العودة   منتديات نجوم > المنتديات العامة > منتدى النقاش الجاد

منتدى النقاش الجاد خاص بالمواضيع التي تحتاج الي النقاش الجاد

الإستطلاع: هل انت مع أم ضد؟
خيارات إستطلاع
هل انت مع أم ضد؟

إضافة رد
 
LinkBack أدوات الموضوع انواع عرض الموضوع
  11 (permalink)  
قديم 2011-12-29
sc0field sc0field غير متواجد حالياً
i m Alpha and Omega
افتراضي


اقتباس:
المشاركة الأصلية كتبت بواسطة لغتى صمتى مشاهدة المشاركة
صح كدة
وانا معاك فى دة

علشان كدة رافضة الموضوع دة تماما

انا بردوا عندى سؤال

مع احترامى للديانة المسيحية

لما كل مسلمة فى مصر اتحكم عليها انها تلبس مثلا الحجاب اجبارى دة + ان ممكن لو لقا شعراية باينة من حجاب

الست المسلمة هيكون لها عقاب طبعا زى السعوديين

بالنسبة بقى للمسيحين ناوين هيعملوا معاهم اية؟

طيب فى السعودية مناعين مانعا باتا الدخول لغير المسلم

انما احنا فى مصر وكلنا مسلم ومسيحى مع بعض

ياترى هيحصل اية وازاى مش فاهمة
تسمحيلى ارد على النقطه دية .
اولاً الحجاب على المسلمات ,,, المسلمون مش هيمشو فى الشارع يضربو او يغصبو المراءه على الحجاب ,,, ولكن ترك المراءه للحجاب فهذا من المعاصى و لها التوبه ويغفر الله لمن يشاء ,,, ولا اعلم بعقوبة او حد على المراءه الغير متحجبه ولكن الحجاب عفة ورضا من الله للمراءه المسلمه ,,, قال الله تعالى: فَلْيَحْذَرِ الَّذِينَ يُخَالِفُونَ عَنْ أَمْرِهِ أَنْ تُصِيبَهُمْ فِتْنَةٌ أَوْ يُصِيبَهُمْ عَذَابٌ أَلِيمٌ {النور: 63} ,,,
ده فى حال مخالفة امر الله . وقد قال الله عز وجل وَلَا تَبَرَّجْنَ تَبَرُّجَ الْجَاهِلِيَّةِ الْأُولَى. وقال: يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ {الأحزاب: 59}

بالنسبه للمسيحين ,,, تختلف من دوله الى اخرى اولا السعودية محرم فيها المسيحين فى اماكن معينه والاماكن المقدسه ,,, باقى الولايات السعوديه بداخلها اجانب كثير والكثير ولكن كل ما يختلف انهم يلتزمون بقوانين الدوله وده شئ يحترم انا بحترمه فى السعودية .
بالنسبه لتطبيق هذا الكلام على المسيحين فهم يحكمو بدينهم ونحكم الدوله بالشريعه الاسلاميه .
لن يفرض عليهم ,,, وهناك مشايخ كثيره يتحدثون فى هذه النقطه مثل الحجاب والجزيه والى اخره حتى لا تثير افكار خاطئه فى ذهن الاخر ,,, ويجعل من ذلك عقبه ويزداد الكلام على الدين ,,, و الاسلام يسر وليس عسر .
تقبلى مرورى

رد مع اقتباس
  12 (permalink)  
قديم 2011-12-29
Maloka Ali Maloka Ali غير متواجد حالياً
Kan Asmoo Habeby‎‏‏‎
افتراضي


بصى يا ريمو انا ممكن اكون معاهم فى بعض حاجات بس برضه مش فرض قوه وعضلات
المشكله انك تلاقى كل من هب ودب بيقولك امر بالمعروف ومن راى منكم منكرا فيغيره بيده
وتكون مهازل فالشارع للبنات علشان الحجاب والصلاه
واى واحد بقى اخوان معدى ومش عجبه تصرف من حد بالتالى الضرب هيكوت
اول شى ويقولك الحديث الشريف بيقول كده
الأمر بالمعروف و النهى عن المنكر شىء عظيم مختلفناش و كلنا سلف و كل مسلم ماشى على كتاب الله و على سنة رسوله الكريم و الصحابه والتابعين و تابع التابعين بس المشكله ان مين هيامر بالمعروف وينهى ده السوال؟؟
رد مع اقتباس
  13 (permalink)  
قديم 2011-12-29
افتراضي

