العودة   منتديات نجوم > المنتديات العامة > منتدى النقاش الجاد

منتدى النقاش الجاد خاص بالمواضيع التي تحتاج الي النقاش الجاد

من سيحكم مصر

بعد بشاير بفوز د.محمد مرسي علي مرشحه الفريق احمد شفيق Ziko عمل توبيك ترحيب و تهاني و قفني عند نقطه معينه و علشان مش نخرج التوبيك اللي في الترحيبات و

موضوع مغلق
 
LinkBack أدوات الموضوع انواع عرض الموضوع
  1 (permalink)  
قديم 2012-06-20
MaDoO MtM MaDoO MtM غير متواجد حالياً
فيلسوف بعد الضهر
افتراضي من سيحكم مصر




بعد بشاير بفوز د.محمد مرسي علي مرشحه الفريق احمد شفيق
Ziko عمل توبيك ترحيب و تهاني و قفني عند نقطه معينه و علشان مش نخرج التوبيك اللي في الترحيبات و التهاني بالنقاش قررنا نعمله توبيك لوحده :1:
ما هو المنتدي منتدانا بقي مين قدنا :4:
زيكوا قال
اقتباس:
لن نترك صفوف المعارضة نحن أفراد جماعة الإخوان سنكون أول من يعارض خطأ الدكتور مرسى
اندهشت من الكلمه ليقيني بأن الجماعه هي من تحكم مصر :3:

دلائل من كلام زيكو في التوبيك نفسه
اقتباس:
سترون جميعا يا شعب مصر العظيم الخير تحت ظل حكم الإخوان
سألت زيكو السؤال و رد زيكوا عليا

لا طبعا مرسى ميـــــــن وجماعه ميـــــــن :111:المرشد هو اللى هيحكم lol
شوف يا مادوا بعيدا عن الهزار

مبدائيا التشكيك فى كل شىء ده مفيش اسهل منه . الصعب دايما هو الانتاج والعمل
اللى محدش بيعرف يعمله للاسف غير الاخوان المسلمين هما بس اللى بيعرفوا يشتغلوا . والكل بيتجه فقط الى التشكيك والنيل من الاخر بالكذب والتأليف
ومفيش حد فيهم يقول او يتكلم عن كيفيه النهوض بالبلد .او الدروس اللى ممكن نتعلم منها علشان نبنى بلدنا
محدش اتكلم ف مشروع النهضه او اى مشروع تانى مقدم من قبل المنافسين . علشان نقول ونحلل ممكن نعمل ايه لمصـــــــر
وهل ينفع المشروع او مينفعش .. الاعلام بيجر الناس . الى كلام خيالى من نسخ مؤلف خيبان . علشان يتوه الناس فى كلام فاضى . مين هيحكم مين هيقطع اديكم مين بيشرب خمر . مين معاه اجندات . مين ماسونى . مين تلقى تدريبات لهدم مصــــر . ومين ومين الى اخر السيناريوهات الفكسانه .

وفيه ناس كتير للاسف . بتفضل عايشه تحت مخدر الاعلام الفاسد والسيناريو الفكسان . زمان اما كانت الحكومه تحب تدارى مصيبه من مصايبها . كانت تألف اى قصه عن فنانه مثلا مسكوها فى بيت دعارة . علشان الناس تسيب الاصل وتمسك فى الكلام الفارغ .. وده نفس النهج مع اختلاف الاحداث اللى بيعمله الاعلام . وللاسف لسه فيه ناس بتعيش تحت المخدر ده
سهل جدا ألفلك وادخلك فى دوامه بعيدا تماما عن اهدافك . علشان متعرفش تبنى البلد . وفى الاخر اقول للناس شوفتوا اهو مش عارف يعمل حاجه . على فكرة ده مش عبقريه من الاعلام او المجلس العسكرى او فلول مبارك .. ده شغل ميعرفش يعمله ويخططه غير الصهاينه .. وفى الاخر يقعدوا يضحكوا علينا ويضحكوا العالم كله على خبتنـــــــا . زى كل مرة . لكن ان شاء الله المرادى مش هيقدروا ينفذوا خططتهم فى هدم الثورة . واحنا قادرين على الحفاظ عليها بعونا من الله عز وجل . وقادرين على لم الشمل . قادرين على التوحد والاتحاد . علشان نشتغل كلنا لصالح مصــــــر . ومش هيقدروا يفرقونا مهما حاولوا من غسيل لعقول البشر

سهل جدا اقولك
مين هيحكم لو شفيق مسك . مبارك ولا اسرائيل .
سهل جدا اقولك
مين هيحكم لو حمدين مسك . الخومينى ولا مصطفى بكرى
سهل جدا اقولك
مين هيحكم لو مسك ابو الفتوح . المرشد ولا العسكر
سهل جدا جدا . انى اقولك مبارك مظلوم . رغم انى دم الشهداء لسه فى ايده . والناس كلها شيفاه
وهقنعك تماما . انى مبارك كويس . بس هما اللى حوليه اللى خانوه . وفى الاخر مش هتعرف تمسك اى دليل . حتى ولو شوفت بعينك
ومع الوقت . هتصدق كمان اللى شوفته بعينك .. كان حلم مهوش حقيقه ..

سهل جدا . اقولك انى البطيخ مش بطيخ . مع انه احمر وفيه بزر اسود منيل
واقولك . اثبتلى انى البطيخه دى بطيخه . مش بتستهبل وعامله فيها بطيخه وهى اساسا قرع مدهون احمر:4:
لكن ا
لصعب دايما . اننى نبنى فعلا خطه مدروسه نعدى بيها الى مستقبل افضل

اللى هيحكم مصــــــــر . هو الرئيس المنتخب من الشعب . بس العسكر يسبنـــــا فى حالنا
اللى هيحكم مصــــــــر . هو اللى الناس هتحاسبه . على اى انجاز او تقاعس . الناس مش هتسيب الريس وتروح تمسك فى زمارة المرشد
الناس هتحاسب المسئول .. واى مسئول المفروض يبقى فاهم كده كويس . ولازم الناس كمان تبقى فهمه كده كويس اوى
ومحدش بعد كده يضحك علينا . ويقول زى ما كان بيتقال قبل كده ( انا بصفتى مسئول مش مسئول :4: )
ويدور على اى كبش فدى . ويلزق فيه المصيبه ... الناس لازم تفهم ان اى مسئول .. هو المسئول قدام الناس . مسئول مسئوليه كامله عن اى شىء .حتى عن اختيارته لمن يساعدوه
يعنى علشان يقولك اللى تحت منى باعونى .. انا والنعمه رئيس كويس بس هما طلعوا كجه ووحشين . دى سياسه المفروض الناس ترفضها
وان الاوان بقى انها تفهم .. وتحاسب المسئول ... ومتجعلش منه نبى معصوم من الخطء


شوف يا مادوا . انا هوصل معاك لابعد ما فى خيالك وخيال الاعلام .. المرشد هو اللى هيحكم او الجماعه. ياترى الناس هنحاسب ميــــــن ؟
فرضنا المرشد هو اللى هيحكم مصـــــــــر . مش احسن برضه من مبارك او اسرائيل تحكمك

والله لو المرشد هو اللى هيحكم مصـــــــــر . ولو الجماعه كلها بمن فيها . معرفتش تنفذ مشروعها . ورجعت مصر لعصر الاهانه واهدار الكرمه
يبقى الجماعه كلها ( صفر ) مع مرتبه الشرف . وستذهب بلا عوده وستكون نهايتها .. كعصر مبارك ذهب ولا يمكننا ان نسمح برجوعه مرة اخرى



فى رأى . جماعه الاخوان المسلمين هى الفئه الوحيدة القادره على النهوض بمصــــــــــر
وعلشان كده العالم كله بيحاربها

مبروك لمصـــــــــــر . مبروك لينـــــا كلنــــــــا يا مادوا . وان شاء الله الخير يعم على الكل
بس يلا بقى نشتغل بجد علشان مصـــــر .. كفايه ضرب فى بعض .. الخاسر من فرقتنـــــــا هى مصـــــــــــر
لو كلنـــــــا اتجمعنـــــــــــــا . هنبنى مصــــــــر فى وقت قياسى . كفايه صراعات . كفايه هدم فى بعض
مصــــــــر محتاجه الكل . عايزين بجد نحبها ونشتغل علشانها .



