المايك معاك

[ToXiC]

رد: المايك معاك

تسلموا يا جماعة

بس هو على حسب اللى فهمته .. انى المفروض اقعد 3 أيام
انما لو انتوا مش عايزين خلاص

و هو سيموز كاتب فوق انى هفضل لغاية يوم 17
و بعد كدا انتوا تسألونى فى أى حاجة
انتوا عايزينها .. لمدة يوم و بعد كدا يبقى خلاص
هتستريحوا منى .
​

 

[AloØoś Čràzy Kîtkàt]

رد: المايك معاك

تسلموا يا جماعة

بس هو على حسب اللى فهمته .. انى المفروض اقعد 3 أيام
انما لو انتوا مش عايزين خلاص

و هو سيموز كاتب فوق انى هفضل لغاية يوم 17
و بعد كدا انتوا تسألونى فى أى حاجة
انتوا عايزينها .. لمدة يوم و بعد كدا يبقى خلاص
هتستريحوا منى .
​

لا لا لا ابدا يا محسن بس انت قولت قصتك مش كدة انت لازم تقول خلصت وببقية اليومين لازم نسئلك اسئلة يعني قول الي عاوزه بعدين قول انتهيت بس لازم قبل انتهاء اليومين وببقية الوقت الاعضاء لازم يسألوك اسئلة احنا افتكرناك خلصت بس كدة واحنا متأسفين والله :4:

 

[Änä Bť MợşħkëĻa]

رد: المايك معاك

يا جماعة ماحدش يتكلم في التوبيك الا اما يخلص استاذ محسن ويقول خلصت :70:
يعني سبوه يتكلم مع نفسه شوية عقبال اما يقول خلص وبعدين احنا ندخل بقى :4:

 

[BoMBo ™]

رد: المايك معاك

خلاص يالا يا ابو حسن عيـ،ـــش

:4:

 

[ToXiC]

رد: المايك معاك

لا لا لا ابدا يا محسن بس انت قولت قصتك مش كدة انت لازم تقول خلصت وببقية اليومين لازم نسئلك اسئلة يعني قول الي عاوزه بعدين قول انتهيت بس لازم قبل انتهاء اليومين وببقية الوقت الاعضاء لازم يسألوك اسئلة احنا افتكرناك خلصت بس كدة واحنا متأسفين والله :4:

تسلم يا خالد ربنا يخليك ،، و ان شاء الله أول ما أخلص هقول انتهيت
و انا و الله فى أول رد .. قلت اما افتكر حاجة هقولها لكم احنا لسه قاعدين مع بعض شوية ... يعنى قصدى لسه قاعد ما خلصتش يعنى .. بس لما اتفكر حاجة بخصوص انا مين ؟؟ .. اللى هو اول مرحلة بس .. دا احان لسه قدامنا كتير ان شاء الله ..
الطفولة و الذكريات و الأحلام
و البنات و الدراسة و المستقبل و الحاضر
حاجات كتير كدا يعنى .. ان شاء الله لو عشنا :4:
​

يا جماعة ماحدش يتكلم في التوبيك الا اما يخلص استاذ محسن ويقول خلصت :70:
يعني سبوه يتكلم مع نفسه شوية عقبال اما يقول خلص وبعدين احنا ندخل بقى :4:

أيوه يا جماعة بالظبط كدا .. سيبونى اتكلم و ما حدش يعبرنى :5:
تسلمى يا نودى ،، نورتى يا قمر ..
​

خلاص يالا يا ابو حسن عيـ،ـــش

:4:

حاضر .. هعيش أهوه :4:
تسلم ،، و نروتنى يا بومبو ..
خليك متابع ..
​

 

[ToXiC]

رد: المايك معاك

بسم الله الرحمن الرحيم ..


[ الطفولة ]

أحلى شئ فى الحاضر .. هو ذكريات الطفولة


انا ليا 2 اخوات ( ولد و بنت ) و الإتنين اتجوزوا و إرتاحت منهم :4:
أنا بقى الصغير آخر العنقود يعنى

بمجرد ما تيجى سيرة الطفولة بس .. الواحد يبتسم و يفرح
و يقول ياااااااااااااااااااه .. نفسى ارجع طفل تانى
طبيعى زى أى حد لما يتكلم على طفولته .. يقول دى كانت أحلى أيام
و هى فعلاً كدا .. الطفولة يعنى البراءة .. الفرحة اللى بجد ..
كل حاجة حلوة .. مفيش هموم .. مفيش زعل .. مفيش مسئوليات
أقصى حاجة تحلم بيها انك تاكل و تلعب و تنام !!
يراودنى الحنين للطفولة من تانى .. و بجد نفسى أرجع طفل تانى
كتير اصلاً إتمنيت أرجع بالأيام تانى .. اتمنيت ارجع لأيام الإبتدائى
و أتمنيت أرجع لأيام الإعدادى .. و أتمنيت أرجع لأيام الثانوى ..
بصراحة ما اتمنيتش أرجع يام الكلية :4:

