عمرو أديب : انفلونزا الخنازير ها تخدها ها تخدها !!!!

[العمدة2]

عمرو أديب : انفلونزا الخنازير ها تخدها ها تخدها !!!!


التأجيل الى يوم 3 اكتوبر ليس آخر الاحداث فى أزمة الدراسة وخطر انفلونزا الخنازير ، بل ان هناك مرات توقف كثيرة هذا العام لمدارس كاملة وفصول دراسية بسبب انفلونزا الخنازير ، هكذا اكد عمرو اديب فى مستهل برنامج القاهرة اليوم وهو يعلق على خبر تأجيل الدراسة فى الجامعات والمدارس لمدة أسبوع .

اضاف ان هناك الكثير من الاقتراحات كبديل للدراسة بالمدارس مثل الانترنت والقنوات التعليمية ، وتقديري ده كله كلام لسد الخانات ، يعنى انت مش عارف تعلم فى المدرسة هتعلم على النت ؟ !!

احنا كلنا بنتكلم فى الموضوع بشكل غلط ، لكن هى جاية جاية ..أنفلونزا الخنازير قادمة وهتاخدها من عمرة او من الشارع او المترو او القهوة هى قادمة ...

تأجيل الدراسة اسبوع يعطيك الفرصة لتستعد اكثر وتوقعاتى انهم هيمدوها ، لكن هل الثقافة الاجتماعية تساعد على هذه المواجهة ؟ لكن ممكن ييجى وقت ان معامل الجامعات ستبدأ فى التحاليل وهناك مطالبة بعلاج الناس فى البيوت .

وماذا لو اصيب اى وزير ؟ هيقعد فى البيت لمدة اسبوع .. لكن الاخطر ان هناك نوع من التكالب على استيراد التاميفلو ، لكن رأيي ان الفاكسيل سيضربه فى مقتل ، وبدأوا يوزعو 56 مليون منه ، وعندنا فرصة لاستيراده وهو اللى هيحل المسألة وهتبقى انفلونزا الخنازير زى نكتة تتفرج عليها كده .

المشكلة ان مجتمعنا غير منظم وهنبدأ نشوف الوسايط فى هذا الموضوع ، وهناك كلام ان وزارة الصحة حددت الفئات التى ستوزع عليها الادوية ، ولكن لازم تكون فيه مساواة فى معاملة الناس كلها ، والمساواة فى الظلم عدل ولو كلنا مالناش تاميفلو وهنموت على ارضك يامصر ، فلة شمعة منورة لكن بدون مساواة تحدث كارثة .
والناس لن تفهم الوضع الصعب اللى احنا فيه الا لما الكارثة تحصل ...
فى 73 اوقفت الدراسة ولم يتأثر مسار الحياة ، ياسيدى طول الدراسة شهر والضرورات تبيح المحظورات

[نوفا]

انتا قلت حاجه حلوه

احنا في المدارس مش عارفين نعلم العيال حنعلمهم على النت


بس انا برضو مفهمتش يعنى انتا دالوقتى مع ان المدارس تتقفل ولا عملو اكتر من كده دول قالولك بلاش حج السنادى عشان المرض ده

المرض انتشر بصوره مريعه انا معاااك وده ابتلاء من ربنا وخلاص المرض وصل لكل مكان بس معنى ده اننا نوقف الحياه الديراسيه والاجتماعيه وخلاص نقعد بالبيوت


انا افتكرت ايه مش حفظاها لكن عارفه معناها والي بيقول فيها ربنا الكريم

ان الموت سياتينا لو كنا في بروج مشدده
ده لو مكتوب علينا الموت


ولو ربنا كاتب لينا اننا نصاب بالمرض د يبقى خلاص مفيش اي حد ولا اي وسيله تمنع قدر ربنا

حتقلي ناخد بالاسباب وربنا قلنا اننا ناخد حزرنا والكلام ده

حقلك انا معاااك

بس ربنا مقلش اننا نعطل الدراسه ونقضي على عقول نااااس وجيل كامل وبرضو ده مش حيحل مشكله المرض ده

تمام ولا ايه


؟؟؟


عمده بجد انا من اكتر المعجبين في مواضيعك بتنتقيها باسلوب بجد يستفز الواحد ويشدو لقراه الموضوع للاخر والوقوف عند كل كلمه في بجد

ربنا يكرمك يا رب وميحرمناش من موضويعك ولا الجديد الي بتنورنا بيه


تقبل مروري وسوري للاطاله