و زي ما قلتلكوا قررنا نعمله في توبيك منفصل :1:

واحد يقولي انت بتوجع دماغك ليه و توبيك مخصوص و بتاعه
اقله انا بتعب فعلا دماغي علشان انت و غيرك تقرأوا و تفهموا كويس جدا ايه اللي بيحصل
و يكفي ان في ناس بتدخل تقرأ مش بترد لكنها بتقرأ و بتكلمني خاص او علي الفيس تقولي شكرا
و غيرهم استفادوا و كذلك من كلام زيكوا او الغير برده :4:

هيا بنا يا عزيزي زيكو نتعب في قلبنا شويه :21:



يهمنا رايك في الموضوع ضع تعليقك بحساب الفيس بوك




lk sdp;l lwv

  2 (permalink)  
قديم 2012-06-20
ZIKO ZIKO غير متواجد حالياً
:: العضوية الذهبيهـ ::
افتراضي

هههههههههههههههههههههههه والله انت مشكله يامادوا

والله يا مادوا ياريت فعلا نعمل حاجه نفيد الناس بيها ونستفيد معاهم
بدل ما نقعد نعصر فى افكارنا . علشان نفضل ندور فى دايرة واحده فى التشكيك فى النوايا وفى كل كلمه بتتقال

ياريت بجد نعمل حاجه نفيد بجد بيها الناس . ياريت نتكلم عن حلمنا لمصر الجديده
ياريت نتكلم عن حلمنا ومطلبنــــا واهداف ثورتنا اللى لابد على الرئيس محمـــــد مرسى تنفذها
ياريت نتكلم عن الوعود اللى وعدنا بيها الرئيس مرسى . وهل هيقدر يطبقها ولا لاء
ياريت نتكلم عن مشكلنا الحقيقه من اكل وموصلات ومياة وصرف صحى وغاز وكهربى وخلافه
ياريت نتكلم عن الصعوبات اللى ممكن تواجه الرئيس . وازاى ممكن نعديها معاه
ياريت نعرف بجد نفيد ونستفيد من بعض .. بدل ما نقعد نمسك فى اى كلمه ونعمل منها موال ظلمووه


بالنسبه لحكم الاخوان .. اللى حضرتك بتحاول تكبرها وتبروزها . فى برواز قديم . من براويز الاعلام الفاشل الفاسد
اللى لسه فيه ناس عايشه فى ظله وبتتحمى فيــــــه
حضرتك مشكورا جبت الرد كامل .. واظن الرد واضح وكامل وشافى . ومش محتاج نعمل منه موضوع من الاساس
فيه مواضيع اهم ممكن نشغل بيها الناس .. بجد محتاجين نبنى بلدنـــــــا . كفايه هدم وكفايه تشكيك

وعلشان يكون الرد اكثر وضوحا
ياترى الرئيس محمـــــــــد مرسى . رئيس جمهورية مصــــــر العربية . ميوله
1- اخوانيه
2- يساريه
3- صهيونيه

لو عرفت الاجابه .. اتصل 090000000000
سيصلك فورا .. مندوب من جماعه الاخوان بباقه ورد مميزه :eh_s(7):عليها شعار جماعه الاخوان المسلمين :4:
ويوجد بباقه الود .. كارت ظريف . مكتوب عليــــــــه

(( اذا كان الرئيس محمـــــد مرسى اخوانيا .. فالحكم للفكر الاخوانى
واذا كان عباسيا .. فالحكم للفكر العباسى .. وان كان حمدانيا . فالحكم للفكر الناصرى !!

فى النهايه بما ان مجلسى الشعب والشورى . بأرادة الشعب . حتى ولو تم حله وسيعاد الانتخاب مرة اخرى
سيكون القوى العظمى فيه من الاخوان ان شاء الله . ايضا بأردة الشعب . اذن فالشعب ارتضى بحكم من ينتمى الى الاخوان المناضلون المكافحون المثابرون

اذن بعد تواجد المعطيات ولا يوجد اى طلبات اخرى .. فالبرهان . الحكم للاخوان
حد ليــــــــه شوق فى حاجه :smailes13:ههههههههههههههههههههههه

على فكرة فيه مفاجاه احتمال الايام الجايه اعلن عنها .. اعتقد انها هتكون سعيدة لناس كتير :4:

  3 (permalink)  
قديم 2012-06-20
MaDoO MtM MaDoO MtM غير متواجد حالياً
فيلسوف بعد الضهر
افتراضي


اقتباس:
مبدائيا التشكيك فى كل شىء ده مفيش اسهل منه . الصعب دايما هو الانتاج والعمل
اللى محدش بيعرف يعمله للاسف غير الاخوان المسلمين هما بس اللى بيعرفوا يشتغلو
بدون نقاش مفيش اسهل من التشكيك و مفيش اصعب من العمل يا زيكو

لكن السؤال هنا ليه انت قلت ان محدش بيعرف يعمل غير الاخوان المسلمين هما بس اللي بيعرفوا يشتغلوا هو نجاح مرشح ما يعني ان حملته بس مثلا هي اللي بتعرف تشتغل علشان كدا فازوا و الباقي مبيعرفش
لكن في الحاله دي انا بتفق معاك في نقطه معينه ان الاخوان اساتذه انتخابات و بشهاده رسميه
في ظل انهم مش الشعبيه الاقوي في مصر و لكن فازوا بالانتخابات في ظل ان في ناس شعبيتها كانت اكبر بكتير و خسروا كمان و علي رأي عضو قالك في التوبيك التاني

الاخوان اثبتوا انهم لو رشحوا ريموت تكييف هيفوزوا برده

لكن ده اطبقه علي الانتخابات مش المعني ككل و العمل ككل انا شايف ان كان في كتير اوي هيعمل احسن ما هيعمله الاخوان لمصر :)

اقتباس:
علشان يتوه الناس فى كلام فاضى . مين هيحكم
انت شايف ان مين هيحكم كلام فاضي ؟!
علي فكره لو مرسي هيحكم من دماغه و ملوش دعوه بالاخوان انا كنت دعمته و كنت جبتله اصوات كتير جدا جدا اي نعم هي مأثرتش معاه و لا هتفرق حتي لو 2000 صوت لكن كنت هدعمه و علي فكره انا رفضت اني ادعمه و مش كلام و بس اقسم بربي اخوان الدقهليه طلبوا مني كدا و انا رفض لان الحمد لله انا اقدر اوجه نسبه كبيره من انصار حمدين و اللي قاطعوا الانتخابات كانت ممكن تكون لمرسي