الطفولة و ذكرياتها من أمتعو أكتر الحاجات اللى بتفرح الواحد
بمجرد انه يفتكرها . من وقت للتانى بقعد مع نفسى او مع أصحابى
نفتكر كنا بنعمل ايه زمااان و طبعاً فاكر لما ....
و انت فاكر لما ...

بقت كلمة فاكر لما دى ... و اللى بيجى بعدها
سبب من أفضل الأسباب اللى كفيلة انها تخرج الواحد من زهقه و زعله وحزنه

×××

أفتكر انا بقى لما كنت طفل ..

كنت طفل هادى على فكرة - و ما زلت الى الآن :9:- ما يغركوش يعنى :4:

طفولتى يعنى .. الكور اليابانية ( ويننج اليفن )
ياااااااااااه على أم دى لعبة :21:
دا انا ضيعت عمرى عليها
حد هنا كان بيعرف طريقة تنزيل نجوم العالم و نجوم أوروبا ؟!! :4:
فوق فوق تحت تحت فوق تحت يمين يسار يمين يسار اكس مربع :21:
تلعب بنجوم العالم .. و تحط قدام رونالدو علشان سريع :4:
و باتريك مبوما بتاع الكاميرون علشان رجليه الشمال سم ،
و باتيستوتا علشان ترفع له عرضيات و بدماغه و ابعت :4:
و لو الماتش قافل معاك و مش عارف تعمل حاجة .. تجيب روبرتو كارلوس من الدفاع
و تحطه هجوم علشان سرعته 9 و شوطته 9 :21:
انما بقى لو كسبان و العيشة مرتاحة .. تنزل دينلسون تهزأ بيه اللى قدامك شوية
و تقعد ترقص بيه :4:

طفولتى يعنى الأتارى .. كراش و درايفر و بيبسى مان
و الراجل السخيف اللى كان بيقول ( إيه يا بيبسى مان .. صباح البتنجان :21: )
و دى لما عملوا دبلجة لللعبة :21:

طفولتى يعنى لعب الكورة فى الشارع .. مع جيرانى !!
و يوم ما بابا خدنى انا و اخويا .. علشان يجيب لنا تى شيرت الزمالك
مالقيانش مقاسنا خااالص و بعد دوخة فى المحلات على مقاسنا مالقيناش
و احنا رافضين نجيب أى فانلات لفرق تانية
فجيبنا طقمين للزمالك .. بس كان مقاسهم كبير علينا
فمن حبنا للفانلات .. قلنا هنلبسهم و خلاص
و قد كان .. لبسناهم فعلاً :21:
لأننا لما نزلنا نلعب بيهم مكانوش فانلات لا .. دول كانوا مرايل .. عبايات :21:
حاجة كدا يعنى :21:
الفانلة نازلة بعد الركبة أصلاً .. دى فاضل شوية و توصل لكعب رجلى :4:
و أنا برضه مصمم ( زملكاوى صميم بقى ) مش قاااالعها و هلعب بيها

و لعب بيها برضه و روحت و هى كلها تراب .. بعد ما خلصت
بس ما أديتش آداء كويس و من هنا تيقنت ان الفانلة كبيرة
و مش هينفع ألعب بيها ..
فروحنا تانى يوم اشترينا .. طقمين ( تى شيرت - شورت - شراب - فوتبول )
انا اشتريت بتاع السنغال ( الحاج ضيوف ) و أخويا الأرجنتين ( باتيستوتا ) :4:

××××

[الإبتــــزاز ]:21:

كان اخويا و أختى لما يحبوا يغتتوا عليا زى اى اخوات غتتين :4:
كانوا بيقولوا نفس الحاجة اللى بيقولها كل الأخوات الرخمين برضه :4:
و اللى هى //
( انت مش اخونا .. دا احنا لاقيينك عند الجامع :21: )

آه يا عيال يا تييييييييييت .. بقى انا لقيط :21:
يا نهار ليل .. و دى مين التعيسة دى اللى تفرط فيا و تسيبنى عند الجامع :21:
طبعاً انا مكنتش بقول كدا زمان لالا .. دا دلوقتى بس :4:

انما انا زمان .. للاسف كنت بصدق
آه و ربنا .. مش بس كدا .. دا انا كان بيجيلى نوبة بكاء هيستيرى :4:
و ادخل على سريرى .. و انزل تحت المخدة مش فوقها و اتغطى بالباطنية
بحيث ان ما يبانش منى ضفر حتى :4:
و اقعد اعيط بقى .. و صعبان عليا قوى انى مش اخوهم
و انى غريب عنهم ..

