العودة   منتديات نجوم > المنتديات العامة > منتدى النقاش الجاد

منتدى النقاش الجاد خاص بالمواضيع التي تحتاج الي النقاش الجاد

إضافة رد
 
LinkBack أدوات الموضوع انواع عرض الموضوع
  1 (permalink)  
قديم 2010-12-04
كرامتنا متهــانة واللقمــة بإهَــانة .. بتخلفيـنا ليــه لما إنتى كارهـانا؟؟



شــعور سخــيف إنك تحس بإن وطـنك شئ ضعيــف
.. صوتك ضعيف .. رأيك ضعيف
إنك تبيع قلبك وجســمك وإنك تبيع قلمك وإسمك ..و ميجيبوش حق الرغيــف
سألو جحا عن ســر ضحكه .. قالك أصـل اتنين وشبكوو
إالى كان من تحت ميــت والى كان من فوق كـفيف
دا شـعوووور ســخيــفْ
وشــعوور سخيف .. إنك تكون رمز الشحـاتة .. تبنى مبنى للشحـاتة
تعمل وزارة للشحــاتة
يا سـاقية دورى عدي فوقى ودوسى .. نصبوا عليا وشحتونى فلوسي
ربطونى بيكي حتى ما أتغميـت .. هما الى فرحوا ووحدى انا اتغميت
وأنا الى صـَـاحب البيــت
عايش بدون لازمة .. ولما مرة شكيت إدونى بالجزمة
مش لاقى تطفـح ي ديــك .. هتولنا ودولنا ودونا وجيبونا هنجيب منين نديـك
طافح يا بلدى غدايا ولوعتى غدايا .. وأدى الاحبة التقـوا عدايا
انا الى زارع الدهب بتأكليني سبــاخ .. وان كان دا تقـل ودلع بكفـاية دلعك بـاخ
لا شوفت فيكي هنا ولا شوفت فيكي ترف .. كل الى فيكي قرف
كرامتنا متهــانة واللقمــة بإهَــانة .. بتخلفيـنا ليــه لما إنتى كارهـانا؟؟
يعنى ايه تبقى انتى هبة النيل ي بوبا .. وكل يوم المية تقطع
يعنى ايه لما أشتكى غلو الفاتورة .. يقولو تشكى بس تدفع
لما قش الرز ثروة بتتحرق .. وأما نفط الأمة ثروة بتتســرق
ولما جلادك ع ولادك بيبطـُـشْ ولما علمك ميلاقيش يـاكل هيطفش
يعنى ايه نرفع ايدينا للسـلام لاجل الغزاه
ويعنى ايه لما اكون ماشى ف حالى اتشد اشتباه
يعنى ايه لما اتحبس أربع سنين حبس إحتيـاطى .. حبس إعتبـاطى
يعنى ايه مش حاسة بالعمر وغلاوته بتصبـي مـُر العمر ليه دا انا كنت هوهب لك حلاوته
انا عـُـمري ما أتأمرت ولا حطيت شروطى .. ومكان ما ترسى مركبك ببنى شطوطي
دا انا كنت جيشك لما مماليكك باعوكى .. وكنت يوسف لما عشتي سنين عجــاف
وضلوعى دى الى ف معركة قادش حَـاموووكي ..وشفايفى دى الى مبطلتش ف يوم هتاف
انا كل شبر ف ارضك اتمرمغت فيه .. وكل يوم عشـرين قلم عذبنى بيه
بتكلفيني عيونك السـودا وايامك الى فاتت
ما إنتيش حبيبتى من إنهارده حبيبتى مـَـاتت
مع صوت أذانك جرس ف الشدة صاحيينلك .. من إمتى كانو الحرس هما الى باقيينلك
بعتيني عشـانهم وعنيكي معصوبة .. ياهل ترى خاينة ولا زيي مغصوبة
كل الكلام إتقــال والشـعر بقا مـَـاسخ ... والصبر علو جبـال والظلم بقا راسخ
وطن وغرقـان ف النطاعة .. كل شئ ريحته نطاعة ...
علمونا بالعصـاية ..ورضعونا الخوف رضـاعة
علمونا ف المدارس يعنى ايه كلمة قيــام .. علمونا نخاف من الناظر فيتمنع الكلام
علمووونا إزاي نخاف وإزاي نكش .. بس نسيو يعلمونا الاحترام
فمتزعلوش لما أبقى مش بســمع كلامكم
مســتنى أيه من طفل ربوه بالزعـاق غير المشـاكل والخناق
كل الى قـالك بحبك دا كان نفـاق ... وانا لما قولت لك بحبك كان نفــاق
الحـٌُـب يعنى إتنين بيدوا .. مش أيد بتبنى وستوميت تيت تيت يهدوا
الحب حالة .. الحب مش شعر وقوالة
الحب يعنى براح ف قلب العاشقين للمعشوقين
يعنى الغلابة ينامو ف الليل دافيانين
الحب يعنى جواب لكل المسجونين .. هما ليه بقو مسجونين ؟؟
يعنى أعيش عشـان هدف .. عشـان رسـالة يعنى احس بقيمتى فيكي
عشــان مش عايش عوالة .. يعنى لما أعرق تكافئيني بعدالة
الحب حــألة .. الحب مش شعر وقوالة
الحب حاجة متتوجدش ف وسط ناس بتجيب غداها من صناديق الزبـالة