لكن مين هيحكم ده الفيصل انا رفضت مرسي لانه تابع للاخوان و الاخوان هيحكموا مش هينفرد بالحكم لذلك رفض دعمه لو كان هيحكم لوحده
بغض النظر انه كشخصيه رئيس و كاريزما رئيس صفر حتي ابسط شيئ ال Body language عنده صفر و متستقلش بيها انا قلتلك ابسط حاجه ما بالك بالكبيره بس كنت هقول يكفي انه كشخصيه منفرده عارف ربنا و حتي لو رئيس فاشل هيبقي احسن من شفيق بكل المقاييش لكن حكم الاخوان هو اللي منعني من تأييده
فهي مش كلام فاضي ابدا يا زيكو :1:

اقتباس:
وفيه ناس كتير للاسف . بتفضل عايشه تحت مخدر الاعلام الفاسد والسيناريو الفكسان . زمان اما كانت الحكومه تحب تدارى مصيبه من مصايبها . كانت تألف اى قصه عن فنانه مثلا مسكوها فى بيت دعارة . علشان الناس تسيب الاصل وتمسك فى الكلام الفارغ .. وده نفس النهج مع اختلاف الاحداث اللى بيعمله الاعلام . وللاسف لسه فيه ناس بتعيش تحت المخدر ده
سهل جدا ألفلك وادخلك فى دوامه بعيدا تماما عن اهدافك . علشان متعرفش تبنى البلد . وفى الاخر اقول للناس شوفتوا اهو مش عارف يعمل حاجه
رجاء يا زيكو تبعد عن الاعلام كل البعد زي ما انا مش باجبلك سيرته و بيقول ايه علي الاخوان متقوليش الاعلام فاسد و بيقول ايه انا اقسم بالله اقسم بالله التي في ده مش بشوفه الا علي ماتشات الكوره او و انا معدي صدفه في الصاله :1: و مش بسمع اي اعلامي و لا عمري هسمع اي اعلامي ولا اعرف بيقولوا ايه و لا عايز اعرف هما بيقولوا ايه لاني عندي ثقه انهم مش ضد حد ولا مع حد هما مع المصلحه و القرش فقط لا غير و اعلام مصلحجي
فمش هنختلف فبلاش نجيب سيرته ولا اكنه موجود لاني مبسمعش له زي الاستاذه تقولي كلامك كلام اعلام مع ان الاعلام لحد اللحظه دي مقالش كلامي :3:
اقتباس:
سهل جدا اقولك
مين هيحكم لو شفيق مسك . مبارك ولا اسرائيل .
سهل جدا اقولك
مين هيحكم لو حمدين مسك . الخومينى ولا مصطفى بكرى
سهل جدا اقولك
مين هيحكم لو مسك ابو الفتوح . المرشد ولا العسكر
اكيد يا زيكو عارفين كويس اوي مين هيحكم و مين هيبقي دلدول و مين هيبقي قائد قراره من راسه و عارفين كويس اوي مين لو تبع جماعه علي هيسيبها و هتبقي حزب سياسي او جماعه سياسيه زيها زي اي حزب سياسي مثلا في مصر ولا لأ
كل ده معروف و مفيش اي تشكيك فيه :1:

اقتباس:
سهل جدا جدا . انى اقولك مبارك مظلوم . رغم انى دم الشهداء لسه فى ايده . والناس كلها شيفاه
وهقنعك تماما . انى مبارك كويس . بس هما اللى حوليه اللى خانوه . وفى الاخر مش هتعرف تمسك اى دليل . حتى ولو شوفت بعينك
ومع الوقت . هتصدق كمان اللى شوفته بعينك .. كان حلم مهوش حقيقه ..
وسعت اوي دي يا زيكو و لو علي سبيل الميثال خصوصا اقنعك تماما اذا كان الحق بنفشل اننا نقنع بعض فيه هنقتنع بده :1:
اقتباس:
سهل جدا . اقولك انى البطيخ مش بطيخ . مع انه احمر وفيه بزر اسود منيل
واقولك . اثبتلى انى البطيخه دى بطيخه . مش بتستهبل وعامله فيها بطيخه وهى اساسا قرع مدهون احمر:4:
ههههههههههههههههههههههههههههههه
و الله الواحد مبقاش عارف ايه اللي بيحصل
و بعدين البطيخ ده بالذات متطمنلوش طول عمره غدار
مفهم الناس انه فاكهه و هو في الاصل خضار :21:
اقتباس:
لكن الصعب دايما . اننى نبنى فعلا خطه مدروسه نعدى بيها الى مستقبل افضل
فعلا ده الصعب يا زيكو

--------------------

كل اللي فات كان مقدمه جميله يا زيكو و مقبوله و مش تضييع وقت كان كلام جميل

ندخل في كلامك الفعلي و ردك علي السؤال
--------------------------

اقتباس:
الناس هتحاسب المسئول .. واى مسئول المفروض يبقى فاهم كده كويس . ولازم الناس كمان تبقى فهمه كده كويس اوى
ومحدش بعد كده يضحك علينا . ويقول زى ما كان بيتقال قبل كده ( انا بصفتى مسئول مش مسئول :4: )
ويدور على اى كبش فدى . ويلزق فيه المصيبه ... الناس لازم تفهم ان اى مسئول .. هو المسئول قدام الناس . مسئول مسئوليه كامله عن اى شىء .حتى عن اختيارته لمن يساعدوه
يعنى علشان يقولك اللى تحت منى باعونى .. انا والنعمه رئيس كويس بس هما طلعوا كجه ووحشين . دى سياسه المفروض الناس ترفضها
وان الاوان بقى انها تفهم .. وتحاسب المسئول ... ومتجعلش منه نبى معصوم من الخطء
كلام جميل جدا بغض النظر انه مش رد علي السؤال " من سيحكم مصر " لكن كلام مهم جدا و ان شاء الله ده اللي هيحصل قول يارب و بنأمل انه يحصل ان شاء الله

اقتباس:
اللى هيحكم مصــــــــر . هو الرئيس المنتخب من الشعب . بس العسكر يسبنـــــا فى حالنا
اللى هيحكم مصــــــــر . هو اللى الناس هتحاسبه . على اى انجاز او تقاعس . الناس مش هتسيب الريس وتروح تمسك فى زمارة المرشد
اقتباس:
شوف يا مادوا . انا هوصل معاك لابعد ما فى خيالك وخيال الاعلام .. المرشد هو اللى هيحكم او الجماعه. ياترى الناس هنحاسب ميــــــن ؟
فرضنا المرشد هو اللى هيحكم مصـــــــــر . مش احسن برضه من مبارك او اسرائيل تحكمك
بغض النظر عن الاعلام اللي انا عارف انك هتراعي عدم جلب الكلمه دي و ربطها بردودي بس نوصل لابعد ما في خيالي

هرد علي اسئلتك يا زيكو
1- الناس هتاحسب الرئيس مش المرشد ده فعليا لكن الهجوم الفعلي هيبقي علي الرئيس و الجماعة ككل اكيد و انت عارف كدا كويس .