لغاية ما اصعب عليهم فيجوا يصالحونى .. فأنا طبعأً بكون متاثر جامد
و ببكى بحرقة بقى :4: فيقعدوا يصالحونى و يقولوا لى بنهزر معاك
دا انت اخونا حبيبنا ... و احنا بنضحك عليك ..

و كانوا على كدا على طول .. كل شوية يجوا يقولولى انت مش اخونا فعلاً بجد
و احنا لاقيينك عند الجامع فعلاً .. و احنا المرة اللى فاتت صالحناك و كدا
و ضحكنا عليك علشان انت صعبت علينا .. بس انت لازم تعرف الحقيقة
انت مش اخونا فعلاً .. و احان لاقيينك عند الجامع فعلاً
فأرجع أعيط تانى و تتكرر نفس الحكاية ..

لغاية ما زهقت و روحت سألت ماما .. و قلت لها ماما هو انتى لقيانى عند الجامع
قالت لى ايوه :21::21::21:

يا نهار ليل .. طبعاً هى كمان بتسرح بيا .. آه يا عيلة تيت :62:
هو انتوا كلكوا عليا :39:... فإنقهرت اكتر بقى .. و لسه هعيط
لقيتها ضحكت و قالت لى بهزر معاك دا انت ابنى حبيبى و كدا يعنى :9:
و هما بيضحكوا عليك علشان يخلوك تعيط و خلاص

و من هنا بقى كانت اول مرة امارس فيها الإبتزاز :71:

و قلت انا لازم اربيهم و أعلمهم الأدب .. و أطلع اللى عملوه فيا علي دماغهم

كانوا بقى يجوا يقولولى انت مش اخونا و لاقيينك عند الجامع و كدا

آجى انا بقى مستعبط و عامل نفسى زعلت و بعيط و بتاع
فيجوا يصالحونى زى كل مرة و انا مستحيل اتصالح :21:
منهار بقى .. طيب معلش .. مفيش .. بنهزر و انا مفيش
انت اخونا و الله بنهزر معاك .. و انا و لا هنا :4:
طيب عايز ايه بس و احنا نعمله .. انا هنا بقى :21:
اذا كان كدا ماشى .. عايز شيبسى و بسكويت و عصير و لبان :21::21:
يلا روحوا هاتوا لى :21:
و قد كان ... لغاية ما أكيد طبعاً بطلوا يقولوا لى كدا للاسف :4:
لقوا العملية جاية معاهم بخسارة بقى :4:


×××


[ المدرسة.. و اللى فيها ] :4:


الإبتدائى .. و أيام البراءة و عبط المدرسين و اللى كنا بنشوفه منهم :9:

الإعدادى .. و ايام المراهقة و و بداية الإنحراف
- انا مكنتش بعاكس و ربنا .. و لا عمرى مشيت مع بنت فى الإعدادى
مش بقول لكم محترم :9: -

الثانوى .. الإنحراف بقى :4:

× فى الإبتدائى بفتكر حاجات كتير اوى حلوة

كانت و ما زالت أظرف حاجة فى المدرسة حصة الألعاب :4: و اللى كان بيحصل فيها

كان يوم عيد .. اليوم اللى فيه حصة ألعاب دا

و كا يبقى يوم غم .. لو جه مدرس رخم ابن رخم يكون كان غايب قبل كدا
و يجى ياخدنا فى حصة الألعاب دى علشان يدينا حصة فى المادة بتاعته
قال ايبه علشان ما نتأخرش فى المقرر .. ابو ام المقرر على المدرسة يا اخى
تخيلوا لما يكون أطفال .. بيحلموا بحصة الألعاب دى من الأسبوع للأسبوع
و يجى مدرس تيت بمنتهى السخافة يحرمهم من الرحة اللى مستنيينها !!

كان الواحد ممكن تحصل له سكتة قلبية و لا حاجة .. لو قالوا مفيش حصة العاب النهاردة

......