انك لا تهدى من احببت ولكن الله يهدى من يشاء
رد مع اقتباس
  14 (permalink)  
قديم 2011-12-29
افتراضي

نصلح انفسنا الاول
وبعدين نامر غيرنا بالمعروف ومش هيكون فيه منكر


هاااهاااها
رد مع اقتباس
  15 (permalink)  
قديم 2011-12-29
افتراضي

انا ضد الموضوع ده
لان الصراحة كل واحد عارف مصلحتوا فين
وبعدين عندنا الهيئات هنا بتشوف اي ولد ماشي مع اي بنت حتى ولو كانت اختوا بيفضل يجري وراهم وحورات كده فكسانة
وبيفهموا حاجات غلط
وبعدين ع فكره في ناس في السعودية مش بتلبس الحجاب ومش لازم تلبسوا عادي بيخرجوا من غير حجاب ومش كل السعودية لابسه حجاب
يعني في الاخر هيئات الأمر بالمعروف والنهي عن المنكر مالهاش لازمة
والصراحة يعني أنا ما شوفتش أي واحد خالص من ساعة اما روحت السعودية الحمد لله:1:
الحجات اللي انا بقولهالكوا ديه كلها مواقف حصلت مع اصحابي :4:
رد مع اقتباس
  16 (permalink)  
قديم 2011-12-29
مصطفى ابراهيم مصطفى ابراهيم غير متواجد حالياً
:: مشرف القسم الادبى ::
افتراضي

الامر بالمعروف والنهى عن المنكر خلااص بقت موجود يا ست البنات
أولااا أنا مش فاهم ايه محل اعرابها أساس من الدين الاسلاامى
أولا عمر ما كان فى الكلاام دها أيام الرسول عليه الصلاة والسلااام
ثانيا ده بيقول اننا عملنا هو المراقبه الى انا عاوز أفهمها هل يا ترى مراقبتك
لاختى وامى وخالتى وقرايبى دها حلااال لما تراقيبهم وهما ماشين فى الشارع
عشان يا عينى تحمهيم دها أنا المفروض اخاف عليهم منك انت أصلااا
ثم انك بأى حق تراقب الناس الى مشى فى الشوارع وعلى أى اساس
وايه اثباتك الدينى ماهو احنا بقت تكيه ومفتوحه كل واحد يعمل الى يعجبه

وكمان بدا الكدب من اولها يا أخوانا حزب النور قال اننا بريئون براءة الذئب من دم ابن يعقوب من
تلك الهيئه طلعت الهيئه ورديت انها اتعملت أساسا بطلب منهم وبتمويل منهم وياترى من الكداب
فيهم يا سلااام على الدين يا اخوانا وبصراحه وفى حاجه كتبتها بعد الموضوع دها وبجد بتعبر عنى أنا






أخى لاتفرح



سعى الجميع بغية حكمنا.
تعللوا بفقدننا أخلااقنا وديننا.
أنسوا فعالنا وأفضالنا ؟
ام كانوا فئران فى الجحور
على مرأى مننا؟
أم كانو عبيد لخوفهم
من المستأسدين على قومنا؟
أصاروا الان أسود واحرار
وصاروا يعرفون أكثر عننا؟
تروى الشوارع دمائنا وتنزف
أعين أمهاتنا.
اشتد الليل ظلااما فأين
النور يا شموعنا؟
توجهت نيران الظلاام وأحرقتنا
فأين أنتم ياأخواننا؟
طال السواد قلوبنا وزادت
الكتله سوادنا؟
قال الوفد قلت بئس حظنا.
انهم جميعا نسونا وطمع
فى ثروات بلدنا
أرادوا أن يملكوا
ونسوا ما أمرنا به ْْْْْإلهنا
وأها من ثورات الغضب القادمه
ستلتهمكم قبلنا.
والله ليس لنا الان غير ربنا.
رد مع اقتباس
  17 (permalink)  
قديم 2011-12-29
MaDoO MtM MaDoO MtM غير متواجد حالياً
فيلسوف بعد الضهر
افتراضي