السؤال التاني مين احسن مبارك ولا المرشد

و الله يا زيكو هو انا مقدرش اجاوب علي السؤال ده انت بتسألني
تموت مسحول من ضرب العسكر و لا تموت بالاعدام
و ده طبعا نظره لما فعله الاخوان في ايران مثلا
الشاه و عساكره كانوا بيقتلوا الشعب في الشوارع عادي و الاخوان و الخوميني كانوا بيقتلوهم بالقانون اولا يكفروهم ثانيا يعدموهم

بس في الاخر مووووووت

فخليني اقولك اني هختار اجابه ليا انت مقولتهاش و هي اني مش هقبل لا بده ولا بده و هصمت و احارب الاتنين :1:
بص يا زيكو هقولهالك صريحه
انا لو شايف ان الاخوان علي بلاويها و مصايبها دي و كل اللي عملته في مصر و تفكيرهم ده و هتبقي علي كدا و بس اقسم بربي كنت دعمتهم
لكن انا خايف من اللي لسه جاي
خايف من اللي معظم الشعب ميعرفوش
خايف من اعاده تجارب اخواتنا العرب و المسلمين لما وصل الاخوان عملوا ايه

خايف اعيد دوله ايران تاني يا زيكو مع ان فيها نهضه علي فكره و اقتصاد الي حد ما و عارضين علي مصر انهم يسلفوا مصر و يدوها قروض لكن بص للدوله ككل

بيزداد خوفي اوي لما بفتكر الهدف الاول و الاخير للجماعه
الهدف اللي علشانه حسن البنا انشأ الجماعة

" الخلافه الاسلامية "
بغض النظر انكوا يعتبر بتلعبوا يا زيكو و صعب ان 22 دوله عربيه يوصل الاخوان فيها للحكم مثلا السعوديه هتشيلوا النظام الملكي و يبقي جمهوري و بعدين تمسكوا البلد فبرغم الصعوبه و بغض النظر عن هدفكم المنشود
فخلينا اقولك حاجه مهمه اوي

دلوقتي شويه اسئله سريعه

س: الاخوان عايزين يوصلوا لحكم مصر ليه ؟
جـ : علشان يقدروا ينفذوا هدفهم و حلمهم و هو خلافه اسلامية و هتتنفذ بحكم الاخوان لجميع الدول العربيه و من ثم الخلافه الاسلامية .

طيب انا هقول هنا نقطتين
1- اذا انت مش مرشح علشان خاطر مصر فيها ظلم او او او غيره انت مرشح نفسك علشان تمسك الحكم ده علشان توصل لخلافه
اذا خد بالك انت يهمك خلافه مش مصلحه مصر كدوله مستقله بذاتها

2- لو في مصلحه لمصر لكن هتعارض انك تقيم الخلافه دي او تسهلها هتيجي علي مصر علشان خاطر هدفك الاول و الاخير الخلافه الاسلامية

فمصر هتبقي شيئ تاني او شيئء فرعي و ليس اساسي للاخوان

س : تقدر تنكر حكايه الخلافه الاسلامية يا زيكو ؟
جـ : بما اننا اصدقاء علي المنتدي هاجوب مكانك و اقولك لأ متقدرش و الكل معترف و اعترفتوا بكدا علي التي في ايام الانتخابات و بتتباهوا بكدا كمان بدون التفكير في خطوره الموقف .

مع العلم انا مش مستعد كمصري اقدم تنازلات و بلدي تقدم تنازلات علشان الجماعه تسهل امورها انها توصل لخلافه اسلاميه و في الاخر علي فكره مش هتوصل
و افتكر فشلكم في اليمن لما كنتوا هتلعنواها عاصمه الخلافه الاسلامية


طبعا طبعا طبعا طبعا كلامي ده الشعب المصري الجاهل اقصد سوري الشعب الواعي ميعرفوش
و لا يعرف اصلا هو بيرشح مين ولا ليه و لا اسم اهل بلده دي ايه ولا يعرف اي حاجه في اي حاجه

" الشعب الذي دمر بلده "
امممممممممممممممممممممممممم حلوه

اقتباس:
فى رأى . جماعه الاخوان المسلمين هى الفئه الوحيدة القادره على النهوض بمصــــــــــر
وعلشان كده العالم كله بيحاربها
بغض النظر انها الوحيده و ثقه زياده لكن مقدرش اتكلم فيها طبعا
لكن هو مش في مليون واحد برده اتحاربوا و بيتحاربوا و العالم كله بيحاربه برده مش الاخوان بس علي فكره :)

- ما هو الوضع القانوني للجماعة و الوضع الشرعي و عدد اعضائها ؟!
( فهذا الوضع الهلامي يجعلها كيانا فوق القانون و الدولة خاصة ان المقر الرسمي للجماعه يتسقبل الرؤساء و السفراء و الوزراء و عابري السياسه من كل اتجاة !! )

- مصادر تمويلها و صرفها ؟!

- علاقتها بالخارج و الداخل ؟!

- ما هو الوضع الدستوري للمرشد من الحياه السياسة ؟!

- ما هي البيعه و ما هي شروطها و مشروعيتها في ظل الدولة الحديثة ؟!

- الاخوان اغلب اصواتهم من عامة الشعب و الفقراء و الجهلاء و لن يستطيع احد انكار " الزيت و السكر و الاكل اللي كان بيتوزع علي المرشحين " اذا الاخوان هيحافظوا علي الفقر علشان الدوره اللي جايه يشتروا برده اصوات الفقراء و يحافظوا علي الجهل علشان يبقي هم فقط المثقفين الواعيين اللي يقدروا تاني يلعبوا علي الطبقه الجاهله في مصر ؟!

- استعمال الدين لشيطنة اي شخص يقف امامهم و ده طبعا متمثل في تصريحات كتير اوي للشيخ صفوت حجازي و زحف العمائم و ان انتخاب مرسي جهاد لله و كذلك منال ابو الحسن بتقول مرسي مدعوم من الله ؟!

دي الاسئله اللي انا وجهتها للدكتور عوض السيد محمد و المهندس اكرم محمد خاطر قياديان في جماعه الاخوان المسلمين بالدقهلية



بدأوا في اجابه سؤال و هو مصادر تمويلها
قالولي 5 % من مرتب كل فرد في الجماعه و ليكن 200 جنيه اضربها و ليكن في مليون فرد بس يبقي 200 مليون جنيه في الشهر :21:
كان ردي بكل احترام
لكن ده بفرض ان ال5 % 200 جنيه يعني المرتب 4000 تلاف جنيه
السؤال هنا في كام واحد في الجماعه مرتبه 4000 تلاف جنيه مفيش اكيد في ناس مرتباتها 1000 جنيه بس
+ ليه نفرض و نقول و ليكن نضربها في مليون فرد بس مع ان الجماعه كلها بالشاطر بمرسي و ببديع محصلوش نص مليون فرد
اذا الحسبه غلط

و كان الرد مش من حقك تكذبني

و لم يردوا علي باقي الاسئله اتمني انك تردلي عليها يا زيكو لو مفيش مانع مثلا وربنا نفسي اي اخواني يردلي عليها و زودلي عليها سؤال واحد بس
بتقولوا هتطبقوا الشريعه الاسلاميه طيب

س : هتبدأوا منين و هتطبقوها ازازي و امته ؟!!!!!
و اتحداك لو جاوبت عليها او اي اخواني يجاوب عليها كلام مقنع

علشان تعرف ان الافعال و ليس الاقوال فعلا شفيق وفق في اختياره للكلمه دي عاجباني اوي مع انها مش ماشيه معاه بس الافعال و ليس الاقوال
سمعنا كتير طيب الافعال
اؤكدلك زيكو ان مفيش تطبيق شريعه و مفيش مرشح او رئيس قادر علي تطبيقها و لا جماعه الاخوان المسلمين قادرين و كلها كلام و اقوال فقط لا غير .

