مــشــهــد مـن بـلادى .. مــــصــــر أم الـــدنـيـا

valant!no

New Member


"مشهد من بلادى "
------
هيا دى الصورة .
وهو ده حالنا .
هى دى حياتنا
ولحد هنا احنا وصلنا .

حد مصدق احنا فين .
طب حد عارف لفين رايحين .
محدش بيجاوب ليه ؟ .
ليه كلكوا ساكتيـــن !!!!

' ستووووب ' ..

انقل يابنى الكاميرات
ووقف كل الحوارت .
عندنا مشهد خارجى
فـ قلب ميدان الثورات .

' سكوووووووت ' ..

ومش عايز اسمع صوت
اعلان دستورى اهو .
والى هاينطق هايموت . !!

' اكشــــن ' ..

1025202550 مرة ..
نزًل الشعب الميــدان .
وعيد من تانى الجرة .

ازحم المترو بالثوار ..
وخليهم يغنوا ويقولوا احرار
ومهما حصل فيهم ..
يهتفوا .. هانكمل المشوار . !!

واقتلى كام شهيــــد .
وخلى الدم يزيـــــد ..
وعايز اصوات صوات .
وتشيع جنائز من جديد . !

وهاتلى مترو جاى ومترو رايح .
وخلى الظلم فى الشعب طايح
واياك تفكر تغير حاجة ..
انا المخرج وانت مالكش صالح ..

' مشهد النهاية ' .

الشعب كله ستاند باى .
ونظام الحُكم لسه بيقفش .
وانا بينهُم واقف بتفرج . .
ومستنى يوم اسمع " فركش " .. !!

مشهد من بلادى




" منقول "
 

Justiĉe UA07

New Member
رد: مــشــهــد مـن بـلادى .. مــــصــــر أم الـــدنـيـا

:2:

رووووووووووووووعهـ والله و عندك حق فى كل كلمه

تسلم آيدكـ
 

ZAWAWY

I'M No ThiNg , مشرف القسم الاخبارى
رد: مــشــهــد مـن بـلادى .. مــــصــــر أم الـــدنـيـا

فكرتنى بــــ احمد فؤاد نجم ...
حلو اوى الاسلوب ... تسلم ايدك.....
صعب اوى الابداع فى الظرووف اللى احنا فيها دى دلوقتى ...
:39::39:اعتقد اللى يقدر يخرج حاجة حلوة يستحق كل التقدير
 

امل بكرة

New Member
رد: مــشــهــد مـن بـلادى .. مــــصــــر أم الـــدنـيـا

تسلم ياعمرو على النقل المميز

وطبعا صورة وكلام جميل

موضوع فوق الرائع
 

Maloka Ali

Kan Asmoo Habeby‎‏‏‎
رد: مــشــهــد مـن بـلادى .. مــــصــــر أم الـــدنـيـا

يخربيت الدماااااااااااااغ :4:
بس طول عمرك كده يا عموره استاذ ورئيس قسم
ويارب تنتظم على طول فتواجدك فالمنتدى لانك بجد خساره عدم وجودك هنا
انت بجد وصفت صوره حقيقيه للحياه اللى بنعيشها كلنا
ربنا يصلح الاحوال يارب ويحفظ مصر
وتسلم دماغك يا خطيب اختى يا قمر :3:
احلى تقييم
 

S_e_M_o

ربي كُن مَعي فَالكُل راحل
رد: مــشــهــد مـن بـلادى .. مــــصــــر أم الـــدنـيـا

جامد وربنا يا عمر تسلم الدماغ وتسلم انتا يا كبير
 

valant!no

New Member
رد: مــشــهــد مـن بـلادى .. مــــصــــر أم الـــدنـيـا

فكرتنى بــــ احمد فؤاد نجم ...
حلو اوى الاسلوب ... تسلم ايدك.....
صعب اوى الابداع فى الظرووف اللى احنا فيها دى دلوقتى ...
:39::39:اعتقد اللى يقدر يخرج حاجة حلوة يستحق كل التقدير
اكيد صعب بس الحاجات اللى بتطلع فالاوقات دى بالذات
بيبقى ليها طعم تااااااااانى
نورتنى بمرورك الجميل
 

valant!no

New Member
رد: مــشــهــد مـن بـلادى .. مــــصــــر أم الـــدنـيـا

يخربيت الدماااااااااااااغ :4:
بس طول عمرك كده يا عموره استاذ ورئيس قسم
ويارب تنتظم على طول فتواجدك فالمنتدى لانك بجد خساره عدم وجودك هنا
انت بجد وصفت صوره حقيقيه للحياه اللى بنعيشها كلنا
ربنا يصلح الاحوال يارب ويحفظ مصر
وتسلم دماغك يا خطيب اختى يا قمر :3:
احلى تقييم
ميرسى يا ملوكه
وان شاء الله احاول ابقى متواجد انتى عارفة بقى المشاغل :4:
ويارب يصلح احوالنا كلنا
نورتينى يا اخت خطيبتى يا قمر :4:
 
أعلى