من الحاجات اللى معلمة معايا الى الآن .. ان انا كان خطى حلو و انا صغير

ففى مرة كنت انا فى خمسة ابتدائى بقى :4:
و كان عندنا حصة خط :4: .. فالمهم اننا المفروض بنكتب بعض الجمل كدا
فى كراسة الخط و الأستاذ بيعلم .. و يدى لكل واحد درجته ( بتبقى من 10 )

فالمهم ان انا فى اليوم دا .. كتبت كويس و الأستاذ خد الكراسات يصححها
و ينده على واحد و يقول درجته .. فالمهم كان عند كراستى
و طول شوية كدكدا و ركز جامد فى الكراسة و كدا
و ببص لقيته نده على اسمى . و قاللى تعالى .. و اقللى برافوا يا ابنى
انت ممتاز .. و وقفنى جنبه و قال للفصل كله صقفوا له
اتضح ان انا جبت عشرة من عشرة

يا للفخر اللى الواحد حس بيه :21::21:
الله .. انا بقيت مفخرة يا جدعان و بيصقفوا لى كمان :21::21::21::21:
تخيل بقى لما فصل يصقف لك .. لا و اأحلى من كل دا انهم مجبرين يصقفوا :21::21:
مش بمزاجهم يعنى :4:

يعنى احساس بالفخر .. و كمان احساس انك معلم على كل البلاوى اللى معاك
فى الفصل دول :4:

بص المصيبة بقى .. و اللى قهرانى أوووووى اووووى يعنى

ان انا لما خدت الكراسة .. و انا منشكح اوى و رايح على الديسك بتاعى اقعد بقى
.. اللى جنبى قال ورينى كدا يا محسن اشوف و النبى فإديت له الكراسة
و اللى بعده قال اشوف و الللى بعده و اللى بعده فإذ فجأة العيال التيت
اتغابوا و قعد يشدوا الكراسة من بعض علشان يشوفوا و يكتشفوا هذا الخط
اللى الستاذ خلاهم مجبرين يصقفو اله .. لا يكون من الخطط الهيروغليفية و لا حاجة

لغاية ما هووووووووووب shocked2
واحد بيشد الكراسة .. قامت اتقطعت .. يا نهار اسووووووووووووح ouin[1]
آه يا ولاد التيت .. قطعتوا لى الكراسة .. نهار ابوكم اسوح :102:
شقى عمرى جوه الكراسة :21::21::21:
هتفشخر بإيه انا دلوقتى

و اتصدمت صدمة السنين shocked :21::21:


×××

كنت بحب فى الإبتدائى حاجات كتير
( الحفلات المدرسية - مجموعات التقوية :21: - الشرطة المدرسية :4:
فرق الكشافة - التغذية المدرسية - السندويتشات اللى كنت باخدها معايا
و كنت بحب المدرسة علشان بيبقى يوم الجمعة اجازة :21:)

و كنت بكره فى الإبتدائى //
( ( أستاذ العلوم علشان كان رخم و كان متكبر و بصراحة كان بيضرب و بيخوف العيال
الصغيرة و احنا صغيرين غعلابة يا بيه ما نعرفش حاجة :21::21:
و هو ضربنى مرتين بس بصراحة .. مرة علشان مكنتش مشترك
فى مجموعات التقوية اللى بيجبرونا عليها بعد المدرسة و المرة التانية
علشان ما عرفتش أجاوب فى حصة من حصصه .. و دا لأنى كنت كرهته
و كرهت مادته بعد العصاية الغبية اللى ضربهالى دى :4:
و كنت بكره طبعاً الصحيان بدرى :4:
و كنت بكره اووى بقى اى مدرس ما ينزلناش حصة الألعاب :21::21: لدرجة انى
لو كان بإيدى كنت اغتالته و ارتاحنا منه :4:))

×××

فى الإعدادى .. أفتكر دورى بيبسى للدارس دورات الكورة اللى كنا بنعملها بين الفصول و الفائز ياخد طقم فانلات برعاية مدرس الألعاب
×××
أفتكر البنات .. اللى مكنتش بعاكسهم
و اللى بندم على كدا لفاية دلوقتى :21::21:
ياما نفسى ترجع أيام الإعدادى و الفصول المشتركة تانى :21:

انا كان ايه خلانى ابقى محترم بس :4:

×××

يااااااااااااه .. على دى ايام .

راجع تانى ان شاء الله ..