خلاصه اللجنه دي
" اي واحده ماشيه بشعرها - لبس ضيق او خارج - واحد ماشي في الشارع وقت الصلاه ( مش عارف بيشوفوه ازاي و هما المفروض يكونوا بيصلوا هما كمان ) - محل فاتح وقت الصلاه "
حاجات من دي مثلا
الاول بيعدوا معاه المفروض و يعرفوا الاسباب و لو مفيش سبب مقنع بيتم معاقبته
مثلا مثلا لو واحد فاتح محل قبل الصلاه بتلت ساعه المفروض يكون مقفول بيتعمله انذار و التاني و المره التالته بيعد 24 ساعه في السجن لو اتكررت بيدفع غرامه و بيتسجن ممكن يومين كدا ده في السعوديه :d
انا شايف ان اللجنه دي فاااااااااااااااااااااااكس
لاكتر من سبب
1- كانت فين ايام الرسول او الصحابه او او او !؟
2- مش تنفع في مصر لان مصر فيها مسلم و مسيحي دي نقطه
النقطه التانيه حتي لو انا مسلم انا استغفر الله العظيم الصلاه برده مش اجباري !؟
ازاي تجبرني اني ادخل اصلي ازاي تجبر واحده علي لبسها اولا انا ضد اللجنه دي
و لكن بتمني ان الناس كلها تعمل كدا بس من غير لجنه و لا بتاع يعني الكل يلتزم بأوامر الاسلام
من غير اي حاكم او رابط عليه .
انا شوفت الحلقه دي بالصدفه امبارح بما اني مش بشوف تي في مش بحبه اصلا هههههههههه
لميس الحديدي تقريبا ده اسمها انسانه زباله اوي و ده رأيي فيها حسيت امبارح انها مش بتتكلم عن اللجنه حسيت انها بتولع الدنيا و خلاص واحده فوق الخمسين سنه طالعه تقدم اي حوار يشغل الناس و يولع و تتهم ده و تتشاكل مع ده و بس بقد انا احتقرتها اكتر ما كنت بحتقرها و الموضوع كله فاكس علي بعضه و مكنش يستاهل الضجه اللي اتعملت كلها في التي في عليه .

انا اخترت لا اوافق و كنت متوقع الكل يكون موافق لاقيت الكل لا يوافق بجد فرحت ههههههههه
نايس توبيك :)
رد مع اقتباس
  18 (permalink)  
قديم 2011-12-30
mohamed kama mohamed kama غير متواجد حالياً
:: مشرف القسم الاخبارى ::
افتراضي

انتهاء معركة صفحة "الأمر بالمعروف والنهى عن المنكر" بإغلاقها







الفيس بوك


احتفلت صفحة "مجموعة البحث عن هيئة الأمر بالمعروف بالشارع لضربها بالجزمة " على الفيس بوك بغلق صفحة " الأمر بالمعروف والنهى عن المنكر "على الفيس بوكى واعتبروا قيام إدارة المكون الاجتماعى بغلق الصفحة بعد طلب ذلك من عدة آلاف من المشتركين عن طريق "الريبورتزى نجاح لهم فى مقابل ما اعتبروه" غزو وهابى" لمصر فى إشارة إلى دعوة القائمين على الصفحة بتبنى الفكر الوهابى ومحاولة نشره فى ربوع مصر.

وتوعد مشتركو الصفحة الذين قارب عددهم 6 آلاف مشترك بغلق أى صفحات أخرى تأخذ من النهج والفكر الوهابى سبيلا لها وقال أحد المشتركين "يلا نفضح المخطط الوهابى على مصر "وقال آخر " أدعو الله أن ينجى مصر من تجار الدين مدعى السلفية".