في الاول و الاخر يا زيكو انت ملخص اجابتك كانت
مرسي هو من يحكم باختصار شديد دي كانت الاجابه بدون تأكيدات او دلائل ولا واقع
و تطرقت لامور اخري مفيده اكيد و حاببها جدا و انا كذلك تطرقت لأمور اخري

لكن جوهر السؤال
" من سيحكم مصر "
حضرتك قلتلي
" مرسي "

فقط

و باقي كلامك و كلامي كان خارج التوبيك للاسف لكن كلامي كان ردا علي كلامك :4:
الا الجزء الاخير اللي تطرقت له و هي الاسئله

سعيد بنقاشك اكيد يا زيكو
  4 (permalink)  
قديم 2012-06-20
ZIKO ZIKO غير متواجد حالياً
:: العضوية الذهبيهـ ::
افتراضي

للاسف يا مادوا انت متعرفش اى حاجه عن الخلافه الاسلامية
ولا تعرف حاجه عن تاريخ الخلافه الاسلامية . اللى ربنا اعز المسلمين بيها . واذلهم عند تركها واتخاذ العلمانيه بديل

بجد انصحك انك تقرى علشان تعرف الامه دى كانت فى عز قوتها وكرمتها فى اى العصور . ومتى تم اذلالها واهانتها
ساعتها انت بنفسك هتجاوب على الاسئلة . اللى انت جوبت عليها
لازم تقرى وتفهم علشلن تعرف اى الاحلام مشروعه . حلمنا هو الخلافه الاسلاميه
بل استاذيه العالم اجمع

وده ميتعملش الا ببناء دولة وليس جماعه . نريد ان نبنى دولة ......
وبكل تأكيد احنا بنتباها بحلمنـــــــــــا . وفخورين به ونسعى من اجل تحقيقة
والمفروض اللى يخاف منه .. ويحاربوه ويشككه فيه هم الصهاينة الملاعين
  5 (permalink)  
قديم 2012-06-20
MaDoO MtM MaDoO MtM غير متواجد حالياً
فيلسوف بعد الضهر
افتراضي

بص يا زيكو اولا انت اتهمتني اتهام بدون اي مبرر ,,, ثانيا اتهمتني بيه بطريقه مش ظريفه

" انت متعرفش حاجه "

الحمد لله يا زيكوا انا عارف كل حاجه اتكلمت فيها و اللي مش عارفه بستني لما اعرفه جملتا و تفصيلا علشان اتكلم فيه و ده لسبب علشان متقوليش سؤال معرفش ارد عليه و متزنقش :4:

بص يا زيكو انا مش ضد فكر الخلافه الاسلامية
ياريت الخلافه الاسلاميه ترجع تاني انا اساسا متناقشتش فيها
ولا قلت حلوه او وحشه

اللي انا قلته و حضرتك مفهمتنيش كويس

1- حلم صعب جدا جدا و شحرتلك ليه !!
2- تخوفي من ان مصر تقدم تنازلات علشان الحلم ده انا عندي مصر اهم من اي خلافه اسلامية


انا متكلمتش ان ده حلو و لا وحش و ان الخلافه الاسلاميه حلوه او وحشه
بكل تأكيد اللي يعيب فيها يبقي
جاهل انا واحد من الناس من كام سنه كنت بتحسر عليها و بلعن في سلسفيل محمد علي سبب انهيار الخلافه العثمانيه او احد اسبابها ;)

فانت دخلت في موضوع انا مدخلتش فيه اساسا
تاني للمره التانيه
انا مقولتش رأيي اساسا في الخلافه حلوه او وحشه ولا زي العسل
انا قلت انها صعب و مستحيل و متهومنيش و توهم نفسك انها سهله

تاني حاجه مش مستعد مصر تقدم تنازلات علشان حلم مش هيتنفذ ياريته هيتنفذ و لو قرأت كلامي تاني هتلاقي الكلام ده اتقال كويس اوي و واضح جدا جدا


فانت دخلتني في حوار تالت انا متكلمتش فيه اساسا يا زيكو

+++
اقسم برب العزه اعرف كويس جدا جدا جدا لابعد الحدود الخلافه و مميزاتها و عيوبها
و خليني اقولك ان ابرز ما في الخلافه الاسلاميه هي الاتحاد و القوه
و ده اللي عايزين نحققه بلغه العصر و هي القوميه العربيه اللي تبناها عبد الناصر و بيحلم بيها حمدين و اللي انت ضدها و رايح ترجعلي لالاف السنين ورا و مش دي المشكله المشكله انه مستحيل يتحقق
ده القوميه العربيه و اتحاد الدول العربيه في اعلاميين و زفت كتير انتقدوا حمدين فيه و بيقولوله ان ده حلم
ما بالك بالخلافه الاسلاميه ؟!!!!!!!!!

الحل القوميه العربيه اللي حضرتك انتقدها و ضدها
حتي لو فيها عيوب احنا نتفاداها
ناخد من التجربه الصح و نصلح الغلط

القوميه العربيه هي خلافه بلغه العصر من رأيي المتواضع

اقتباس:
ساعتها انت بنفسك هتجاوب على الاسئلة . اللى انت جوبت عليها
انهي اسألة ؟!
اللي انا جاوبت عليها :3:
اقتباس:
لازم تقرى وتفهم علشلن تعرف اى الاحلام مشروعه
ما هي المشكله اني قارئ فعلا و فاهم كويس جدا جدا بغض النظر عن تشكيك في فهمي :)
الاحلام مشروعه لكن من الغباء اننا نحلم حلم مش هينفع و مش هينفذ و مستحيل و نسمحلكوا انكوا تستغلوا مصر طرف في الوصول للحلم ده :4:
ساعتها يبقي انتوا واهمين و احنا اغبيه
انتوا واهمين بحلمكوا و احنا اغبيه اننا نسيبلكوا البلد دي تستغلوها في احلام خرافيه :4:
اقتباس:
والمفروض اللى يخاف منه .. ويحاربوه ويشككه فيه هم الصهاينة الملاعين
بص يا زيكو حلم زي الخلافه الاسلاميه الصهاينه مش هيفكروا فيه بحسبه بسيطه جدا هما لو سابوكوا تشتغلوا العرب نفسهم مش هيسيبوكوا تشتغلوا عليه و لو مصر كلها بقت اخوانيه بلاد تانيه لن تكون
دي نقطه
النقطه التانيه و الاهم الصهاينه تحارب في القوميه العربيه اللي هي مقبوله و مبلوعه شويتين تلاته كمان
و تخاف منها

و شكرا علي تشبيهك ليا بالصهاينه للمره الرابعه و تفاديتها اكتر من مره :1:
لكن ابشرك انها كانت بتوصلي كل مره و انا اللي بتفاداها يا زيكو :1:
بس مش غريبه علي فكره و متعود علي كدا انا ياما اتكفرت يا اخي مش عارف ليه بجد انا بدأت اشك في نفسي