هتغدى بس و جاى





​

 

[بسمه خجوله]

رد: المايك معاك

لله يتمم عليك بالخير يا اخ محسن

وهسمعك لحد ماتخلص وتم اطرح اسئلتي

شخابييط يسلمو ع موضوع

واحلى تقيييم ليك لمجهودك رائع

ودي

​

 

[ToXiC]

رد: المايك معاك

لله يتمم عليك بالخير يا اخ محسن

وهسمعك لحد ماتخلص وتم اطرح اسئلتي

شخابييط يسلمو ع موضوع

واحلى تقيييم ليك لمجهودك رائع

ودي

​

تسلمى يا بسمة ،، ربنا يخليكى يا قمر

و شكراًُ لمروركـ الجميل .. نورتى ~
​

 

[BoMBo ™]

رد: المايك معاك

يسـ،ـــلامـ عليكـ يا ابو محسن .. :4:

منتظرين الباقى منك :111:

 

[ToXiC]

رد: المايك معاك

هتكلم عن بدايتى معرفتى بنجوووم ..

أنا بقالى فى نجووم بالظبط 391 يوم :4:

نجوووم وصلت له عن طريق جوجل .. كنت ببحث عن حاجة مش فاكر ايه هى

و وصلت له .. بصيت ع المنتدى عجبنى .. سجلت

من يومها و ما سيبتوش :4:

عجبنى جداً المنتدى و الروح الجميلة اللى فيه و عجبنى التفاعل اللى كان موجود

بين الاعضاء .. و كمان مواضيع النقاش الجميلة جدااا اللى موجودة

فى البداية سجلت بإسم ترفيهى كدا غريب .. اللى هو ( بطة مش ليك يا مرزوق ) :21:

و فضلت شوية بالإسم دا ... لغاية ما غيرت إسمى لـ ( واضـــح )

و قعدت حوالى 3 ايام و بعدين غيرته لـ ToXiC

و مش ناوى أغير تانى بقىعلشان ما أخدش برد :21::21:

××

من الناس اللى رحبت بيا .. أوائل الناس اللى عرفتها فى نجوووم يعنى
و اللى اول ما جيت المنتدى لقيتهم و شت مشاركاتهم و تفاعلهم
و اللى بعتز جداً جدااااااااااا بمعرفتهم //

الترتيب عشوائى على فكرة :4:

Тнє ℓσѕт คпģℓє

zhaiMar
أميرة الاحزان

AnA Sara

jỮs† Мë

بقى كدهـ

MiЯŎŏŎŏ ZỠzzẩ
DOMO3

MaDoO MtM
Sc0field

ج ـنون قلب

ملكه الثلج

محمد سلام

اشرف منصور
أمل بكرة

ƒâήkôšĥâ

لغتى صمتى

ZIKO

nody love

الفنان محمد
Maloka ali

mohamed kama

kitty
المقاتل الفرعونى

×××


[ ناس أعرفها معرفة شخصية و أعتز جداً بصداقتها ]

كل أعضاء المنتدى بلا إستثناء بحبهم جدااااااااااا و بعتز جداً بمعرفتهم
و بعتبرهم كل إخواتى و الله ،، و أقسم بالله بزعل جدااا لو حد منهم غاب
او مبقاش بيدخل المنتدى و بتمنى من كل قلبى كل الغايبين يرجعوا تانى
المنتدى و نتطمن عليهم ..

×××


من الناس اللى ليها معزة خاصى فى قلبى

و غالية جداً على قلبى و اللى بتمنى لهم كل خير
على سبيل المثال لا الحصر //

( هشام - مصطفى Justice - محمد سلام - زيكو - ملوكة على - سيموز - نودى
- أنا سارة - الفنان محمد - كريم Egy3Game -
ANA NoOoDy - MESSi - BoMBo - مصطفى إبراهيم - و غيره و غيره

ع ـــمرو

( بجد من أحسن الشخصيات اللى قابلتها فى حياتى ،، و من أطيب
البنى آدمين اللى ممكن تقابلهم فى حياتك .. من الشخصيات النادرة
الطيبة بجد و الجدعة بجد و اللى تخدمك بعينيها و من غير مقـــابل
و من غير ما يستنى منك حاجة ،، ربنا يرجعه بالسلامة لينا :4: )



jỮs† Мë

( بيعجبنى جداًاًاًاًاًاًاًاًاً طريقة تفكيــرها و تفتحها و مشاركاتهــا اللى بتتميز بيهـــا
لأنها بجد Crative و مش بتقلــد حد ،، و بيعجبنى جداً الخواطر و الأشعار اللى
بتكتبها و مواضيع النقاش اللى بتطرحها و بتمنى بجد رجوعها مرة تانية للمنتدى )
​