الكــلام دا كان واحد قــايله ع قنــاه دريــم ف العاشرة مسـاءً
انا سمعته وبجد عجبنى أوى فجيبته لكم عشـان تقولو ليا رأيكم

رد مع اقتباس
  2 (permalink)  
قديم 2010-12-04
افتراضي

يااااااااااااااااااااااه

مؤلم اوى

اما تكون شايف ناس بتتعذب قدامك

وانت واقف

مافيش بايدك حيله

حقيقي

مصر خلاص

مش بقت زى زمان

نفسنا فواحد زى السادات يرجع يصلحها

منك لله يا مبارك

من لله

مميز اوى يا حرامى الغسيلgentleman
__________________
https://www.facebook.com/groups/594353554039411/

الاعضاء ياريت تنورنا هنا
(جروب ذكريات نجوم)

رد مع اقتباس
  3 (permalink)  
قديم 2010-12-04
افتراضي

يااااااااااااااااااااااه

مؤلم اوى

اما تكون شايف ناس بتتعذب قدامك

وانت واقف

مافيش بايدك حيله

حقيقي

مصر خلاص

مش بقت زى زمان

نفسنا فواحد زى السادات يرجع يصلحها

منك لله يا مبارك

من لله

مميز اوى يا حرامى الغسيلgentleman
__________________
https://www.facebook.com/groups/594353554039411/

الاعضاء ياريت تنورنا هنا
(جروب ذكريات نجوم)

رد مع اقتباس
  4 (permalink)  
قديم 2010-12-04
افتراضي

انا متشكر جدا ياميرو على المرور على مواضيعى
والله لو عشنا 100 الف سنه مش حلاقى زى الزعيم محمد انور السادات وربنا ينتقم من الى كان السبب فى قتله وفى الجنه ان شاء الله تعالى ويارب يصلح حال مصر
رد مع اقتباس
  5 (permalink)  
قديم 2010-12-04
هبوشة هبوشة غير متواجد حالياً
عضو
افتراضي

بجد تسلم ايديك
كلامك مؤثر اووووووووووى
ويارب اعدل حالنا ياااااااااارب
رااااااااااااااائع
رد مع اقتباس
  6 (permalink)  
قديم 2010-12-04
افتراضي

تسلم الايادى حبيب قلبى مش هينصل الحال غير لما اكون انا رئيس جمهورية هههههههه
رد مع اقتباس
  7 (permalink)  
قديم 2010-12-04
افتراضي

هههههههههههه يبقى مش مصلوح حالنا خالص انتا شكلك بتلم صح غطوه كويس
رد مع اقتباس
  8 (permalink)  
قديم 2010-12-04
فراشة شتاء فراشة شتاء غير متواجد حالياً
كبار الشخصيات
افتراضي

هشام الجخ ده حكاااااااايه بجد
حسبي الله ونعم الوكيل

تسلم ايدك ياباشا
روووعه التوبيك
__________________


لا تبكِ ياصغيري لا وانظُر نحو السماء..
من قلبك الحريري لا تقطع الرجاء
إن الامل جهدٌ عمل .. والجهد لا يضيع
تعاونت قطرات في قلبها نبضٌ مليئٌ بالحياة
تماسكت .. تعاونت كن مثلها ..
جهدٌ .. امل .. الوان .. حيـــاة


رد مع اقتباس
إضافة رد

مواقع النشر (المفضلة)

الكلمات الدلالية (Tags)
متهــانة, ليــه, بتخلفيـنا, بإهَــانة, إنبي, واللقمــة, كارهـانا؟؟, كرامتنا


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:25 AM

روابط هامة
All Rights Reserved to Nogooom.com - Designed By

اخلاء مسئولية

 يخلى موقع نجوووم | منتدي نجووم مسئوليته عن اى مواضيع او مشاركات تندرج داخل الموقع ويحثكم على التواصل معنا ان كانت هناك اى فقرة ( موضوع - او مشاركة ) تتضمن اى انتهاك لحقوق الملكية الفكرية او الادبية لاى جهة - يقع عليها اى ضرر من اى شكل نتيجة استخدام الموقع بالتواصل معنا من خلال البريد الالكترونى التالى admin@nogooom.com .وسيتم اتخاذ الاجراءات اللازمة من مسح او تعديل هذه الفقرة ( موضوع او مشاركة ).

  جميع المشاركات المنشورة بالموقع لا تعبر بالضرورة عن رأى الموقع او ادارته وانما تعبر فقط عن راى كاتبها ويتحمل وحده فقط مسئوليتها تجاه اى جهة اخرى .

 إن مشرفي وإداريي منتدي نجوووم بالرغم من محاولتهم منع جميع المشاركات المخالفة، فإنه ليس بإمكانهم استعراض جميع المشاركات. وجميع المواضيع تعبر عن وجهة نظر كاتبها، ولا يتحمل المنتدى أي مسؤولية ( جنائية - قانونية ) عن مضامين المشاركات وان وجدت اى مخالفات على الجهة المتضررة التواصل مع ادارة الموقع لمسح او تعديل هذه المخالفات عن طريق البريد الالكترونى التالى admin@nogooom.com


Search Engine Friendly URLs by vBSEO