يتعصب لـ رآيهـ

حتي لو هو شايف و مقتنع ان رآيهـ غلط هيحاول يظهر ان رآيهـ صح ودي مشكلتنا كلنا
متفق معااك تماما

وللاسف ان معظم الناس بقت كدة ... بقى قليل اوووى اللى بيتقبل رأى الاخر ويحاول يفهم وجحهه نظره

كل واحد شايف نفسه الصح وبيتعصب لرأيه وبس

تسلم لمرورك الجميل

نورتنى

^_^
 
أعلى