ƒâήkôšĥâ

( سالى من الناس الجميلة جدااا ،، و شخصية محترمة جداااااااااااااا
من البنات الجدعة المتفتحة الفاهمة ،، اللى دماغها كويسة جدااااااااا
مشاركاتها متميزة و ليها فكر و رأى يحترم و عندها إبداع حقيقى )


MiЯŎŏŎŏ ZỠzzẩ


( ميرو أكتر حاجة بتعجبنى فيها أنها بجد دمها خفيف جدااااااااااااااااااااااااااااااااااااا
بجد غيرت فكرتى عن البنات .... لأنى عمرى ما اقتنعت ان فيه بنت دمها خفيف
.. و ان كلهم بنات إتمة و دمهم سم - لا مؤاخذة يعنى :21: -
لغاية ما اتكلمت مع ميرو .. و اكتشفت ان فيه بنات دمها خفيف فعلاً مش أسطورة و لا حاجة :21::21:
و كان - يا سبحان الله - أى كلمة تقولها أضحك عليها ،، و أى رد تقوله بيضحكنى !!
مع انى عمرى ما طلعت منها بحاجة مفيدة :10: و كل كلامها هبل فى هبل :21:
لكنى اللى بيعجبنى اكتر فيها انها متسامحة جداااا مع نفسها و مش بتزعل من أى كلمة
تقولها لها .. و بجد روحها حلوة جداااا )


أمـل بكـرة

( إنجى من الناس الجدعة جداااااااااااااااا جدااااااااااااااااااااااا فوق الوصف
و من البنات اللى تفكيرهم عالى جدااااا و دماغهم دمار بجد
بيعجبنى فيها جدعنتها و انها بتقف جنب الواحد فى أزماته
بنت إسكندرانية جدعة بجد و أخت عزيزة عليا
و بجد بعتبرها أختى و بتمنى لها كل خير و انها تحقق كل اللى بتحلم بيه
لأنها بجد تستاهل كل خير و بجد بدعى لها بالتوفيق )



Sc0field

( إبراهيم بعتبره أخويا ،، و بجد من الناس اللى بعتز بيها جدااااا
و بعتز بمعرفتهم و انى صديق و أخ ليهم ،، هيما من الشباب المصرى الفاهم
كويس اوى .. دماغه نضيفة و ذكى جدااا و مثقف لحد بعيد ،،
مع انى بداي معرفتى بيه كانت خناقة فى موضوع نقاش :21:
لكن و الحمد لله زال سوء التفاهم و بقينا صحاب جدااااا و اخوات كمان
اللى بيعجينى فى ابراهيم اننا زى ما نكون توأم و آرائنا الى حد بعيد بتكون متشابهة
،، و كلامنا قريب جدااا من بعض ،، حتى ان ناس كتير قالت لى انتوا شبه بعض جداااً
و من كتر التشابه .. ان ابراهيم لو كان رد فى موضوع نقاش قبل منى .. كنت بلاقيه قال الكلام اللى كنت عايز أقوله :21: .. و انا لو رديت هيبقى كلامى مكرر
فكنت بسكت :21: )



MaDoO MtM

( محمود بعتبره اخويا :4:،، و زميل الكفاح
آرائنا متشابهة الى حد بعيد جدااااا ،، و برضه لما كان بيرد رد
كان بيقول كل حاجة عايز يقولها .. و كنت بدور انا على حاجة ما اتقالتش :4:
من الناس الجدعة جدااا اللى تعتمد عليها و انت مغمض و تكون متأكد انه
مش هيبخل عليك بأى حاجة يقدر عليها ،، راجل و قد المسئولية
و شخص إيجابى و طموح و عنهد هدف ،، و أكيد هيوصل له ان شاء الله )

و ناس كتير جدااااااااااااا و الله زى ما قلت كل اعضاء نجووم
و مشرفينها و إدارينها مش عايز أنسى حد
و مش عايز أكتب أكتر من كدا لأنى مش بعد و مش بحصر انا بدى أمثلة بس
و لأنى عارف ان الذاكرة هتخونى و هنسى ناس .. فمش هكتب أكتر من كدا

انام انا كتبت الأسماء اللى افتكرتها حالياً و كان بودى اكتب كل واحد أعرفه فى
المنتدى بس خوفى لا انسى حد و يزعل منى مش هيخلينى اكمل كتابة
بس يكفى انى اقول و الله كل شخص فى نجووم له معزة كبيرة اوى فى قلبى
و بحبه جدااا و كل الناس زى اخواتى بالظبط مفيش فرق .

