العودة   منتديات نجوم > المنتديات الإسلامية > المنتدي الاسلامي

المنتدي الاسلامي خاص بكل ما يتعلق بديننا الاسلامي من خطب ومحاضرات واناشيد وصور اسلامية

إضافة رد
 
LinkBack أدوات الموضوع انواع عرض الموضوع
  1 (permalink)  
قديم 2011-09-09
kitty kitty غير متواجد حالياً
كبار الشخصيات
افتراضي قصة الشيطان & الملاك




الشيطان:
آه في شاب خارج من المسجد اهو ....
ازاي فلت من ايدي ؟!
انا لازم اروح له و ابوظ كل الخير اللي عمله النهاردة

الملاك: حرام عليك...دة شكلوا شاب مستقيم
سيبه في حاله و ما تفسدوش

الشيطان: لا انا لازم أفوز بيه ،
انا لازم اغويه ،
أنا لازم أضمه للي أغوتهم النهاردة ..
أومال حروح أقول إيه للكبير النهاردة ؟

لازم اكون أشطر و أنشط شيطان في الشياطين


تمر في الشارع فتاة بجوار الشاب

يوسوس الشيطان للشاب قائلا :
بص يا ابن آدم المزة اللي معدية دي
إيه دة هو فيه جمال كده ؟!
ما تيجي تتلحلح وتعاكسها
كمان عشان تثبت رجولتك قدام الشباب اللي قاعدين على القهوة هناك
دة فيهم حمادة جارك ،
لازم تثبت إنك واد ملحلح ومانتاش خيبة زي ما بيقولوا عليك

الشاب : آه فعلا ، أنا لازم أوريهم إن انا زيي زيهم وما حدش منهم احسن
مني

الشيطان : يا سلام أدينا حنكسب أهو
الملاك : لا يا ابن آدم ما توديش نفسك في داهية
إنت مش عارف إن المعاكسة حرام ؟!
إنت مش عارف إن مجرد النظرة لوحدة غريبة عنك حرام
إنت ما سمعتش رسولك الكريم صلى الله عليه وسلم وهو بيقول :

" إن العين تزني وزناها النظر ، و الأذن تزني وزناها الاستماع ،
و اليد تزني وزناها البطش ، والرجل تزني وزناها المشي ،
و اللسان يزني وزناه الكلام ، و القلب يهوى و يتمنى ،
و الفرج يصدق ذلك او يكذبه "

و بعدين ليه تضيع صلاتك ؟!
ده أنت لسه مصلي في المسجد يعني جماعة
والرسول صلى اللع عليه وسلم قال :

" صلاة الجماعة تعدل صلاة الفذ بسبع و عشرين درجة "
يعني صلاة الجماعة تساوي 27 صلاة ليك لوحدك
عايز تضيع أجر 27 صلاة ؟!
إنت ماتعرفش إن

" من لم تنهه صلاته عن الفحشاء و المنكر فلا صلاة له "
الشاب : صدق رسول الله صلى الله عليه وسلم
أنا مش لازم أبص للبنت دي ، أنا مش لازم أضيع صلاتي
ومش مهم بقى نظرة حمادة وأصحابه ليا
هما يعني حينفعوني يوم القيامة لما أقف بين يدي الله عز وجل و يحاسبني
؟!
والله يومها ماحدش حينفعني
دة يوم صعب وماحدش حينفع حد

يَوْمَ يَفِرُّ الْمَرْءُ مِنْ أَخِيهِ {34} وَأُمِّهِ وَأَبِيهِ {35} وَصَاحِبَتِهِ وَبَنِيهِ {36}) وقال في سورة المعارج (يُبَصَّرُونَهُمْ يَوَدُّ الْمُجْرِمُ لَوْ يَفْتَدِي مِنْ عَذَابِ يَوْمِئِذٍ بِبَنِيهِ {11} وَصَاحِبَتِهِ وَأَخِيهِ {12} وَفَصِيلَتِهِ الَّتِي تُؤْويهِ {13} وَمَن فِي الْأَرْضِ جَمِيعاً ثُمَّ يُنجِيهِ {14}
الملاك : صح .. تمام يا ابن آدم
مش لازم تمشي ورا شهواتك ،
لازم تقاوم عشان تفوز برضا ربك

الشيطان : أخ ... طلعت آوت
أهو كان ناوي برضه .. يعني خد الذنب خد الذنب

الملاك : مين قالك ؟ إنت ماتعرفش إن ربك كريم ؟
إذا نوى ابن آدم القيام بالسيئة وماعملهاش كتبت له حسنة
أما لو عملها كتبت له سيئة واحدة