فى الوقت نفسه أرسل مسئولو الصفحة رسالة إلكترونية عممت على عدد من الصحف والمواقع الإلكترونية أكدوا فيها إغلاق صفحتهم على الفيس بوك، وأوضحوا أن قرارهم جاء بعد تخلى حزب النور عنهم وإنكاره علاقتهم به.


وقالوا فى رسالتهم بعد أن تخلى عنا حزب النور وأنكر علاقته بنا قررنا نحن القائمين على أمر الصفحة إغلاقها مفوضين أمرنا إلى الله عز وجل – سنتواصل معكم لإمدادكم بجميع الرسائل التى وردت إلينا ربما تفيدكم فى معرفة توجه المجتمع المصرى مستقبلاً".


وكان مسئولو حزب النور قد تبرأوا من صفحة "هيئة الأمر بالمعروف والنهى عن المنكر"وأكدوا عدم صلتهم بها، مشيرين إلى أن موقفهم من تغيير المنكر لم يتغير وهو أن هذا الأمر يضطلع به الحاكم دون غيره.


على نفس الصعيدى زعم مسئولو صفحة "جيش أهل السنة الإلكترونى" اختراقهم لصفحة "الأمر بالمعروف والنهى عن المنكر" وإيقافها عن العمل، وأكدوا أن إقدامهم على هذا العمل يأتى لرفضهم اختراق الفكر الوهابى لمصر التى يشتهر شعبها بأنهم أهل السنة.


وصاحب إنشاء صفحة الأمر بالمعروف والنهى عن المنكر احتجاجات واسعة المدى وحالة كبيرة من السخط من قبل القوى السياسية وبعض الرموز الدينية الذين رفضوا فكرة استخدام القوة فى الحض على المعروف أو النهى عن المنكر، كما هو معمول به فى المملكة العربية السعودية، وتواصلت على الإنترنت كتابات فردية و«مجموعات» تحذر من مغبة إنشاء هيئة قد تتطور إلى شرطة دينية فى مصر، وتصبح دولة داخل الدولة، بما يفتح الباب للتدخل بلا ضوابط فى حياة الناس الخاصة، ويؤدى إلى حرب أهلية.. وقال مسئولو الصفحة التى تجاوز عدد أعضائها المشاركين بها 2000 عضو فى يومين فقط "إنهم سلفيون" ووضعوا شعار حزب النور السلفى فى الصفحة، كما فتحوا الباب أمام أى راغب فى الانضمام للهيئة.


وسارع كل من حزب النور والدعوة السلفية بنفى أى صلة لهما بالصفحة أو القائمين عليها، ولكن رد عليهم مسئولو الصفحة بالتهديد بكشف ما يثبت علاقتهم بالصفحة.


وأكد محمد نور القيادى بحزب النور السلفى أن محاولات تشويه الأحزاب السلفية لم تتوقف منذ ظهورهم على المسرح السياسى، وهى تزداد كلما حققنا نتائج طيبة، معتبرا أن توقيت إعلان الصفحة جاء قبيل المرحلة الثالثة والأخيرة للانتخابات، لإخافة الناس من حزب النور والتحالف السلفى، باعتبارنا سنتحكم فى مصائر الناس بالقوة، ونتدخل فى شئونهم الخاصة، على الرغم من أننا نعلن طوال الوقت أننا نتبع منهج رسولنا فى الدعوة بالكلمة والموعظة الحسنة.


لكن مشرفى الصفحة أصدروا بيانين لاحقين، زعموا فيهما تورط «النور» و«الدعوة السلفية» فى دعم الفكرة، ووعدوا بكشف تفاصيل ذلك للرأى العام، كما وعدوا بأن تستمر المبادرة، حتى لو تخلى النور والسلفية عنها ومع ذلك فإنهم لم يعلنوا أبدا أية أدلة على زعمهم بوجود علاقة بينهم وبين السلفيين سواء حزب النور أو غيره فضلا عن أنهم لم يستمروا بعد تبرؤ النور والدعوة السلفية منهم.