×××



​

​

​

 

[ToXiC]

رد: المايك معاك

هو كان سيموز قال ان من الممكن ان الواحد يضيف مقال من مقالاته
،، او حاجة من كتاباته و كدا :4:

فأنا كنت كتبت كام حاجة بسيطة كدا ، حبيت اضيفهم هنا //


( 1 )

كلما فهمت ... ندمت !!

،،

( 2 )

هنــــــــــا
يموت كل شئ .. لكى لا يعيش الوطن !!

،،


( 3 )

شكا الشافعى لوكيع سوء حفظه و كثرة نسيانه فأخبره بأن ذلك من المعاصى
نحمد الله .. أننا ما زلنا نتذكر أسماءنا !!!!!

،،

( 4 )

الحب عاطفة نبيلة .. للأسف نحن عيبها الوحيد

،،

( 5 )

هنــــــــــــا
كل شئ مات .. و الإنسانية أصبحت فعل غائب !!

،،

( 6 )

هنــــــــــــــا
نموت على قيد الحياة
و نحيا على قيد الوفاة !!!!!!!!

،،

( 7 )

نحـــــــــــــن
خطأ الأرض الوحيد .. و لا يوجد خطأ سوانا !!

،،

( 8 )

أجمل ما فى مصر .. المصريين
و أسوء ما فى مصر .. المصريين

،،

( 9 )

الذى أسوء من الموت .. الحياة !!

،،

( 10 )

أنا الذى نظر الأعمى إلى وطنى
فقال الحمد لله .. العمى نعمة .. اللهم دومها علينا

،،

( 11 )



فى اللحظة اللى تكتشف فيها إنك كنت مغفل
إفرح .. فأولى خطوات العلاج هو معرفة المرض

،،

( 12 )


يوم جاع الناس قال الفاروق لبطنه :
كركعي أو لا تكركعي فلن تذوقي طعاما حتى يشبع فقراء المسلمين
هكذا الحكام فعلاً
يا قوم ( كرشى ثم كرشى ثم كرشى )

،،

( 13 )

تحذير
تعاطى الشأن السياسى و التفكير فى المستقبل
ضار بالصحة و يسبب الوفاة
أنصحكم بالتوقف فوراً

،،

( 14 )

الوحدة مش بعدد الناس حوالينا ..
الوحدة بمدى إحساسنا بيهم و إحساسهم بينا !!

،،

( 15 )

لقد سلكنا كل الطرق .. و لم نصل .. و يؤسفنى أن اقول اننا لننصل ما دام سنستمر هكذا ... فالوصول ليس له سوى طريق واحد ..

و هو ( الطريق إلى الله )

،،

( 16 )

لا تكون عاقل .. لا يوجد شئ أفضل من الجنون .


،،

( 17 )

من الطبيعى ان نتوه فى مصر ... فنحن إستغرقنا وقتا طويلاًلإختيار الأحذية .. بينما نسينا أن نختار الطريق !!


،،

( 18 )

ما دام أن ( إكرام الميت دفنه ) .. لماذا لم يدفنونا إلى الآن ؟


،،

( 19 )

ما دامت مصر أمى و هى ايضاً ( وطنى ) !!إذاً .. فالعقوق فى وطن كهذا .. واجب وطنى .


( 20 )

جميعاً يقول أن المال ( مش كل حاجة ) ...بينما نحن جميعاً نستغرق العمر كله .. بحثاً عنه !!


( 21 )

يجب أن يلغوا ( البنج ) من المستشفيات .. فنحن شعب مخدر بطبعه !!

،،

( 22 )

لسنا بحاجة إلى ماء و صابون لتنظيف أيدينا ..

إننا بحاجة لتنظيف قلوبنا .

،،

( 23 )


الأرض ما هى إلا كوكب ( يدور ) على حل شعره .

،،

( 24 )


من المؤسف أننى سئ الظن بشعبنا هذا

.. لكن الأكثر آسفاً أننى دوماً أجدهم عند سوء ظنى بهم !!

،،

( 25 )

لو كان للحرية ثمن .. فستدفعه مرة واحدة فقطو بعدها ستعيش حر .. إنما لو عشت عبد فأنت ستدفع ثمن ذلك كل يوم .

،،

( 26 )

لم يتغير شئ فى مصر .. فمطالب الثورة كانت

( عيش– حرية – كرامة إجتماعية ) .. و نحن نرى بداهة .. أنه لا يوجد فى مصر الآنأى شئ من الثلاث !!

،،

( 27 )

أكره الشطرنج كثيراً .. فهى لعبة مستبدة ديكتاتورة ..