الشيطان : فعلاٌ معاك حق .. خسرت أنا المرة دي

يمر الشاب على رجل فقير يسأل الله

فيقول لهالملاكناصحاٌ : يااه .. ده راجل غلبان أوي
قاعد في الشارع يسأل الله.
ومش لاقي بيت يأويه ،
ولا لبس كويس يكسيه ،
ولا حتى اللقمة اللي تغذيه.
يا سلام لو تتبرع يا ابن آدم باللي تقدر عليهز
إنت ماتعرفش إن "صدقة السر تطفئ غضب الرب"؟
يعني لو كنت عملت اي ذنب وربنا غضب عليك الصدقة تطفى الفضب دة
و "الحسنات يذهبن السيئات"

الشاب : آه فعلاٌ انا لازم اتصدق بأي شئ معايا
الشيطان : تتصدق بإيه ؟ و إنت حيلتك حاجة يا مسكين ؟
ده انت حالك يصعب على الكافر ،
ده انت شرابك مقطوع ،
و كل اللي في جيبك 2 جنيه ،
حتديله إيه ؟ و يتفضل معاك إيه ؟
و حتعمل بيهم إيــــــــــــــــــــــه ؟
أديك عرفت مكانه ، هو بيقعد هنا كل يوم
لما يبقى معاك فلوس ابقى تعالى واديله

الشاب : فعلاٌ إن شاء الله لما يبقى معايا فلوس حبقى آجي أديله
الشيطان : آه .. أيوة كده .. أديني كسبت
الملاك : غلطان يا شيطان
مين قالك انك كسبت ؟!
إنت ماتعرفش إن ابن آدم إذا نوى إنه يعمل حسنة وماعملهاش تتكتب
له حسنة
وإن عملها تتكتب له عشر حسنات
وإنت حتعرف منين يا غلبان ؟!
ما انت ماسمعتش رسول الله محمد صلى الله عليه وسلم
وهو بيقول عن رب العزة عز وجل

"قال الله عز وجل : إذا همّ عبدي بحسنة ولم يعملها كتبتها حسنة ،
فإن عملها كتبتها عشر حسنات الى سبعمائة حسنة ضعف ،
وإذا هم بسيئة ولم يعملها لم اكتبها ،
فإن عملها كتبتها سيئة واحدة"

الشيطان : يعني برضه خسرت!
كده 0/2 يا ملاك
بس انا مش بيأس ، ومش بستسلم ، إنت ما تعرفنيش ولا إيه ؟ ده انا
ابليس


يرى الشاب امرأة عجوز تريد أن تعبر الطريق

يقول الملاك : روح
خد بإيدها وساعدها ،
عديها ينوبك فيها ثواب

يهم الشاب لمساعدة المرأة
فيقول الشيطان : لأ ، استنى ..
رايح فين ؟
إنت مش عندك درس دلوقتي ،
إنت كدة حتتأخر على الدرس ،
وإنت السنة دي ثانوية عامة ولازم تنجح
وما تضيعش أي دقيقة من وقتك

الشاب : آه فعلاً أنا كدة حتأخر على الدرس
الملاك : يا ابن آدم ده مش حتاخد دقيقة ..
بقى تستخسر في نفسك دقيقة تزود بيها حسناتك من غير اي تعب او مجهود

الشاب : بس الدرس..
الملاك : ماجتش على دقيقة.
وبعدين :"إن الله لا يضيع أجر من أحسن عملاً"
وبعدين افرض إنك روحت الدرس في ميعادك ،
مش يمكن الأستاذ هو اللي يتأخر ؟
مش يمكن يلغي الدرس النهاردة ؟
ترجع تندم !
يا ابن آدم توكل على الله ، ده يوم القيامة صاحب الحسنة يقول ياريتني
كترت ،
و صاحب السيئة يقول ياريتني ما عملت

الشاب : معاك حق .. انا لازم أساعدها
ويساعد الشاب المرأة العجوز على عبور الشارع ثم يمضي في طرقه
الى الدرس
الشيطان : لاااا .. دي مش طريقة دي
بقى الشاب ده ياخد 12 حسنة على الأقل وأنا واقف مش عارف اعمل أي
حاجة ؟!
أنا لازم أفضل وراه لحد ما ياخد 120 سيئة بدل الــــــ 12 حسنة دول.