دي حاجه بسيطه من اللي بقابلها علشان بقول كلمه حق :1:


تم الشخبطه علي الشتيمه علشان الرقابه :21:

بص يا زيكو هقولك كام نقطة
1- الشعب المصري غبي و جاهل و ده سلاحكم الوحيد للوصول لأحلامكم

2- انتظروا مفاجأه جميله جدا جدا في انتخابات الشعب ان شاء الله هتكسر وسط الاخوان بمشيئه الله تعالي
" فكره العبد لله مادو " لكن للأسف مكنش ينفع تتنفذ في الاعاده لان مفيش وقت
لكن هنبدأ فيها ان شاء الله في خلال ايام
لو فشلت فيها وارد لكن ان شاء الله هنجح

3- طول منا عايش و غيري من الناس اللي فاهمه كويس اوي ابعاد و خطوره كل شخص في الدوله و اللي افراد من الاخوان نفسهم موهومين و مش عارفين ولا فاهمين و ما اكثرهم طول ما حنا موجودين علي وجه الارض هنعمل كل اللي بوسعنا علشان نحافظ علي البلد دي من الفلول و الاخوان و هنوعي الشعب ان شاء الله .

المره دي مش هقولك الثوره مستمره :3:
لأن الثوره انتهت خلاص بفوز مرسي او فوز شفيق

الثوره بدأت و فارت طبعا عارفين يعني ايه فارت يعني وقعت و مستفدش منها الشعب و لا البلد
فالثوره انتهت لكن ابشرك بثوره جديد لكن بعد ما نقضي الاول علي اسباب فشلها علشان لما تقوم تبقي علي الطريق الصح و متتسرقش

قدامنا ثورتين 1- ثوره علي الشعب
2- ثوره علي النظام الحاكم

تحياتي زيكو

علي فكره مجاوبتش علي سؤالي و لا الاسئله التانيه و احترم وجهه نظرك و رأيك و مش طالبك منك اجابه

تحياتي زيكو مره تانيه .
  6 (permalink)  
قديم 2012-06-20
AnA Sara AnA Sara غير متواجد حالياً
آنـآ ألآسطـورهـ :D
افتراضي

ههههههههههههههههههههههههههههههه
و الله الواحد مبقاش عارف ايه اللي بيحصل
و بعدين البطيخ ده بالذات متطمنلوش طول عمره غدار
مفهم الناس انه فاكهه و هو في الاصل خضار :21:

ههههههههههههههههههههههههههههههههههههههه والله الحته دى استوقفتنى جآآمد
هههههههههههههههههههههههههههههههه

بوص يا مادو نصيحه ليك لم هدومك وع التحرير عدل اه اسمع منى
كيدا ولا كيدا لو مسكها مرسى انت مش مرتاح ولو شفشق مسكها انت مش مرتاح
يبقا احجزلك خيمه هناك قبل الزحمه :4::4::4: :p :p :p :p
  7 (permalink)  
قديم 2012-06-20
MaDoO MtM MaDoO MtM غير متواجد حالياً
فيلسوف بعد الضهر
افتراضي


اقتباس:
ههههههههههههههههههههههههههههههههههههههه والله الحته دى استوقفتنى جآآمد
هههههههههههههههههههههههههههههههه
اي خدمه ههههههههههههههههههههههههههههههههههههههههههه
اقتباس:
بوص يا مادو نصيحه ليك لم هدومك وع التحرير عدل اه اسمع منى
كيدا ولا كيدا لو مسكها مرسى انت مش مرتاح ولو شفشق مسكها انت مش مرتاح
يبقا احجزلك خيمه هناك قبل الزحمه :4::4::4: :p :p :p :p
تصدقي بالله يا ساره انا لو شفيق كان مسك مكنتش هعد في بيتنا الا اما اطمن ان انا بعيد عن عيون امن الدوله و كنت مرتب نفسي مع بابا و كدا و عندي يقين اني كنت هتاخد لو شفيق فاز و الكل في الشارع كان يقابلني يبشرني ههههههههههههه
لكن كنت اتمني فوزه برده
ما هو مش هختار اني اكون في امان و مصر كلها بتدمر انا عندي اتعذب و مصر كلها تتعذب كمان سنتين او تلاته و مصر تتعذبش طول عمرها
بدل ما ترتاح بمرسي دلوقتي و كلها سنتين او تلاته و تلاقي عذاب جهنم حل علي مصر :4:

فعموما النتيجه مكنتش مضايقاني خالص و الله منا مضايق بفوز مرسي اصل لو مرسي خسر اللي هيفوز شفيق و برده نكسه فكلتا الحالتين انا اتصدمت و اول ما يعلنوها رسمي ده او ده اكيد هتبقي صدمه ليا ان ده رئيس مصر
بجد حرام يبقي واحد منهم رئيس
يارتني رشحت نفسي كانت ممكن تضرب معايا :4:
و مع ذلك نفسي الاقي اي حد اخواني يوضح الوضع الهلامي للجماعه
و يجاوب علي اسئله بتأرق الشعب المصري كله او جزء منه :)
  8 (permalink)  
قديم 2012-06-20
ZIKO ZIKO غير متواجد حالياً
:: العضوية الذهبيهـ ::
افتراضي

لا ازاى بقى مش مبرر . لا طاما مش مبرر يبقى مبرر عندى . ايـــــــــه :21:

والله يا مادوا بجد انت صعبان عليـــــــه . ومشعارف اقولك ايــــه
شوف اولا انا مكفرتكش .. انت عندك مشكله نفسيه مع التكفير . دى مشكلتك انت . وبعد اذنك مطلعش عقدك علينا
انا قولت اللى المفروض يخاف من الخلافه الاسلاميه هما الصهاينه . اللى المفروض يحاربوها
واعتقد انى ده كلام منطقى . انا اتكلمت عن الصهاينه . انت عايز تحط نفسك معاهم . دى حاجه ترجعلك
انا قولتلك اقرى . لانك شكلك بتاخد معلوماتك من طرق مشبوهااااااااا
يعنى خد بالك لتكون بتقرى اشياء وتواريخ بفعل الصهاينه . ده مش معناه انى انت منهم . ده معناه انى انت مضحوك عليك
ولابد انك تأخد بالك .. ودى حاجه مش تعيب فيك . لانهم من الاساس بيحولوا يحرفوا فى القران نفسه
وفيه أيات كتير عبر النت محرفه بفعل الصهاينه الملاعين . يعنى لابد عليك قبل ما تقرى اية مش تاريخ بس انك تتأكد من صحتها



وبالنسبه انك متعرفش حاجه . اى نعم انت لا تعرف حاجه فى اى حاجه كله كلام فى البلاموطى
ومن غير زعل . دى الحقيقه . انت بتقول كلام وترجع فيه وبعدين تأكده . يعنى حاجه كده بلموطيه


انت لو فاهم فعلا يعنى ايه خلافه اسلاميه . وشكل الدولة .. ( الدولة ) فيها يبقى ازاى
كنت استحاله ومن رابع المستحلات انك تقول مش هنسمحلكو تضيعوا مصر علشان الجماعه
واعترف يا زيكو انكم بتفكروا فى الخلافه الاسلاميه . باعترفكم اوعى تنكر ههههههههههههههههه وكأنها تهمة :21:
واوعى تفكروا ويااااااااه واعوووووو . والكلام اللى يدل على حاجتين لا ثلاث لهم
يأمه انت فعلا مش فاهم . وفى الحاله دى يبقى لابد عليك انك تقرى وتعرف زى ما قولتك قبل كده . ودى حاجه مش عيب
يأمه انت عايش دور الزعيم عكشه البطه . بيدعى العلم عن جهل باين . ومفيش قدام الناس غير انها تضحك عليه