فما معنى أن يموت الجميع ليعيش جلالة الملك !!

،،

( 28 )

لا تصدق كل شئ و لا تكذب كل شئ .

،،

( 29 )

فى مصر الشرط الأساسى لتولى أى مسئولية .. هو أنتكون فاشل !!

،،

( 30 )


ما زلنا لا نقوى على شئ .. إلا الكلام !!


​

 

[ToXiC]

رد: المايك معاك

كنت حابب أتكلم عن شخصيتى .. لأن ناس كتير قالت لى انى غامض

و انى مش واضح .. و ناس بتقول انى كويس

و ناس تانية كتير بتفهمنى غلط ،، و ناس كتير بتتهمنى بحاجات مش فيا

و إتهامات لا محل لها من الإعراب .. و برضه فيه إتهامات بيكون عندهم حق فيها

و بكون أنا مخطئ فعلاً فى الحاجة دى ــ أو عندى الصفة دى فعلاً

انا مش همدح فى نفسى و أقول انا و انا ،، و انا ما عنديش عيوب

و ان أذكى واحد فى الدنيا و أنا أحسن واحد فى الدنيا و الكلام الأهبل

مفيش حد فينا كامل الاوصاف ،، و كل واحد مننا فيه عيوب

و كل واحد مننا له أخطاء ،، و كل واحد مننا له إيجابيات

انا هسيب حضراتكم توجهوا لى اى نقد .. و مش هحط حدود للنقد دا

من حقكم تسألونى فى أى حاجة ،، و انا بكل صراحة و وضوح هجاوب

و من خلال الأسئلة دى ان شاء الله اكون وضحت شخصيتى و جاوبت على كل

أسئلتكم و استفساراتكم ..


لأنى بصراحة مش بعرف اتكلم عن نفسى و اقول انا و انا


و مش هعرف أبين سلبياتى و ايجابياتى لو انا اتكلمت عن نفسى

انما لما حد يوجه لى سؤال او استفسار ،، فمن خلاله بعرف اوضح :4:

انا عارف ان دا عيب فيا ،، هحاول اتعالج منه ان شاء الله


.
.
.
.
.

إنتهيت


​

 

[ToXiC]

رد: المايك معاك

مستنى أسئلتكم و استفساراتكم و نقدكم ..

و ان شاء الله هتكون الإجابة لكل صراحة و وضوح

بالتوفيق للجميع ~
​

 

[sub]

رد: المايك معاك

قولي يا محسن ايه الفكرة بتاعت التوبيك علشان اظبطك :4:

 

[BoMBo ™]

رد: المايك معاك

ماشى يا ابو محسـ،ــن واصلى عليـكـ

وليــ،ــآ باك بالاسئلة ... :111:

 

[ToXiC]

رد: المايك معاك

قولي يا محسن ايه الفكرة بتاعت التوبيك علشان اظبطك :4:

و الله يا هشام يا أخويا ،، كل الحكاية ان التوبيك دا بيدى الفرصة لكل عضو
انه يتكلم عن نفسه 3 ايام ،، و يقول كل حاجة هو عايزها ..
و بعد الـ 3 أيام دول بيبقى فيه يوم كمان للأعضاء
يوجهوا له فيه أى اسئلة او استفسارات او انتقادات هما عايزينها ،،
و المطلوب من العضو انه يجاوب :4:

فـ بالراحة عليا فى الأسئلة بقى يا أبو إتش :4:
​

ماشى يا ابو محسـ،ــن واصلى عليـكـ

وليــ،ــآ باك بالاسئلة ... :111:

تسلملى يا بومبو يا غالى :4:
منتظر عودتك يا كبير ..
​

 

[S_e_M_o]

رد: المايك معاك

جميل جدا يا اتش
كل الناس دلوقتى حقيها ترد وتستفسر عن الحاجات الى انتا كنت كاتبها وفى الاخر تدخل انتا ترشح عضو مكانك وتبعت له التوبيك

 

[S_e_M_o]

رد: المايك معاك

بما ان محدش جادل محسن فى الكلام
نختار عضو تانى
معانا ومعاكو
تانى مايك معايا هيكون مع
.
.
.
.

.
.
ابو اتش حبيبى
معانا ومعاكو
shaggy

يلا بقى يا هشام المايك معاك يومين بحالهم

 

[magicdreamer24]

رد: المايك معاك

مشكور اخي وجزاك الله خيرا

 

[اشرف بكر]

رد: المايك معاك

لا اله الا الله محمد رسول الله