وفى المقابل دشن شباب صفحة إلكترونية مضادة لدعوة إنشاء هيئة الأمر بالمعروف والنهى عن المنكر، وحمل الجروب عنوان «مجموعة البحث عن هيئة الأمر بالمعروف والنهى عن المنكر لضربها».. وصرح مؤسسو الجروب بأنها أنشئت ردًا على قيام حزب النور أو أنصاره بتشكيل هيئة تنتهى بشرطة دينية.


وأعلن أصحاب الجروب عدم اعترافهم بأى تشكيل أو جماعة أو حزب أو مؤسسة دينية سوى الأزهر الشريف، والتعامل مع تلك الهيئة باعتبارها تشكيلاً شبه عسكرى يدعمه أو يموله بعض الأحزاب والدول الأخرى، التى تسعى لتفتيت وتشويه مصر، والاحتفاظ بالحق القانونى فى مقاضاته، وفى حال تقاعس الدولة عن التعامل معه ستتم مواجهته بتشكيل مماثل والرد عليه بعنف.


وهدد الجروب بأنه «إذا كان أحدكم على استعداد لأن يستشهد فى سبيل الله من أجل نصرة دينه، فالأحرى بجميع المسلمين أن يستشهدوا أيضًا من أجل نصرة قيم الحق والعدالة التى يريدها الله».










رد مع اقتباس
  19 (permalink)  
قديم 2011-12-30
Mohamed Gamal Mohamed Gamal غير متواجد حالياً
[τ][є][м][σ]
افتراضي

ههههههههههههه
مادو افضل رد
رد مع اقتباس
  20 (permalink)  
قديم 2011-12-30
MaDoO MtM MaDoO MtM غير متواجد حالياً
فيلسوف بعد الضهر
افتراضي

اقتباس:
المشاركة الأصلية كتبت بواسطة mohamed gamal مشاهدة المشاركة
ههههههههههههه
مادو افضل رد
ههههههههههههههههههههههه
تسلم يا معلم بتحرجني دايما بزوقك :1:
رد مع اقتباس
إضافة رد

مواقع النشر (المفضلة)

الكلمات الدلالية (Tags)
مع, ام, انت, ضد؟


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Facebook Comments by: ABDU_GO - نجوم

الساعة الآن 07:52 PM

روابط هامة
All Rights Reserved to Nogooom.com - Designed By

اخلاء مسئولية

 يخلى موقع نجوووم | منتدي نجووم مسئوليته عن اى مواضيع او مشاركات تندرج داخل الموقع ويحثكم على التواصل معنا ان كانت هناك اى فقرة ( موضوع - او مشاركة ) تتضمن اى انتهاك لحقوق الملكية الفكرية او الادبية لاى جهة - يقع عليها اى ضرر من اى شكل نتيجة استخدام الموقع بالتواصل معنا من خلال البريد الالكترونى التالى admin@nogooom.com .وسيتم اتخاذ الاجراءات اللازمة من مسح او تعديل هذه الفقرة ( موضوع او مشاركة ).

  جميع المشاركات المنشورة بالموقع لا تعبر بالضرورة عن رأى الموقع او ادارته وانما تعبر فقط عن راى كاتبها ويتحمل وحده فقط مسئوليتها تجاه اى جهة اخرى .

 إن مشرفي وإداريي منتدي نجوووم بالرغم من محاولتهم منع جميع المشاركات المخالفة، فإنه ليس بإمكانهم استعراض جميع المشاركات. وجميع المواضيع تعبر عن وجهة نظر كاتبها، ولا يتحمل المنتدى أي مسؤولية ( جنائية - قانونية ) عن مضامين المشاركات وان وجدت اى مخالفات على الجهة المتضررة التواصل مع ادارة الموقع لمسح او تعديل هذه المخالفات عن طريق البريد الالكترونى التالى admin@nogooom.com


Search Engine Friendly URLs by vBSEO