العودة   منتديات نجوم > المنتديات الإسلامية > المنتدي الاسلامي

المنتدي الاسلامي خاص بكل ما يتعلق بديننا الاسلامي من خطب ومحاضرات واناشيد وصور اسلامية

إضافة رد
 
LinkBack أدوات الموضوع انواع عرض الموضوع
  1 (permalink)  
قديم 2010-04-26
A.El Dais A.El Dais غير متواجد حالياً
::: مشرف سابق :::
بتحبيه؟؟؟؟؟؟






بتحبيه؟!... لو بتحبيه خافى عليه... انتى كده هتوديه جهنم
ترضى تكونى انتى السبب ان يشتعل عليه قبره نارا؟؟
ترضى تكونى انتى السبب أن تزل قدمه من على الصراط فى النار ؟؟
ترضى تكونى انتى السبب انه يتعذب فى جهنم ؟؟

انتى كده رخصتى نفسك... مقامك ان شاب يتقدم لكي فى بيت أهلك
مقامك ملكة على الحور العين فى الجنة..وليس فتاة ...رخيصة أخّها شاب من الشارع وضحك عليها بمكالمة هاتفية ...ونهاية علاقتها معاه ان لم تتب الى النار

ألم تسمعى عن الحادثة المروعة عندما انحرفت سيارة نقل الى جانب الطريق فسحقت عدة سيارات..وأثناء انتشال الجثث من احدى السيارات ... وجدوا جثة شاب وفتاة كانوا فى حالة زنا معا فى هذه اللحظة فنزل عليهم انتقام الله وسحقهم الله امام الدنيا كلها
هل أنتى مستعدة أن تموتى معه الان وتلقى الله على هذه الخاتمة؟؟

تذكرى قبل أن تخطى خطوة واحدة معه.. انتى ماشية فى طريق آخره جهنم
جهنم يعنى شعره شعره فى جسدك ستحترق؟؟
جهنم يعنى عضو عضو فيك سيلتهب؟؟؟ ايه اللى يستاهل؟؟

احذرى ان بسبب هذه العلاقة ربنا يقول للملائكة يوم القيامة عليكى خذوها الى النار فتجدى
سبعين ألف ملك ينقضوا عليكى لينفذوا حكم الملك... فتصرخى... ياخذونى فين يارب؟؟؟
أنا لم أكن أتحمل عود كبريت مشتعل فى الدنيا..أتحبس فى تابوت جمر ازاى يارب؟؟؟
انا لم أكن أحتمل ماء ساخن يشوى جلدى فى الدنيا..
أصبح وانام أشرب من الحميم والمهل ازاى يارب؟؟
فتسمعين النداء الاخير خذوها الى النار ... مش أنتى اللى مشيتى معاه وانتى عارفة انك كده بتغضبينى؟؟؟
كنت بحبه" ..حب حرام .. قائم على أساس حرام.. هى دى عاقبته يوم القيامة

تخيلى نفسك لحظة البعث... الكفن يتمزق من حول جسدك..تنتفضى من تحت التراب...صراخ من حولك من كل جهة لكنكلا ترى أى شىء ...واذا بيد على كتفك من الجانبين..فتصرخى بفزع مين؟...سائق وشهيد..ستساقى للعرض على الله

عاوزة تمشى معاه؟؟ امشى معاه... لكن لو هينجيكى يومها من العذاب الرهيب

احذرى أن ينظر الله لكى وأنتى تقولى له كلام الحب الحرام فينظر الله لكي نظرة غضب..ولو نظر الله لكي نظرة غضب فقد ضعتى وضاع كل شىء فى دنيتك وآخرتك وستظلى غارقة فى غضب الله ان لم تتوبى

لسه بتقولى بتحبيه؟؟..لو بتحبيه سيبيه لله.. انتى كده سبب فتنته فى دينه والله يقول(ان الذين فتنوا المؤمنين والمؤمنات ثم لم يتوبوا فلهم عذاب جهنم ولهم عذاب الحريق)صدق الله العظيم

تذكرى انك لكي تقابليه الآن او تحدثيه فى الهاتف 6 ساعات خنتى ابوكى وخنتى امك وخنتى اخوتك وخنتى قبل هذا ربك ودينك
ولا عقوبة لهذا الا أن يخونك هذا الشاب فى يوم من الأيام او يخونك زوجك فى المستقبل...والجزاء من جنس العمل