بالنسبه انى الشعب المصرى غبى وجاهل على حد تشبيهك .. بتأكيد هناك جهل بسبب النظام الفاسد اللى الكل عارفه
لكن الغباء هو لمن يدعى الذكاء .. كأمثال توفيق عكاشه كده . الشعب المصر يوجد فعلا نسبه جهل . ولا يوجد غباء
هناك فرق بين الجهل والغباء .. اما تقول انى الجماعه بنستغل جهل الشعب . ده كلام مش غريب اما يقوله توفيق عكشه نفسه عبر الفراعين
ال صحيح هو اسبيدر مش باين ليه اليومين دوووووول :21:

فى النهايه بس علشان احب ابشرك .. الخلافه الاسلاميه . راجعه راجعه لا محال
مش بس كده .. ومصــــر هتسود العالم كله ان شاء الله .. واقعد اصرخ من هنا للصبح . وقول مش هنسمح مش هنسمح
برحتك بقى :d

  9 (permalink)  
قديم 2012-06-20
jỮs† Мë jỮs† Мë غير متواجد حالياً
Ǿptimśtīc Ģiŕl
افتراضي

ههههههههههههههه
والله يا زبكووو انت اللى صعبااان عليــــــا .. تعرف !! لو قعدت من هنا للسنة الجاية تتناقش مع ماادو
مشس هتووصل لششىء اطلاقااااا
ودى مشكله انا واجهتها معاه فى توبيكاات قبل كده وقلتهالك قبل كده مااادو

متاخدش سطرين سطرين وتفكر فى رد ترد بيه عليهم .. لا حاااول ولو لمرة تقرأ الفقرة على بعضها صدقنى هتفهم اللى قداااامك وهتفهم عااوز يوصلك ايه ومن ثم هتعرف ترد بدون ما ترهق نفسك على الفاااضى .. ويرجـــع اللى بيناقشك يقولك انت فهمت غلط وبتاااع ويبقى كل ما كتبتـــه هباااءااا منثورااا للأسف ..

النقطة التااانية برده .. انك بتفكرنى بأخويااا بيقـــووول لاء وخلاص .. اى حاااجة تتقاله مش مهم انه يرد عليها او يستوعبها قد ما يهمه انه يعااااارض اللى قدااامه و ( يفحمـــــــــــــــــــــه ) هو بيكون متخيل كده يعنى
مع ان بالعكس بيطلع قدام اللى بيناقشه انه مش فاااهم اساسا وبيعااارض وخلاااص

مرة تانييية بعترف انى مش بتناااقش فى صلب المووضووع ولا جااايه اعااارضك ولا اخنق عليييك والله وبدلييل انى ياما قولتلك على النقطتييين دووول ومش بتنااقش فى صلب المووضووع لان رد زيكوو انا شااايفه انه مش فيه اى شـــتئ غير صحيح
حتى الجمله الاولى اللى انت فهمتها على ان المرشد والجمااعه هى اللى هتحكم مصــــــــــر مش مرسى هههههههههههه .. مع ان كان ممكن تفهم بشكل تااانى وده هيكووون الشكل الصحيح لفهمها

ان الاخوااان نفسهم اللى مرشحين مرسى يوم ما هيغلط هما اول الناس اللى هيقفوا يعاااارضووووه قبل اى حد
وده ان دل يدل على مصداااقيتهم واماناتهم ولا يدل على اللىانت قولته خااالص ومع ذلك دى فروق بين القراااء
فى قاااارئ بيقرأ وبيستوووعب وبيفهم صح
وقاارئ بيقرأ وبيتصيييد الجمله اللى ممكن يحور من خلالها ويطلع بخطأ ماااا

ومع الاسف احنا مش وقت اصلا لتلك المناااقشااات اللى لا بتودى ولا بتجييب يعنى كلاامك والناس اللى بيسمعولك ويقرأوولك مش هما اللى هيصلحوا البلد يعنى
ولا كلام زيكوو الاخوااان مأجرينــــه ودفعنله فلووس عشااان يدافع عنهم وكلامه بقا هو اللى هيجيييب من الاخر ... اطلاقاااا
احنا محتااين حتى لو بينك وبين حزب معين عداااء .. محتااااين اننا نحسن الظن بيهم عشان نديهم دااافع انهم يخلصوااا لينا ويعملوا فى صااالح مصر
حتى لو فرضننا ان محمد مرسى غير كفء بالرئاااسة .. فاى شخص مكااان هلو قللت من قيمته ومأمنتــــــــش بيه مش هيبقا ليه داافع انه يشتغل لكن لو حمسته وشااف منك اهتماام وايماان هيشتغل غصب عنـــــــه حتى لو هو مش كووويس

الثوااار الصح مش اللى بيقولو لا وينزلوا يهدوا ويقلبوا الدنييا وشعاارات وهتااافاات وفى الاخر فوضى وخرااب
لا الثوااار الصح اللى يقدروا يستفيدوووا من الثورة ويحققوا مكااسب لبلدهم وليهم .. >>> جمله طاازة لسا سامعاه انهاارده:9: (( منقووول :9::9::9::9:

واخيرااا .. بلييييييييييييزز متاخدش سطرين سطرين من كلامى وتتناقش معاايا فيهم مش هعرف اناقشك وبعترف بالفشل من قبل خوض هذا النقاااش اللى انا لا اعتبره نقااش اصلا
انت بس اقرااه حااول تستوعبه لو استفدت منه خير وبركه مستفدتش برده خير وبركه

..
  10 (permalink)  
قديم 2012-06-20
ZIKO ZIKO غير متواجد حالياً
:: العضوية الذهبيهـ ::
افتراضي


اقتباس:
ههههههههههههههه

والله يا زبكووو انت اللى صعبااان عليــــــا .. تعرف !! لو قعدت من هنا للسنة الجاية تتناقش مع ماادو

مشس هتووصل لششىء اطلاقااااا

ودى مشكله انا واجهتها معاه فى توبيكاات قبل كده وقلتهالك قبل كده مااادو


متاخدش سطرين سطرين وتفكر فى رد ترد بيه عليهم .. لا حاااول ولو لمرة تقرأ الفقرة على بعضها صدقنى هتفهم اللى قداااامك وهتفهم عااوز يوصلك ايه ومن ثم هتعرف ترد بدون ما ترهق نفسك على الفاااضى .. ويرجـــع اللى بيناقشك يقولك انت فهمت غلط وبتاااع ويبقى كل ما كتبتـــه هباااءااا منثورااا للأسف ..