ويفضل الشيطان ورا الشاب عاوز يوقعه في المعصية ، ويفضل الملاك برضه وراه عاوز ينجيه منها


منقول

اتمنى ان اكون قد افدتكم

__________________
:4:
رد مع اقتباس
  2 (permalink)  
قديم 2011-09-09
hamoodi hamoodi غير متواجد حالياً
عضو
افتراضي

والله قصة حلوه جداً
وافضل مقطع فيها هو دا


تمر في الشارع فتاة بجوار الشاب

يوسوس الشيطان للشاب قائلا :
بص يا ابن آدم المزة اللي معدية دي
إيه دة هو فيه جمال كده ؟!
ما تيجي تتلحلح وتعاكسها
كمان عشان تثبت رجولتك قدام الشباب اللي قاعدين على القهوة هناك
دة فيهم حمادة جارك ،
لازم تثبت إنك واد ملحلح ومانتاش خيبة زي ما بيقولوا عليك

الشاب : آه فعلا ، أنا لازم أوريهم إن انا زيي زيهم وما حدش منهم احسن
مني

الشيطان : يا سلام أدينا حنكسب أهو
الملاك : لا يا ابن آدم ما توديش نفسك في داهية
إنت مش عارف إن المعاكسة حرام ؟!
إنت مش عارف إن مجرد النظرة لوحدة غريبة عنك حرام
إنت ما سمعتش رسولك الكريم صلى الله عليه وسلم وهو بيقول :

" إن العين تزني وزناها النظر ، و الأذن تزني وزناها الاستماع ،
و اليد تزني وزناها البطش ، والرجل تزني وزناها المشي ،
و اللسان يزني وزناه الكلام ، و القلب يهوى و يتمنى ،
و الفرج يصدق ذلك او يكذبه "

و بعدين ليه تضيع صلاتك ؟!
ده أنت لسه مصلي في المسجد يعني جماعة
والرسول صلى اللع عليه وسلم قال :

" صلاة الجماعة تعدل صلاة الفذ بسبع و عشرين درجة "
يعني صلاة الجماعة تساوي 27 صلاة ليك لوحدك
عايز تضيع أجر 27 صلاة ؟!


بس والله فيه سؤال محيرني هل القصة حقيقية

رد مع اقتباس
  3 (permalink)  
قديم 2011-09-09
اسامه دنانه اسامه دنانه غير متواجد حالياً
.:: الاب الروحى لمنتديات نجوم ::.
افتراضي

تسلم الايـــــــــــادى
__________________
رد مع اقتباس
إضافة رد

مواقع النشر (المفضلة)

الكلمات الدلالية (Tags)
&, الملاك, الشيطان


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
حقائق عن عبدة الشيطان حودة منتدى القصص والروايات والمقالات والمدونات الشخصية 0 2011-08-26 08:43 PM


الساعة الآن 08:28 PM

روابط هامة
All Rights Reserved to Nogooom.com - Designed By

اخلاء مسئولية

 يخلى موقع نجوووم | منتدي نجووم مسئوليته عن اى مواضيع او مشاركات تندرج داخل الموقع ويحثكم على التواصل معنا ان كانت هناك اى فقرة ( موضوع - او مشاركة ) تتضمن اى انتهاك لحقوق الملكية الفكرية او الادبية لاى جهة - يقع عليها اى ضرر من اى شكل نتيجة استخدام الموقع بالتواصل معنا من خلال البريد الالكترونى التالى admin@nogooom.com .وسيتم اتخاذ الاجراءات اللازمة من مسح او تعديل هذه الفقرة ( موضوع او مشاركة ).

  جميع المشاركات المنشورة بالموقع لا تعبر بالضرورة عن رأى الموقع او ادارته وانما تعبر فقط عن راى كاتبها ويتحمل وحده فقط مسئوليتها تجاه اى جهة اخرى .

 إن مشرفي وإداريي منتدي نجوووم بالرغم من محاولتهم منع جميع المشاركات المخالفة، فإنه ليس بإمكانهم استعراض جميع المشاركات. وجميع المواضيع تعبر عن وجهة نظر كاتبها، ولا يتحمل المنتدى أي مسؤولية ( جنائية - قانونية ) عن مضامين المشاركات وان وجدت اى مخالفات على الجهة المتضررة التواصل مع ادارة الموقع لمسح او تعديل هذه المخالفات عن طريق البريد الالكترونى التالى admin@nogooom.com


Search Engine Friendly URLs by vBSEO