لا تقولى (دى مجرد علاقة بريئة..واحنا مبنعملش حاجة حرام)بالله عليكى قفى مع نفسك واسأليها
هناك ملك يمين وملك شمال يكتبوا كل شىء ..وقفتك معاه..نظراتك ليه.. كل (مسد)وكل (مسيج)
أرسلتيها ليه.. هيكتبها ملك اليمين...ولا ملك الشمال؟؟؟
الارض اللى أنتى واقفة عليها معاه هتشهد ليكى..ام عليكى؟؟
لو رسول الله صلى الله عليه وسلم جاء الآن وانتى بتكلميه هتقوليله ايه؟...صاحبي؟؟
لو ملك الموت جالك الآن وأنتى بتكلميه هتقولى لربنا ايه؟؟...حبيبى؟؟

من ترك شيئا لله عوضه الله خيرا منه..لو تركتيه لأجل الله..هو خير ليكى ..سيأتى الله به اليكى فى الحلال..ولو ليس الخير ليكي سيعيطكى الله من هو خير منه..ده اختيارك لنفسك

ما تفعليه الآن خيانة لزوجك فى المستقبل لأن مشاعرك من الآن ملك ليه هو،تذكرى انك ممكن تحرمي من نعمة الزواج طول حياتك بسبب هذه المعصية

واخيرا .....هذا الموضوع رسالة ليكي من الله ...والله يقول(وما كنا معذبين حتى نبعث رسولا)صدق الله العظيم
وممكن تكون دى اخر رسالة توصلك قبل الموت

الآن...حالا...خذى قرار أن تتركيه...اختارى...هو أم الله؟...قولى له ان ألح عليكي لتعودى اليه...أنا مستعدة أضحى عشانك بأى شىء..الا ربنا...أنا مستعدة أخسر عشانك أى شىء ...الا ربنا

>>صفقة<<
تسيبيه..وتنجي من عذاب القبر؟؟
تسيبيه..ولا تقعي من الصراط الى جهنم؟؟
تسيبيه..وربنا يعوضك أحسن منه؟؟
تسيبيه..ولا يشتعل عليكي قبرك نارا؟؟تسيبيه..وتفوزى بحب الله؟؟

<<توصيات>>
1)استعينى بالدعاء فالله قادر أن يرزقك أحسن زوج فى الدنيا يحبك وتحبيه وأن يرزقك السعادة
2)حتى يلتئم الجرح لابد أن يغلق عليه تماما..غيري رقم هاتفك وتخلصى من كل هداياه ومن رقم هاتفه
3)ابتعدى عن اى مكان يمكن أن تقابليه فيه
4)اسمعى كل يوم شريط دينى يذكرك بأعظم حبيب وهو الله
5)حاجات هتحسي بيها:-أول اسبوع هتحسي انك معذبة،ثانى أسبوع هتحسي انك ندمانة انك سبتيه ،ثالث اسبوع مع الدعاء وصحبة الملتزمات وحضور الدروس والدعاء ستحزني عند تذكره،وبالتدريج ستندمي على كل يوم جعلتيه جدارا بينك وبين الله


ربنا يهدى شبابنا ويستر بناتنا
اللهم ارزقنا حسن الخاتمة واجعل خير اعمالنا خواتيمها واجعل خير ايامنا يوم نلقاك يارب ياا رحم الراحمين

رد مع اقتباس
إضافة رد

مواقع النشر (المفضلة)

الكلمات الدلالية (Tags)
بتحبيه؟؟؟؟؟؟


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:47 AM

روابط هامة
All Rights Reserved to Nogooom.com - Designed By

اخلاء مسئولية

 يخلى موقع نجوووم | منتدي نجووم مسئوليته عن اى مواضيع او مشاركات تندرج داخل الموقع ويحثكم على التواصل معنا ان كانت هناك اى فقرة ( موضوع - او مشاركة ) تتضمن اى انتهاك لحقوق الملكية الفكرية او الادبية لاى جهة - يقع عليها اى ضرر من اى شكل نتيجة استخدام الموقع بالتواصل معنا من خلال البريد الالكترونى التالى admin@nogooom.com .وسيتم اتخاذ الاجراءات اللازمة من مسح او تعديل هذه الفقرة ( موضوع او مشاركة ).

  جميع المشاركات المنشورة بالموقع لا تعبر بالضرورة عن رأى الموقع او ادارته وانما تعبر فقط عن راى كاتبها ويتحمل وحده فقط مسئوليتها تجاه اى جهة اخرى .

 إن مشرفي وإداريي منتدي نجوووم بالرغم من محاولتهم منع جميع المشاركات المخالفة، فإنه ليس بإمكانهم استعراض جميع المشاركات. وجميع المواضيع تعبر عن وجهة نظر كاتبها، ولا يتحمل المنتدى أي مسؤولية ( جنائية - قانونية ) عن مضامين المشاركات وان وجدت اى مخالفات على الجهة المتضررة التواصل مع ادارة الموقع لمسح او تعديل هذه المخالفات عن طريق البريد الالكترونى التالى admin@nogooom.com


Search Engine Friendly URLs by vBSEO