النقطة التااانية برده .. انك بتفكرنى بأخويااا بيقـــووول لاء وخلاص .. اى حاااجة تتقاله مش مهم انه يرد عليها او يستوعبها قد ما يهمه انه يعااااارض اللى قدااامه و ( يفحمـــــــــــــــــــــه ) هو بيكون متخيل كده يعنى

مع ان بالعكس بيطلع قدام اللى بيناقشه انه مش فاااهم اساسا وبيعااارض وخلاااص


مرة تانييية بعترف انى مش بتناااقش فى صلب المووضووع ولا جااايه اعااارضك ولا اخنق عليييك والله وبدلييل انى ياما قولتلك على النقطتييين دووول ومش بتنااقش فى صلب المووضووع لان رد زيكوو انا شااايفه انه مش فيه اى شـــتئ غير صحيح

حتى الجمله الاولى اللى انت فهمتها على ان المرشد والجمااعه هى اللى هتحكم مصــــــــــر مش مرسى هههههههههههه .. مع ان كان ممكن تفهم بشكل تااانى وده هيكووون الشكل الصحيح لفهمها


ان الاخوااان نفسهم اللى مرشحين مرسى يوم ما هيغلط هما اول الناس اللى هيقفوا يعاااارضووووه قبل اى حد

وده ان دل يدل على مصداااقيتهم واماناتهم ولا يدل على اللىانت قولته خااالص ومع ذلك دى فروق بين القراااء

فى قاااارئ بيقرأ وبيستوووعب وبيفهم صح

وقاارئ بيقرأ وبيتصيييد الجمله اللى ممكن يحور من خلالها ويطلع بخطأ ماااا


ومع الاسف احنا مش وقت اصلا لتلك المناااقشااات اللى لا بتودى ولا بتجييب يعنى كلاامك والناس اللى بيسمعولك ويقرأوولك مش هما اللى هيصلحوا البلد يعنى

ولا كلام زيكوو الاخوااان مأجرينــــه ودفعنله فلووس عشااان يدافع عنهم وكلامه بقا هو اللى هيجيييب من الاخر ... اطلاقاااا

احنا محتااين حتى لو بينك وبين حزب معين عداااء .. محتااااين اننا نحسن الظن بيهم عشان نديهم دااافع انهم يخلصوااا لينا ويعملوا فى صااالح مصر

حتى لو فرضننا ان محمد مرسى غير كفء بالرئاااسة .. فاى شخص مكااان هلو قللت من قيمته ومأمنتــــــــش بيه مش هيبقا ليه داافع انه يشتغل لكن لو حمسته وشااف منك اهتماام وايماان هيشتغل غصب عنـــــــه حتى لو هو مش كووويس


الثوااار الصح مش اللى بيقولو لا وينزلوا يهدوا ويقلبوا الدنييا وشعاارات وهتااافاات وفى الاخر فوضى وخرااب

لا الثوااار الصح اللى يقدروا يستفيدوووا من الثورة ويحققوا مكااسب لبلدهم وليهم .. >>> جمله طاازة لسا سامعاه انهاارده:9: (( منقووول :9::9::9::9:


واخيرااا .. بلييييييييييييزز متاخدش سطرين سطرين من كلامى وتتناقش معاايا فيهم مش هعرف اناقشك وبعترف بالفشل من قبل خوض هذا النقاااش اللى انا لا اعتبره نقااش اصلا

انت بس اقرااه حااول تستوعبه لو استفدت منه خير وبركه مستفدتش برده خير وبركه
تصدقى انت عندك حق فعلا :39: .. رغم انى كان عندى امل .. انه يستوعب اى شىء
لكن الظاهر فعلا كلامك وكلام الناس ليه انى اكبر دماغى منه . عندكم حق فيه . مفيش فايدة
ربنــــا يهديه بجد ويهدينــــــــا جميعــــــــا


اقتباس:
والله يا زبكووو انت اللى صعبااان عليــــــا .. تعرف !! لو قعدت من هنا للسنة الجاية تتناقش مع ماادو
مشس هتووصل لششىء اطلاقااااا
تصدقى انـــــا كمان صعبت على نفسى :21:
والله انتم صح فعلا . انا اللى غلط :9:


اقتباس:
فى قاااارئ بيقرأ وبيستوووعب وبيفهم صح
وقاارئ بيقرأ وبيتصيييد الجمله اللى ممكن يحور من خلالها ويطلع بخطأ ماااا
والله تسلمى .. عندك مليون حق ..

اقتباس:
ولا كلام زيكوو الاخوااان مأجرينــــه ودفعنله فلووس عشااان يدافع عنهم وكلامه بقا هو اللى هيجيييب من الاخر ... اطلاقاااا
ههههههههههههههههههههههه . ايـــــه ده :13:هو انا كمان . الاخوان مأجرنى :21:. ياترى يا واد يا زيكو اخد كام ازازة زيت :39::21::21:
والله ده شغل مسخره ده
:21::21:

اقتباس:
مرة تانييية بعترف انى مش بتناااقش فى صلب المووضووع
اقتباس:
بلييييييييييييزز متاخدش سطرين سطرين من كلامى وتتناقش معاايا فيهم مش هعرف اناقشك وبعترف بالفشل من قبل خوض هذا النقاااش اللى انا لا اعتبره نقااش اصلا
هههههههههههههههههههه حلوتك وانت بتعترفى بالفشل :18:
وانا اضم صوتى لصوتك . انا فاشل انا كمااااان يا خوناااااااا :912wz:
:21::21:

من الاخر انا فهمت الدرس يا ايمـــــــو .. واوعدك انه هيتنفذ . واعتزر لكل الناس اللى كانت بتنصحنى بده
وانا مكنتش بسمعلهم . رغم انى حولت كذا مرة . اننا نتناقش فى جاحات مفيده فعلا تفيد الناس ونستفيد معاهم
لكن اعترف انى انا كمان فشلت . بامتياز :9:
خلاص يا خوناا ( انا بحب بابا وماما وتوفيق عكاشه :21: )

موضوع مغلق

مواقع النشر (المفضلة)

الكلمات الدلالية (Tags)
سيحكم


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Facebook Comments by: ABDU_GO - نجوم

الساعة الآن 07:07 PM

روابط هامة
All Rights Reserved to Nogooom.com - Designed By

اخلاء مسئولية

 يخلى موقع نجوووم | منتدي نجووم مسئوليته عن اى مواضيع او مشاركات تندرج داخل الموقع ويحثكم على التواصل معنا ان كانت هناك اى فقرة ( موضوع - او مشاركة ) تتضمن اى انتهاك لحقوق الملكية الفكرية او الادبية لاى جهة - يقع عليها اى ضرر من اى شكل نتيجة استخدام الموقع بالتواصل معنا من خلال البريد الالكترونى التالى admin@nogooom.com .وسيتم اتخاذ الاجراءات اللازمة من مسح او تعديل هذه الفقرة ( موضوع او مشاركة ).

  جميع المشاركات المنشورة بالموقع لا تعبر بالضرورة عن رأى الموقع او ادارته وانما تعبر فقط عن راى كاتبها ويتحمل وحده فقط مسئوليتها تجاه اى جهة اخرى .

 إن مشرفي وإداريي منتدي نجوووم بالرغم من محاولتهم منع جميع المشاركات المخالفة، فإنه ليس بإمكانهم استعراض جميع المشاركات. وجميع المواضيع تعبر عن وجهة نظر كاتبها، ولا يتحمل المنتدى أي مسؤولية ( جنائية - قانونية ) عن مضامين المشاركات وان وجدت اى مخالفات على الجهة المتضررة التواصل مع ادارة الموقع لمسح او تعديل هذه المخالفات عن طريق البريد الالكترونى التالى admin@nogooom.com


Search Engine Friendly URLs by vBSEO